香港球員林學曦加盟印尼超聯球隊佩斯查

Fakeman6

加油加油呀。出邊大把前途你去走啊！

JIMMYBOY

新加盟佩西查的林學曦，今日趕及首次正選上陣，在「榜末大戰」中協助球隊擊敗佩西達弗，全取三分。

據球迷網上報道，林學曦有多次埋門機會，並差點入波，但未能把握機會。據說，對方踢法也算粗暴，在比賽尾段，林學曦疑因腳步受傷倒地，最後被換出，目前並不知道他傷勢情度如何。

JIMMYBOY

印尼聯賽現正由佩西達弗 對 佩西查的賽事，據悉林學曦趕及註冊，目前正選上陣。

正選11人：Galih, Fabiano, Nanak, Ismed, Glend, M ilham, Rohit chan, Amarzukih, Anindito, Lam Hok Hei, Pacho

yamamoto

佩西達弗 0-1 佩西查，本來呢啲波全香港可能只有幾個無聊友先會走去關注，但今日就唔同喇，因為香港隊嘅林學曦第一次登場！
林學曦踢正選，上半場有3次起腳一次中龍，下半場更有球差少少搞掂！但下半場疑因傷中段被換出，學曦嘅第一次就咁完咗，據有關消息指主隊佩西達弗踢得非常粗暴。

yamamoto

man36951

回應 yamamoto #25 的帖子

印尼波一向都係咁粗暴

man36951

回應 yamamoto #25 的帖子

印尼波一向都係咁粗暴

yamamoto

【林學曦印尼超聯首登場表現唔錯】
首名登陸印尼職業聯賽嘅香港華人足球員林學曦首次替雅加達球隊佩西查上陣，最終球隊作客贏波升上聯賽第15位。
雖然林學曦下半場約70分鐘傷出，但據賽後文字報導稱，林學曦表現唔錯，上半場喺禁區內搏到個12碼，由巴西籍隊長比拉美操刀，但係俾對方守門員捉到路。
之後林學曦自己主射罰球射中目標對方守門員飛盡撲出，下半場有一次補射中楣彈出。
佩西查教練杜勞滿意林學曦首仗表現，但強調林學曦未來仍然要適應印尼聯賽嘅風格(印尼聯賽節奏比港甲較快及體力化，身體碰撞場面亦較多)。
他指林學曦腳法唔錯，如果多加訓練必有出頭天，但就冇講林學曦傷勢如何。但推斷如果林學曦傷勢嚴重佩西查臉書已經老早唱通街，相信下一場聯賽主場對佩西瓦可以繼續上場。

yamamoto

【印尼網站inbol.net最新消息：林學曦仍然需要時間適應】

港腳林學曦於印尼賽場首度登場，拍住同樣係新加盟嘅喀麥隆前根莫尼(Emmanuel Kenmogne)組成雙箭頭。
據佩西查教練班杜勞指呢個前鋒組合效果暫時睇係唔錯，但杜勞亦提起現時林學曦仍然需要適應印尼嘅聯賽風格及生活環境。
杜勞說：「他(林學曦)仍然需要時間適應」。始終獨自一人而且係人生第一次，少不免會產生不安感及思鄉。
現時林學曦除咗需要盡量適應異國之聯賽風格，需要面對嘅仲有印尼嘅生活環境、飲食習慣，生活文化等事項。
一個人離鄉別井去到一個陌生嘅地方起初真係會感到好孤獨，特別係無法用語言溝通之下。
所以，林學曦，頂住呀！

歐偉倫

印尼波起碼多d觀眾睇 好過香港

雲海信徒

前排印尼唔係假波咩？

yamamoto

歐偉倫 發表於 2013-5-29 01:25
印尼波起碼多d觀眾睇 好過香港

印尼聯賽一向都係好多觀眾架
過萬人入場睇波係好平常既事

yamamoto

雲海信徒 發表於 2013-5-30 18:46
前排印尼唔係假波咩？

國家隊輸成十球俾巴林嘛
但又搵唔到足夠證據
所以事後又當冇事發生了

雲海信徒

回應 yamamoto #34 的帖子

派左彩就當冇事..........

yamamoto

雲海信徒 發表於 2013-5-31 18:48
回應 yamamoto #34 的帖子

派左彩就當冇事..........

