7.1 遊行人數

henry69

不怕你有獨立批判性思維
只怕你不具有獨立的批判性思維

不滿民陣「亂講」
葉兆輝續點人數

【明報專訊】十年來每次七一遊行後，均有4組遊行數字公布，包括主辦單位民間人權陣線、警方、香港大學學者葉兆輝和鍾庭耀，民陣通常估最多、警方最少，兩名學者介乎中間。不滿民陣計算人數「亂講」的葉兆輝原對這類人數估算之爭已心灰意冷，但考慮到作為學者「應該讓社會有多一個數字作參考」，決定改變主意，繼續在今年點算人數。

原不數 因吃力不討好

港大社會工作及社會行政學系教授葉兆輝過去亦有為元旦遊行派員數算人數，但今年元旦再無參與，原因是不滿民陣公布遊行人數不科學、「亂講」，不想再吃力不討好，他本來亦不想再在今年七一點人數。

「政府愈弱勢 數字似愈誇大」

「做了十年，已睇到個pattern(模式)，其實可以唔做了，你見近年個主辦單位同我個數差距愈來愈大，好似係政府愈弱勢、主辦單位就傾向誇大個數」。他慨嘆多年來雙方都各說各話，已心灰意冷；但他的學生覺得今年應該繼續做，加上考慮到自己是學者，應該讓社會有多一個數字參考，決定今年續點人數。不過，身兼中央政策組特邀顧問的葉兆輝強調點算人數與政府無關。一如以往，葉兆輝會在銅鑼灣波斯富街及灣仔軍器廠街派員點算經過的人流，再用方程式推算人數(見下表)。

「應予多一個數字參考」

今年港大民意研究計劃總監鍾庭耀亦會點算七一遊行人數，葉兆輝稱他與鍾互不認同對方的點算方法，但多年來雙方推算結果卻差異不大。他堅持方式要客觀及可驗證，


「總之，市民大可對政府施政表達不滿，但主辦單位也不應以誇大的數字作為理據」。

明報記者 蔡傳威

Polka

咁多人游行

bbarying

記唔記得肥佬黎預言有50萬人

衣家話有43萬，已經報少咗呢~

香港「壹傳媒」主席「黎智英」表示，今年香港的七一大遊行，與零三年的七一大遊行不同。
黎智英說，目前香港許多年輕人，對香港政局極度不滿，估計可能會有五十萬人上街。

黎智英表示，零三年的七一遊行，是成年人對政府不滿，而今年則是年輕人對政府不滿。
黎智英說，現在香港的年輕人，擁有普世價值觀，不能接受假普選；同時更重要的是，他們有道德承擔，他為香港的年輕人，感到很高興。

黎智英並估計，今年香港七一遊行的人數，恐怕會「意想不到的多」。

handsome1971

我從來都唔會信民間人權陣線公布數字

lbtjo

大佬，上年我老遠行過睇熱鬧，同民陣條友有眼神接觸，見佢拿起枝筆，就知唔妥。走過去同佢理論，點知佢仲連我個影都剔埋。

今年怕我唔使出現，都當出現了！話43萬,算比面啦。

話事話，肥佬黎又會咁橋，係7.1前先話比人恐嚇！？還是又一次示範新聞是怎樣做出來。長毛想抽水？學下啦。

谷村富郎

lbtjo 發表於 2013-7-2 17:12
大佬，上年我老遠行過睇熱鬧，同民陣條友有眼神接觸，見佢拿起枝筆，就知唔妥。走過去同佢理論，點知佢仲連 ...

點解會咁橋？再橋D都仲有,被人燒報紙單嘢咪仲橋,唔係點做影子特首？
将來在中國香港的歷史上,肥佬泥算是舉足輕重的一個,影响深遠。

補充內容 (2013-7-2 17:30):
可能會好似秦檜咁,被鑄成鐵像永遠站在某地,遺臭萬年。

Vitokylam

其實警方既數字非常準確, 但只係計算維園起步人數, 並冇加埋沿途加入既數目,
所以將警方公布既數字加大兩,三成就差唔多. 大約8萬幾人, 亦同兩名學者既點算
相若.

bigfatdog

就算經過個度，民陣都入埋數。
由維園出發計，應該係最準確。

henry69

回應 henryyu #6 的帖子

四個數字
自己判斷
43,  10.3,  9.3,  6.6

點算七一遊行人數，葉兆輝稱他與鍾互不認同對方的點算方法，但多年來雙方推算結果卻差異不大。
他堅持方式要客觀及可驗證

每年有四個數字
民陣,警方,港大民研（鍾庭耀負責）,港大社會工作及行政學系教授葉兆輝

谷村富郎

bigfatdog 發表於 2013-7-2 18:12
就算經過個度，民陣都入埋數。
由維園出發計，應該係最準確。

我昨日和家人在老尖海傍行過,民X唔知會唔用高倍數望遠鏡到我地,又入埋數呢喂？

bigfatdog

谷村富郎 發表於 2013-7-2 18:22
我昨日和家人在老尖海傍行過,民X唔知會唔用高倍數望遠鏡到我地,又入埋數呢喂？ ...

