間題思考 2

梅麻呂 · 發表於 2013-5-17 01:45:07

本帖最後由梅麻呂於 2013-5-17 02:25 編輯

你老細嘅"襯家"同你講, 做得唔開心味調過嚟幫我手囉,你跟住佢有前途咩?邊個做得野,邊個唔做得,我有眼睇嘅....
你老細"召你入房"同你講, 家陣你做得好唔開心咩?你黐咁埋隔離 D人做乜X野呀?家陣你係佢D人定係我D人呀?投先佢同你講過D乜嚟? 我同你講呀,你唔好諗住過去呀.
你D"襯家"無野同你講, 但係就四圍同人講, D咁嘅人,都仲有人肯收留嘅? 公司係咪錢多呢,不過老細肯放人先啦...話唔定..嘿嘿...
你D靚同你講,你就好啦,上天堂啦...咪扮野啦...全公司D人都知你過底啦...點啫帶我走啦不如...
你D"朋友"同你講..上次大老闆..見完你之後佢話好欣賞你噃....我都話你D人材嚟啦...去度邊處都發熱發亮...嚟啦..唔使諗啦...一於攞筆錢出嚟跟我入貸啦...嗱~!以後兩兄弟拍住上...大把世界呀!!

你老細嘅"襯家"又同你講, 良禽擇木而棲呀...細佬.
你老細再"召你入房"同你講,你咁X鍾意黐埋隔離D人吖嘛, 味辭咗職先過去囉..不過公司規舉....走咗一年內唔番得入嚟做架...你一係就做埋今個月啦....
你D"襯家"又四圍同人講,天有眼囉...該死嘅人...都係抵X死架啦...下午茶食乜...嘿嘿..吓..梗係 A A 制啦...
你D靚同你講, 啊~!原來搵到好路數...係度懶神秘...又唔帶埋我走....
你D"朋友"同你講..喂~!有批筍野到咗呀..明益你....