俾人告非禮，點算？

yjk

上個星期係商場行街，行行下無心撞咗一下個女仔，當時我玩緊電話，所以都無講對唔住就繼續行，點知個女仔追上嚟話頭先我手肘撞到佢個心口，告我非禮！我當時一口否認，個女仔堅持話有，咁唯有報警！咁最後我去差館落口供，期間聽拉我個個差佬講：佢睇完避露電視，話原來反而係個個女仔撞到我先啱，但因為女仔，所以佢特別敏感所以一定要告我非禮！最後CID又來同我落口供，又影相又打手趾毛足足搞咗5個鍾，最後俾我交1000蚊擔保才可以走！差佬話佢地會再調查，所以你唔好以為無事，可能要上庭的！
現在我唔知點好？明明影到個女仔撞我，唔係我撞佢，點解差人要拉我，和有可能上庭？咁係咪我要請定律師打官師？現在我係咪俾人正式落案起訴？定還是等差人個邊通知？好煩！！
請好心人解答！！

hkpkboy

由於沒有看過各方的口供及影片，好難比意見你。
一般情況下，建議你先將手上所有的口供或相關資料，找私人律師或民政事務署的當值律師，尋求法律意見先。
是否檢控，律師司會要視乎証供而定。一旦作出檢控，警方會告訴你聆訊日期、時間及地點。如不檢控，亦會告訴你的。

healer

建議你無做過咩都唔好認

yjk

回應 hkpkboy #2 的帖子

請問師兄，通常要等幾耐先會收到差人的通知是否會檢控我？因為我無錢請律師！

hkpkboy

yjk 發表於 2013-5-11 17:32
回應 hkpkboy #2 的帖子

請問師兄，通常要等幾耐先會收到差人的通知是否會檢控我？因為我無錢請律師！ ...

由於每單案件都不同, 証供又不同,  沒有一個法定的時間!
現階段為了保障自己的利益,   你找民政事務署的當值律師,尋求法律意見先喇, 免費的!
如果一旦告你, 你亦可到法院的當值律師辦事處, 要求律師協助, 收費只是幾百元!

yjk

回應 hkpkboy #5 的帖子

多謝師兄回復，咁你覺得我保釋10天報到之後，如果呢十天差人都冇撿控我，咁我會唔會大機會冇事？定還是要等差人正式通知？

beyond_i

回應 yjk #6 的帖子

既然你已經俾咗口供，警察又搵埋錄影帶，你其實無嘢可以再做丶亦無需要做。
警察應該查得七七八八，無進一步証據要搜集嘅話就由oc決定告唔告，或者搵律政署俾意見。
現在只能等警方或律政署決定。你擔心都無用。有錄影帶應該很有幫助，可以找出真相。
今時今日嘅香港，我仲會對呢啲同政治無關嘅法制程序有信心嘅！

hkpkboy

yjk 發表於 2013-5-11 18:46
回應 hkpkboy #5 的帖子

多謝師兄回復，咁你覺得我保釋10天報到之後，如果呢十天差人都冇撿控我，咁我會唔 ...

保釋10天報到之後，如果呢十天差人都冇檢控你，不代表他們不檢控你!
你現在可以做的, 只有等警方通知,同埋,找律師,取意見!

三流師爺

yjk 發表於 2013-5-11 11:19
上個星期係商場行街，行行下無心撞咗一下個女仔，當時我玩緊電話，所以都無講對唔住就繼續行，點知個女仔追 ...

控方具有舉證責任
標準要證據達致毫無合理疑點

當有疑點
疑點利益歸於被告

hkpkboy

pistone 發表於 2013-5-12 02:26
但如果未落charge正式告你,duty lawyer可能唔受理住. 總之無做過就唔好認!

未落charge,  他仍可去民政事務署預約見當值律師,尋求法律意見先!

lawson.

yjk 發表於 2013-5-11 11:19
上個星期係商場行街，行行下無心撞咗一下個女仔，當時我玩緊電話，所以都無講對唔住就繼續行，點知個女仔追 ...

