白表客狂呻「政府畀意粉唔畀叉」

upoi

【本報訊】首批中籤的2,500個白表免補價準買家，近月四出揀樓，但二手居屋過去一個月被炒貴兩成，加上受制於按揭年期及二手居屋供貨不多，令購買力有限的準買家處處碰壁。80後準買家鍾先生幾經辛苦，找到心儀的房協單位，卻又發現房協不肯為白表免補價買家提供九成按揭保證，令置業夢頓時幻滅，他批評政府推出白表免補價計劃時沒有周詳考慮及配套。記者：譚靜雯

鍾先生與父母及弟弟同住屯門居屋，早前他與弟弟以家庭名義申請白表免補價計劃，5月獲悉中籤後，隨即到同區睇樓，一個月內睇了屯門兆麟苑、翠寧花園、富健花園、龍門居及房協景新臺等多達20個居屋單位，但發現樓價一個月內勁升兩、三成，貼近私樓價，「二手私樓同居屋價差距拉近咗好多，只係差40萬」。「居屋價會再推高」5月底他正式收到房委會批准信後，上周一到樂富居屋銷售中心申領「購買資格證明書」，兩周內可獲發證明書正式買樓。
根據白表免補價計劃，中籤者除可選擇購買房委會約25萬個未補價二手居屋單位，亦可選購房協未補價的「住宅發售計劃」約9,000個單位，而房委會將為白表買家提供售價九成的按揭保證。鍾先生參觀過房協轄下近10年樓齡的景新臺三個未補價單位，有一個約260萬元的兩房單位本來既合意，樓價亦在負擔能力之內。但他發現，銀行最多只提供25年七成樓按，而房協更未能為白表買家提供九成按揭保證。

「政府畀意粉唔畀叉」
個記者暗示佢無叉用??

逗利是佛

upoi 發表於 2013-6-10 11:45
「政府畀意粉唔畀叉」
個記者暗示佢無叉用??

在下都想話架喇,要買樓個個人都要儲首期架啦,財務規劃向來都係自己的事,咁都有得怨政府唔準備埋多個二按俾佢?!

不過被師兄一言驚醒

初級玩家

咁要唔要幫你埋埋左張單AR
呢D已經係優惠來GA LA
又要威又要帶頭盔
從來買房都係3成首期GA LA
不如你話政府包埋唔駛首期
每個月只供~咁米仲化算

Topvision

攞到意粉, 就想攞叉.  攞到叉, 又要唔要pizza呀

gogogogo

回應 Topvision #4 的帖子

可能要送多個靚女拎叉餵意粉.

逗利是佛

Topvision 發表於 2013-6-10 19:30
攞到意粉, 就想攞叉.  攞到叉, 又要唔要pizza呀

俾杯大檸七佢先喇,點可以無野飲咁唔人道架

sadsam167

攞到免費意粉, 就想加叉燒 .. 貪心

我就在這裡

回應 逗利是佛 #2 的帖子


到你提供二按就會有人問點解無裝修, 傢俬. 汽車....生仔貸款...
令我想起沙士時期要將淘大人逼入西貢隔離時, 有人投訴早餐只有蛋治...
人心沒厭足.....總有人嫌不夠的...
富貴必于是, 顛沛必于是...

jj99

而家D 後生，乜都要政府幫，要政府比，欠佢咩！佢痾完屎使唔使叫人幫佢抺屁眼！

peepsen

一個月被炒貴兩成
二手居屋供貨不多
房協不肯提供九成按揭保證

延續老懵的假大空

Topvision

回應 gogogogo #5 的帖子

已經比市民多個選擇啦.... 都可以嘈......  以後抽中送多個靚女都無用, 又屌點解唔係周秀那

Topvision

逗利是佛 發表於 2013-6-11 01:08
俾杯大檸七佢先喇,點可以無野飲咁唔人道架

佢同你差唔多同路人黎.....  你望望自己個簽名......

唯一唔同, 係你喜歡.  佢地就一向都係 !!!!

Bippwin

政府依家唔為白表客提供九成按揭保證，係為佢哋好．
以前居屋有三至五成折讓，九成按揭根本好安全，保唔保證都冇問題，政府就算同你接貨都冇問題．

依家啲二手居屋根本就冇乜折讓，勉強幫啲能力唔夠嘅小業主買貴居屋上樓，根本就係累咗佢哋．
幾年之後，小業主破產，政府接貴貨．
啲泛民仲唔罵到政府同有關人仕仆街？

gogogogo

回應 jj99 #9 的帖子

咁又唔係只係後生, 中年老年都做左壞榜樣, 係社會風氣.

powertvb

政府要零首期幫市民買樓，
免息供樓，
包裝修，
送電器
加埋條女，
咁就是好政府，
你地發春夢喇，乜撚都懶政府