亞洲足協係咁上下啦

yamamoto

6月1日佩西查 vs 佩西瓦



舉行地：雅加達Lebak bulus(閉門作賽)
時間：15：30(香港時間16：30)
對賽球隊：佩西查(persija) vs 佩西瓦(persiwa)

yamamoto

今日印尼又有關於林學曦嘅報導，據tribunnews.com指，佩西查教練杜勞點名稱林學曦係一位充滿潛力嘅年青球員。
「身為一名前鋒，他的位置感及走位不錯」杜勞說。星期六嘅聯賽預計林學曦會繼續拍住喀麥隆前鋒根莫尼(Emmanuel Kenmogne)打雙箭頭。
現時教練對學曦嘅評價相當不錯，只係佢尚末適應環境。根據印尼入波網嘅投票普查星期六佩西查對佩西瓦賽果估計。
有88%網民認為佩西查能夠勝出比賽，10.1%網民認為佩西瓦能夠勝出比賽，只有1.9%網民認為會和氣收場。
而比分方面，29.31%網民估佩西查贏2比0，14.01%網民估佩西查贏3比1，睇黎8成網民都認為佩西查可以順利贏波。
其實，今季嘅佩西查，係近5年來狀態最低沉，實力都被認為係近5年來最不濟，主原因係上年多名經驗球員離隊，而新加盟嘅球員大部分欠缺大賽經驗。
雖然保留咗數名老將及外援，但可能新舊球員尚末接軌，導致上半季嘅成績差劣，更試過排包尾，令球迷極度擔心，但下半季作出唔少調動，成績開始返黎。

yamamoto

佩西瓦排緊聯賽第11位，但只係比佩西查多2分，換言之佩西查贏到佩西瓦嘅話就可以壓過佩西瓦同佩塞拉排第9。
而講到呢度順手講埋近況雖然差不多，佩西瓦下半季冇咗2名外援只餘2個外援留低，而且又有主力本土球員走人實力又進一步削弱。
但前港甲外援安杜仲喺隊內，可以睇到林學曦 vs 安杜呢個前流浪球員對戰，現時安杜幫佩西瓦上陣20次射入7球係球隊射手。
不過佩西瓦有個老毛病就係主強客弱，隊波本來實力已經唔強加上走咗2名外援就更弱，所以佩西查都好大機會贏波。

yamamoto

身為印尼首都雅加達最有代表性嘅球會佩西查於印尼有一定影響力，早前多使用只能容納12,000人之Lebak Bulus球場，由於球場座位不足以應付瘋狂嘅佩西查球迷。
所以近年佩西查以能夠容納88,000人之卡諾運動場作主場，雖然雅加達人口有1,000萬但佩西查主場比賽能夠坐滿88,000座位近年只此一次。
其實某些大戰佩西查球迷絕對能夠谷爆球場，但由於考慮到安全關係好多時主辦單位都會限售，谷爆球場當然係好事，但有自知之明搞唔掂咁多球迷，控制球迷數目都係一個好方法。

2011-12 印尼ISL佩西查主場球迷入場數字(只計在可容納88,000人之卡諾運動場中舉行的賽事)：
vs 詩都阿佐 (12,000)
vs 佩西達弗 (16,000)
vs 三馬林達 (23,450)
vs 米特拉 (14,520)
vs 佩西巴 (20,599)
vs 錦石聯 (17,650)
vs ISL棉蘭 (24,645)
vs 西格里 (6,425)
vs 萬隆 (50,000)
vs 斯里維加亞 (14,375)

yamamoto

佩斯查的狂熱球迷