等我作一些補充啦
其實日常碰撞真係日日都有
而你這樣的事件我可以話俾你聽比比皆是
由於女事主報左警, 所以警察要處理
唔好以為一定無事, 因為後果可以好嚴重, 唔係嚇你

首先, 警察唔即時告你好正常,
因為佢地都要查, 由於無急切性,
等三幾個月好正常, 佢地會考慮事主口供
CCTV同你的口供要作決定
不過你落左口供, 這方面就定左
如果佢告你, 你會被要求上庭,
咁的話就如hkpkboy版所講, 要搵私人或當值律師協助

有一樣野都想大家留意
非禮係有一條交替控罪叫"普通襲擊"
即係即使你的"碰撞"無非禮的成份,
但碰撞都可能構成"普通襲擊"
因為"普通襲擊"要求相對較低
所以千祈唔好掉以輕手

樓主, 由於始終資料有限
俾唔到太詳細的意見
但你現在確實無咩好做,
只有等

yjk

回應 lawson. #12 的帖子

請問師兄，＂如果佢告我＂呢個＂佢＂係講個女仔還是差人？如果證據不足，個女仔係都要告我，差人會唔會受理？還是因為佢係受害者所以盡管證據不足也可以告我？
還有個問題，點解差人唔俾我睇CCTV？我落口供時要求過好多次但都唔俾？我無權睇，咁個女仔又有冇權睇？其實當場的時候我同個女仔都話要睇，但最後都無睇就去咗差館！我覺得咁樣好無理由，我都係當事人應該可以睇先啱！我好無辜！

lawson.

yjk 發表於 2013-5-12 21:03
回應 lawson. #12 的帖子

請問師兄，＂如果佢告我＂呢個＂佢＂係講個女仔還是差人？如果證據不足，個女仔 ...

佢的意思的警察
所有刑事案,
起訴都為律政司
即係政府告你, 事主只係証人
告唔告唔輪到事主話事,
而事主話唔告, 亦唔等於律政司一定唔起訴

至於CCTV, 係調查過程中, 其實未必會有須要俾你睇
你的責任係講出事實, 而唔應該係根據條片去"配合"
這對事主亦係一樣, 不過如果佢地決定起訴你
你當然會有機會睇啦

yjk

回應 lawson. #14 的帖子

多謝回復，十分詳細！

yjk

回應 beyond_i #7 的帖子

多謝師兄回復！其實當日，CID同我落完口供都講：口供落完依家，fax俾oc睇，如果睇過雙方口供之後，最後決定告唔告還是由oc決定！其實oc係邊個？最後oc俾我保釋係咪告我機會唔大？其實拉我個人軍裝差人睇完cctv之後佢當時都話我好大機會沒事，但佢會唔會因為方便拉我所以先騙我才咁樣講，騙我返差館落口供！？

beyond_i

回應 yjk #16 的帖子

法律程序係咁嘅，有人報案投訴，警察調查，搜集証據，間証人攞口供，在警誡下問疑犯攞口供。疑犯有權唔俾口供，無人包括法庭可以因為疑犯唔俾口供而作出對佢不利嘅推論。不過如果要俾，講到明可以用來針對該名疑犯。

搜集証據完畢，一般案件由officer in charge決定告唔告。複雜啲就問律政署意見。

你嘅案而家行到由oc考慮，所以你呢一刻並無任何嘢可以或者應該做。你問嘅嘢都係無答案嘅推測，我哋答你都係老點你。

到時有事嘅就搵律師幫你，你而家驚都無用，只會打亂日常生活工作。

活在當下，祝順利。

lawson.

yjk 發表於 2013-5-14 08:37
回應 beyond_i #7 的帖子

多謝師兄回復！其實當日，CID同我落完口供都講：口供落完依家，fax俾oc睇，如果 ...

oc = officer in charge, 即係案件主管
一般會係調查果隊的阿頭
俾你保釋, 其實同會唔會告你無咩關係
至於佢話無事, 係咪為左方便拉你更加無關
你個人企係度, 佢要拉你有幾難
為咩要講說話你聽
不過其實佢講咩, 我一般唔信

honchan

lawson. 發表於 2013-5-14 10:39
oc = officer in charge, 即係案件主管
一般會係調查果隊的阿頭
俾你保釋, 其實同會唔會告你無咩關係

如果我非禮你會唔會比小記落案告我架

lawson.

honchan 發表於 2013-5-14 22:42
如果我非禮你會唔會比小記落案告我架

我會搵7mac鑽你

複制忍者

我有個朋友 在酒吧飲大左 唔覺意點到個女拳手pat pat ....最後上法庭 罰8000