地產代理之哀歌 (轉貼)

肥叔叔

仲達
2013年5月30日

什麼行業前景最暗淡？

客源不足？人流量不足？同行之間競爭太激烈？廣告客戶忽然大收「水喉」？High Tech 揩野？被新興的革命性產品搶佔市場份額？範式轉移？夕陽行業？

統統都不是，是被政府針對、政策打遏的行業。

俗語有云「窮不與富鬥、富不與官爭」，制定遊戲規則的人，無論如何也不能得罪，就算沒有得罪之，假如制定規則者認為市場失效，需要糾正之時，也會以「公義」之名主動進行資源的二次分配：在我們身處的世界，這個制定遊戲規則的人，就是政府。

筆者近日與不少地產代理交談，親身了解前線的苦況，部份發人深省、使人心酸的對談，僅錄如下：

「以前日日飲茶，而家食個飯盒都嫌貴，好多時捱杯麵咋。」

「好多人話而家係冰河時期，等同沙士，其實係慘過沙士呀！沙士期間業主都肯減一兩成，而家？半成都無呀！」

「你知唔知我地呢行撈得最掂係點款？金勞？錯！係你部手機成日響，一個鐘頭可以響十幾次---咁你知唔知而家我部手機響幾多次？係零！ 」

「未有雙倍印花稅都可以做投資客、收租客、工商舖生意，而家D稅咁貴，工商舖又要即時比印花稅，邊有得炒呀？最慘就係我地，業主買家各自拉鋸，互不相讓，點做呀？」

「通常帶客睇樓，睇十幾廿間都會落疊架啦。而家？個客同我講，唔睇夠五十間唔會買野，好彩最終都開到單，但係睇左七十幾間囉，我對皮鞋難左囉......」

「我地半山區件件換樓貨，就算唔使八位數字都唔係咁易負擔啦，原本已經因為印花稅隨樓價越貴而越高，所以少客，而家仲嚟個雙倍印花稅，咁即係叫我地執笠啫！」

「以前行頭有句祖訓叫『做大唔做細、做買唔做租』，貪佢『功夫差唔多、佣金高好多』。而家無呢支歌仔唱啦，有得做你就要做，有客嚟到，即使係租車位租套房，都要當佢大爺咁服侍，開到單就當佢神咁拜。」

「我地呢行最慘係乜？工時長？大把工都係啦，係無牙力罷工！老實講，每日開成十幾個鐘工，假日例牌無得抖，真係慘過做地盤工、碼頭工，但人地有工會有牙力，我地？算啦，D拍擋唔比人炒都自動走佬，我都準備轉行......唉，人到中年，錢又無，人又老，仲要轉行重頭嚟過，我地有乜錯？點解政府要咁對我地？」

可能有人認為，做地產代理「好天斬埋落雨柴」，不用替他們擔心，但香港地產代理行業的分佣，大多是公司佔大部份，員工佔少部份，據筆者了解，除了金牌經紀，大部份從業員只是僅夠糊口，頂多表面風光，日子一點也不好過，哪來餘糧應付長期挨打的局面？

去年10月，整體物業交易單月已近1.2萬宗，推出雙辣招後，氣氛轉淡，跌至今年1月的八千三百多宗，正當市場期待小陽春使市場恢復生機之時，又來了辛辣招/六辣招，包括完全趕絕投資需求的雙倍印花稅，使4月的成交量暴跌至四千三百多宗，住宅單位僅佔三千四百多宗，半年之內物業交投大跌六成！

與此同時，根據地監局的資料，今年4月份地產代理(包括大細牌)持牌人數增至40,171人，比去年增加了7%，但按該月之物業成交量計，平均九個地產代理才有一個可以開單---餓死地產代理之說，有數據支持。

一言蔽之：政策打遏無運行，打破困局要變通。


代表地產各同業,  多謝政府頂力打壓,  嚴重降低我地形象,  極力打爛我地飯碗
我地齊齊去攞綜援,  攞返我地應得果份  




原文  :  http://www9.property.hk/article_ ... UNGTAT&id=23937

kkkalvin

肥叔叔 發表於 2013-5-30 19:01
仲達
2013年5月30日

最慘依樣 :
我地呢行最慘係乜？工時長？大把工都係啦，係無牙力罷工！老實講，每日開成十幾個鐘工，假日例牌無得抖，真係慘過做地盤工、碼頭工，但人地有工會有牙力，我地？算啦，D拍擋唔比人炒都自動走佬，我都準備轉行......唉，人到中年，錢又無，人又老，仲要轉行重頭嚟過，我地有乜錯？點解政府要咁對我地？」

kkkalvin

kkkalvin 發表於 2013-5-30 19:46
最慘依樣 :
我地呢行最慘係乜？工時長？大把工都係啦，係無牙力罷工！老實講，每日開成十幾個鐘 ...

諗咗好耐. . . .真係唔知叫D師兄轉咩工好???

肥叔叔

kkkalvin 發表於 2013-5-30 20:36
諗咗好耐. . . .真係唔知叫D師兄轉咩工好???

