無綫「御用看更」孫季卿巨瘤變大

man36951 · 發表於 2013-4-25 21:43:08

無綫「御用看更」孫季卿巨瘤變大

有睇《金枝慾孽貳》嘅觀眾，都會留意到一張熟悉得好似家人一樣嘅面孔……就係飾黃德斌(吉海)阿爹、欽天監佟泰嘅孫季卿。由噚晚到今朝，不少網民都轉貼一張、清楚見到孫季卿左後邊頸後有個巨型腫瘤嘅劇照。有人以為係化妝特技，亦有人擔心孫伯伯嘅情況。

大家請放心，現年81歲嘅孫季卿伯伯，身體好好呀，佢頸上真係生咗個巨型脂肪瘤，但因為發現嗰陣，年事已高，孫伯伯唔想做手術。佢接訪時曾謂﹕「醫生話我年紀大唔好割，拍劇時咪用頭髮遮吓，同埋鏡頭遷就吓囉。我好鍾意演戲，如果唔拍劇又會好悶，不過太辛苦嗰啲我都唔接0架喇。」故此化妝師、整頭飾嘅師傅同攝影師都會特別照顧孫伯伯，用道具、假髮或帽幫佢遮住頸後嘅腫瘤。