無綫一年一度嘅選美盛事《香港小姐競選》已經展開招募，自從87年嗰屆開始，無綫每年港姐外景都係吸引靚女參加嘅其中一個因素，港姐候選佳麗踏足過嘅外景地點，包括希臘、意大利、英國、法國、加拿大、瑞士等，每年都吸引傳媒隨隊採訪，為咗宣傳呢項盛事，無綫同旅行社合作之餘，亦畀錢贊助部份中籤傳媒嘅部份旅費。
任佳麗自拍宣傳
無綫今年嘅港姐佳麗會去八個地方拍外景，但唔知係咪唔想有損害港姐形象嘅報道出街，聽聞無綫會取消贊助傳媒，但另一方面又怕個活動冇宣傳，所以到時啲佳麗將會每人獲派一部相機，規定佢哋自拍或互拍寫網誌，由以前佳麗禁止自我宣傳，變成可以公然自我宣傳兼幫公司、旅行社宣傳，佳麗之間亦由暗鬥變成明爭！
■三個港姐都係着短裙出事，齊齊春光乍洩，真係幾失禮。
馬賽
何傲兒
噚日一班應屆港姐張名雅、朱千雪、同前任港姐馬賽、張嘉兒、許亦妮、何傲兒等，喺銅鑼灣幫《2013香港小姐競選》做招募，其中許亦妮嘅紅色低胸裙最性感，其間成班靚女又同魔術師甄澤權（Louis）玩魔術，又唱歌又跳舞，何傲兒、張名雅、馬賽三個都係着短裙就出事啦，搞到齊齊露底，輪流春光乍洩。
講到全場最性感，許亦妮話唔算，佢反而話自己肥咗想減肥，尤其近排拍劇心情緊張，收工都仲同朱千雪去食自助餐。同許亦妮一樣都係金剛緋聞女友嘅張嘉兒就話兩個同場冇尷尬，仲同記者八金剛係咪追求Mandy Lieu，仲笑話如果佢真係追到就執到寶。
許亦妮（左）同陳庭欣齊齊性感為港姐宣傳。
何傲兒出力谷胸上頸，成功「凸」圍而出。
呢位兄台，你啲粉仲厚過何傲兒啵，個表情又chok過林峯，你想點先？
馬賽BB走光，只怪太瘦啦！
兄台，你影乜嘢呀？
以上影片乃youtube提供,與本站無關; 若無法觀看,可查看 原網址。
何傲兒依家肥左反而仲正呀 | 
在線雷達
發表於 2013-5-27 22:36:05
廣播
置頂
超級提昇
強效提昇
推舊帖
收嗲鳥
油顏色