點解政府要咁對我地？

454

>>>>>>>可能有人認為，做地產代理「好天斬埋落雨柴」，不用替他們擔心，但香港地產代理行業的分佣，大多是公司佔大部份，員工佔少部份，據筆者了解，除了金牌經紀，大部份從業員只是僅夠糊口，頂多表面風光，日子一點也不好過，哪來餘糧應付長期挨打的局面？
--------------------------------------------------------
尼樣是事實 , 但 從來冇人 去了解 個班  "非金牌經紀",  只是 話 地產代理D佣...好易 執....嗡2句收$$
話明 金牌經紀....  4 萬個 有幾多個 ......?
個班 "非 金牌經紀"....  收份"出氣人工",   有冇人知...?

long1083

咁要快D轉行啦

呀吓

可惜加上大把正棍都為左博取未上車一族既選票而懶理你地呢行死活, 以為犧牲左你地就得選票....

lawson.

無錯, 正苦打壓係唔岩
但其實正苦點解要咁做
就正如呀吓所講
邊個先係罪灰禍首呢

kkkalvin

肥叔叔 發表於 2013-5-30 20:51
點解政府要咁對我地？

講真果句~因為依家個正苦(其實係由上手累積落嚟)冇咩大志, 冇遠見, 冇大方向大藍圖!
淨係識得人云亦云, 人哋鬧果樣就走出做果樣.
其次, 依家d人(再加上d政棍)個個都覺得大聲鬧就有用, 愈鬧就愈大聲. 攪到正苦有晒方串同冇時間. . . .
等等啦, 等到正苦都爆煲, 咩都冇ge時間, 大家就會知道咩係可以人做, 咩係應該做, 咩叫天理架喇!
各位, 咪到果日前, 自求多福啦!

kkkalvin

lawson. 發表於 2013-5-31 10:24
無錯, 正苦打壓係唔岩
但其實正苦點解要咁做
就正如呀吓所講

咪係, 正苦唔打壓各位, 咪到正苦比人打壓囉. . . .

標青

就算唔打壓﹐其實個成交都養唔到咁多個代理架啦

kkkalvin

標青 發表於 2013-5-31 14:29
就算唔打壓﹐其實個成交都養唔到咁多個代理架啦

好似話上個月仲有人手增幅添喎!

454

kkkalvin 發表於 2013-5-31 16:31
好似話上個月仲有人手增幅添喎!

係 換 冇數 agent.....為 實

lawson.

其實我想問
agent有無散工架
例如開新盤先搵你黎幫手推
之後叫你返歸食自己
咁架

肥叔叔

lawson. 發表於 2013-6-1 10:29
其實我想問
agent有無散工架
例如開新盤先搵你黎幫手推

有, 大把,  一手就專搵呢D PART TIME,  周街周商場, 有牌 無牌一齊兜客
1 比 99,   一個客俾99個SALES圍  

lawson.

肥叔叔 發表於 2013-6-1 10:44
有, 大把,  一手就專搵呢D PART TIME,  周街周商場, 有牌 無牌一齊兜客
1 比 99,   一個客俾99個SALES圍 ...

咁我又想問下
每間公司有咩職員, 駛唔駛報俾地監知架
如果地監唔知, 點監管ed唔知咩人呀

肥叔叔

lawson. 發表於 2013-6-1 10:59
咁我又想問下
每間公司有咩職員, 駛唔駛報俾地監知架
如果地監唔知, 點監管ed唔知咩人呀 ...

1) 按照法例, 公司所有 有LICENSE AGENT入職都要報上去俾EAA,  一般文職就唔洗
2) 近期加入新例, 做一手, 都要有落區人名表, 所屬阿頭名單, 預早唔知幾多日報俾EAA

法例就有, 但大把 大行會搵無牌新人周街兜客,
果d無牌無名無姓,  如果兜到客睇樓, 就會拉返去同有牌PARTNER 或阿頭做個客世界

如果唔好彩, 咁岩EAA例行公事落去CHECK人CHECK牌,  CHECK著個無牌既SALES,
咁果條友就唔好彩,  會俾人趕走, 但唔會爆響口邊個叫佢黎做

454

肥叔叔 發表於 2013-6-1 11:19
1) 按照法例, 公司所有 有LICENSE AGENT入職都要報上去俾EAA,  一般文職就唔洗
2) 近期加入新例, 做一手, ...

>>>>  果d無牌無名無姓,  如果兜到客睇樓, 就會拉返去同有牌PARTNER 或阿頭做個客世界..
---------------------------

肥叔 就是 " 做個客世界"  個 個.......

肥叔叔

454 發表於 2013-6-1 12:20
>>>>  果d無牌無名無姓,  如果兜到客睇樓, 就會拉返去同有牌PARTNER 或阿頭做個客世界..
--------------- ...

禾唔做一手,   1:99 唔係我地做   

454

肥叔叔 發表於 2013-6-1 12:39
禾唔做一手,   1:99 唔係我地做

  食慣大茶飯......