|
|
樓主 |
發表於 2013-10-30 22:27:56
|
顯示全部樓層
【本地波號外】
顏樂楓葉頌朗同室操戈
南區二子大學鬥高分
同是皇室南區隊友,又是理工大學師兄弟的葉頌朗與顏樂楓,早前就話要鬥一番,不過他們不是在場上鬥,而是鬥學業成績。距離大學成績公布的時間漸近,顏樂楓就話雖然自己感到成績未必贏得到,不過都想爆冷。而葉頌朗就表示一方面想鼓勵一下師弟,同時亦想吃一頓豐富的自助餐。
顏樂楓與葉頌朗同樣出身傑志青年軍,今季同效南區,更一起在理工大學讀書,可謂相當有緣。「阿朗」葉頌朗上個月就在社交網站,向隊友「光頭仔」顏樂楓下戰書,話要跟這位傑志與理大的師弟鬥成績。葉頌朗就指,目的是想顏樂楓勤力讀書:「其實都係想搵啲嘢去激勵佢,等佢會勤力啲讀書。」至於顏樂楓也願意接受挑戰。
顏樂楓懂將勤補拙
葉頌朗指其實一邊讀書一邊踢波是頗為辛苦的事,還好的是南區的訓練時間可以遷就,所以目前每星期只缺席1課訓練,而顏樂楓就只參與2課訓練。阿朗說:「朝早練波,下晝上堂,有時仲有夜晚練多課。有時就算身體上唔攰,精神上都好攰。」他指,自己都希望能夠以學士學位畢業「當然都想學業行先,始終屋企人雖然支持我踢波,但係都想我有個Degree(學士學位)。而且踢波都係踢到30幾歲,雖然有個Degree都未必搵到錢,但係至少都有嘢喺手呀。」
至於顏樂楓亦希望可以在學業上取得成績,當然也希望在足球方面也有進步:「當然想繼續讀上去啦,不過同時想足球方面都有進步。就趁住宜家仲後生,仲有個衝勁想喺足球方面有成就嘅時候,希望可以再上一層樓嘅。」但是,光頭仔其實也很擔心自己的學業:「我讀書唔叻,揀都係揀啲死背嘅科去讀,其他嘢我唔係好叻呀嘛!」相比同學,其實他也很勤力:「都唔知點解,佢哋(同學)可以好似好輕鬆,下星期就交架啦嘛(功課)。我有時間都會搵啲Tutor(導師),問下佢哋我啲功課可以點改,佢哋會反問番我,點解會咁勤力。」
葉頌朗授讀書心得
對於顏樂楓,其實葉頌朗也希望光頭仔可以讀上學位課程:「其實佢條路同我好似,都係Asso(副學士)開始考上去,都希望佢讀到Degree。」因此,阿朗就傳授一些心得予光頭仔:「做球員同全職讀書唔同,所以識到班好同學係好重要。有班好同學可以幫到你讀書。」阿朗又指,作為師兄也可以指點一些「捷徑」,好讓這個師弟易合格。光頭仔表示,自己初初上大學,跟同學有點陌生:「我開學前去咗緬甸(亞洲U19錦標賽),之後又去東亞運,冇參加過O-camp(迎新營),係呢排多咗番學先同啲同學傾多咗。佢哋對我都好好奇,問我點解成日唔上堂,有時亦會問我有冇邊份Notes(筆記)。」
不過對於現況,顏樂楓就覺得可能墜入了圈套:「我懷疑佢早有預謀,佢應該係肚餓嘅時候諗到。我又要東亞運,有成個星期冇上堂,佢就唔駛,最大鑊係佢4科得1科要考Mid-term(期中考),我就3科都要,都危危地。「自助山」都幾百蚊架,不如改做Canteen啦!」然而,距離揭曉的時間還是有一段路,雖然光頭仔開始有點「打定輸數」,不過他仍然希望會贏,可以食到「自助山」:「當然都唔想輸啦,輸咗俾人有排講呀!我贏到嘅,可以剝佢棚牙呀嘛!」 |
|