有沒有咁Q, 同一日都出現几次64

controllboy · 發表於 2013-6-5 09:02:08

有時啲嘢，真係邪到大家唔信㗎。噚晚、即係6月4日攪出嚟嘅六合彩，原來啱啱係第64期，唔少網民一早已經留言話喎：嘩，有冇咁蹺呀，六合彩都毋忘六四？估唔到，之後嘅攪珠結果，更加令人驚訝。

事關第64期六合彩結果，雖然係頭獎無人中，二獎1注中，偏偏三獎呢，竟然係有成64注中。係呀，冇睇錯呀，係有成64注中呀，每注派82,580蚊。原本已經覺得呢期六合彩「有啲嘢」嘅網民，更加覺得不可思議，紛紛話世事無奇不有。
六合彩.gif

另一件
話說昂坪360噚日請咗傳媒去實地視察兼採訪佢哋嘅工程人員，藉此證明早前有指360纜車嘅車頂、吊架同螺絲出現鏽迹係不實，點知噚日受訪嘅工程人員正正企喺架編號64嘅纜車前，有記者見到發出會心微笑。

而向來被政府認定唔聽話嘅港台呢，就喺即新時聞網站登咗呢位員工嘅受訪照，64兩粒字清晰可見，好多人都話，明顯係提醒市民今晚維園見。心水清網民話，公務員加薪幅度唔計四捨五入，若只計小數點後一個位，加埋係6.4喎，認真應景。

是否有咁啱呢