唔出奇!!!!

annabellahill

睇個圖....民陣個數仲以為係
<<美國量化寬鬆>>...<<祖國4萬億振興經濟>>...印銀紙個數
09年之后係貢篤

winner20099

回應 henry69 #1 的帖子

特區政府應做多事情,平衡內部矛盾,不彼机會那些別有用心的人利用不滿的民情

谷村富郎

winner20099 發表於 2013-7-2 20:51
回應 henry69 #1 的帖子

特區政府應做多事情,平衡內部矛盾,不彼机會那些別有用心的人利用不滿的民情 ...

有時唔系話唔想做或唔去做，而系根本做唔到，奸人當道，猛虎攔路，立法會裡面和政界裡各路人馬阻頭阻勢，事倍而功半都冇，直頭係行一步，被班PK迫退两步，揾上帝來做都死，最近有統計，香港在全中國的競爭力已跌至第五，如果再不生性好快跌出十名外，成為三缐城市！可憐的香港人，你地癲够未？你地瞓醒未？就快玩完啦！知唔知呀，陰功！

gogogogo

又唔係想入健力士紀錄, 洗乜咁著緊有幾多人遊行呢? 又話要維園出發? 又話要行到軍器廠街等數人頭? 我係維園入, 去灣仔就閃左, 咁邊個計我呢?  總之參與遊行人數係唔細, 由早幾年低谷再向上攀係無容爭議, 權力在手嘅政府係好應該檢討一下, 並且化解, 唔好一味出口術, 應該做返 d make sense 嘅事.

谷村富郎

化解？談何容易，如何化解？
香港政局我個人觉得它己陷入死胡同，社會分化已到臨界懸崖，無論有冇或真假普選，只要選出的人是建制派就會落到和今日的政治局面,阿爺又決無可能任命一個擺明反中央的政府，我個人看法，只有两條路，一就是似如今一樣選個建制派領袖出來，繼續目前有鬥争無建設的局面，二是阿爺借头借路話香港動亂失控提早結束港人治港，用強硬手法関起門來打仔，平定內鬥，派個京人和京班子來治港，你又吹得佢漲咩?

逗利是佛

谷村富郎 發表於 2013-7-2 23:30
化解？談何容易，如何化解？
香港政局我個人觉得它己陷入死胡同，社會分化已到臨界懸崖，無論有冇或真假普 ...

再咁落去,阿爺被逼認輸,跟住反枱.......可能要咁樣,香港才可以重新上路

逗利是佛

henry69 發表於 2013-7-2 15:58
不怕你有獨立批判性思維
只怕你不具有獨立的批判性思維

''誇大''好......等市民醒覺甚麼人在年年呃佢哋

大家不妨拭目以待,睇吓今後哪些媒體會統一口徑將這一年的人數定位於43萬人......九萬幾、十萬幾嗰啲......很快提都無人提了

太空翔

中共肯讓香港擁有真正普選的可能性不高,
其一民主制度所選出的人選未必如其所願,
行政立場難以控制,政局走向無法臆測.
其二香港若可以真正普選,恐引發中國各地效法爭取,
星星之火足以燎原,將動搖甚至終結其一黨專政.

若說中共會惱羞成怒,強硬手段關門打仔,平定內鬥,直接統治?
應該不至於出此下策,至少在台灣還是中華民國之前.

以中國目前的國力,外患從來不是問題的問題,
隨著人民經濟自由化而來的政治自由化的追求,
才是中共的心頭大患陳年痼疾.

逗利是佛

太空翔 發表於 2013-7-3 00:13
中共肯讓香港擁有真正普選的可能性不高,
其一民主制度所選出的人選未必如其所願,
行政立場難以控制,政局走 ...

言之有理!其實以中國如今的發展勢頭,香港已變成面子工程而已

以香港的所謂反對派的實力,本質上是難以與大陸抗衡的;不過他們睇準大陸要為做好門面管治香港,所以他們也盡力做些撕破臉的事,去拆大陸台戲。