「香港人有恐共症 」﹣ 說得真好！

jj99

蘇守忠， 真是前輩的一番話，道出很多人的心聲！！

【轉載 am專訪】香港脫離英國百年統治已16年，但仍有一些老左派在扣帽子式點評「港英餘孽」，有如活在「反英抗暴」年代。73歲的蘇守忠，四十七年前因天星小輪加價五仙，年輕的心怒火與道德勇氣迸發，獨自絕食抗議結果觸發騷亂，半世紀過去，早已看破紅塵剃度出家的蘇守忠，依然充滿革命鬥爭色彩，批英反美不亦樂乎，並診斷香港人有「恐共症」，這名香港公民抗命的先行者，對「佔領中環」更視為大逆不道，狠批「搞亂」香港。

眼前一位出家人，卻像透「維園阿伯」，逢泛民必反，每逢叫喊「倒梁」、推動「佔中」，他都一一狠批，連帶遊行隊伍中有人舉「龍獅旗」，他亦算到泛民頭上，那管舉旗的只是小市民。香港近年遊行示威不斷，蘇守忠歸因於香港人無知患上「恐共症」，令香港「亂到好緊要」，「成日不停咁嘈，你嘈得多人哋都厭，有冇效先？」對於法律學者戴耀廷倡議佔領中環爭取真普選，他連珠炮發，「佔領中環根本破壞香港經濟，搞亂香港………呢啲懵人讀壞書，中晒西方嘅毒………」

他批評一些人盲目相信西方的所謂民主，「你照搬西方嘅嘢唔掂，有啲恐共症，香港人知識水準又低，未去到獨立思考層面，讀歷史讀到唔三唔四，國民教育都反對，即係冇根嘅？冇祖先嘅？班人冇五倫嘅？一味西方嗰啲，不知所謂，呢啲根本冇晒倫理。」他還用俗語說：「佢(哋)想西方嗰套普選咋嘛，呢啲真係『聞』美國佬狗屎『聞』得多，不知所謂………」
他多次指香港人有恐共症，「啲人一聽見恐共症，傻㗎，有冇認真睇過中共黨史？有冇認真睇過佢啲鬥爭史？」他認為泛民背後有英美勢力唆使，從中渾水摸魚，記者問他英美搞亂香港有何得益，他一副教訓口吻：「你對英美(歷史)睇得好少………」


批佔中幼稚質疑道德勇氣
記者問及若佔領中環有很多香港人支持，問題還未說完，他便搶白：「多人唔代表真理，我呢個傻人點解66年走出嚟，即係話得一個有道德勇氣嘅人………(當時)根本可以隨時死人，嗰時差佬權力咁大，我朋友(盧麒)19歲死咗，你睇呢班人有冇道德勇氣先？」佔領中環倡議者強調這是一場覺醒運動，他不屑一顧，「其實好幼稚，你佔領中環就代表你好民主咩？你能夠爭取到嗰啲嘢嘞咩………」
問他是否一生「反殖」？「呢個講法唔係錯，而係awareness(覺醒)………」那麼香港人是否要盲目愛國？他有點動氣，「唔係盲目………」他繼而滔滔不絕，「我覺得班香港人無知，真係未開腦………佢哋真係冇讀歷史，你鬧中共，嗰個係你敵人，你都唔了解敵人，點對付佢嚟知己知彼呀？」他再補白，「我反對嘅係無知，你盲目一味見中共就反，你對你嘅敵人都毫無認識，你反咩嘢啫………」
他認同特首要愛國愛港及不能與中央對抗，問他愛國定義，他說：「了解先啦，你都唔花時間了解歷史………」那麼要求「平反六四」是否不愛國的表現？他毫不猶豫說：「唔係」；高喊「結束一黨專政」又如何？他思考片刻，「唔………好自然發生嘅，多黨未必一定好………所謂多黨即係不同聲音，中共唔係唔可以批評，根本有啲嘢未做好………」香港人恐共是否源於「六四事件」？「你不能一朝被蛇咬就可以咁，泛民班人搞嚟搞去，想中共搞多次六四，中共點會咁傻呀，錯就錯過，但學生亦有錯………」
他對舉港英「龍獅旗」更深惡痛絕，「港英旗是甚麼東西？愛嚟『抆』屎呀………舉港英旗嘅人不知所謂，你去到英國，英國承認你咩？你是甚麼東西呀？你黃皮膚嘅，你去到咪又係三等公民，你估揸英國護照好威咩？」

蘇守忠說自己愛國，那麼愛國是否等同愛黨？他說道：「我都冇資格入黨，未曾有資格入黨！」即曾經想入黨？他頓了數秒說，「我覺得保留自己身份都可貴，問題係我都相信黨、我都相信國家………」他再停頓片刻後說，「但有時佢哋上級嘅嘢會唔會過敏呢？好似艾未未，一個artist(藝術家)喺西方嚟講好受尊重，你對artist咁緊張，人哋覺得你傻傻哋………」他會批評中共，但功蓋於過，「如果唔係共產黨，你同我仲拖住條辮，俾鬼佬踢緊籮柚！」
記者問他年輕時是否共產主義信徒，他答說：「又唔係喎，因為我哋睇到天主教苦行、自我犧牲同約制，都好接近共產黨………」蘇守忠年輕時曾是虔誠天主教徒，96年在寶蓮寺受三壇大戒，剃度為僧，法號曜樂比丘，他認為，「耶穌根本係佛教徒」。出家人向來少講政治，他教人眼前一亮，「冇人敢講，有啲嘢真係好忟憎，你唔出聲唔得！」早於四十七年前他已毋懼殖民地保守氣氛為公義發聲，他形容那股勇氣源自天主教積聚的力量，但那時挺身而出亦非偶然，他於64年在母親安排下，隨中共船隊運送大米到古巴，他當時在船上職位是見習買辦及二管事，「第一次出外離開香港，好似開腦」，他目睹古巴革命後的境況，眼界大開，「古巴革命好romantic(浪漫)」，回程路經已脫離英國的新加坡，「(那趟遠行)啟發我做呢件事」。
他自小看很多書，初期受耶穌影響，接著是印度聖雄甘地，及德國哲學家尼采的《蘇魯支語錄》(此為內地譯法，通譯《查拉圖斯特拉如是說》)，「耶穌同甘地都係以退為進，尼采嗰本勁啲，即係好似毛澤東講嗰句：思想武裝乃是最佳的武裝。」他稱頌甘地的公民抗命，話題又談到佔領中環，同樣是公民抗命，他此刻理性地說，「如果經常咁做會癱瘓香港，當年我抗議亦用呢個方法，唔可以隨便用，做得太多，群眾都唔會同情你，有反感，嗰樣又示威，又呱呱嘈，你唔懂群眾心理，行出嚟issue(議題)嗌唔嗌得響？」

後記─年輕一輩或許對蘇守忠感到陌生，年前社運界保衛皇后碼頭，他曾公開露面，一度成為傳媒追訪對象，記者上周電話約訪，他二話不說即答應，行事爽快，反對佔領中環立場亦毫不忸怩，但他原來不知誰是「戴耀廷」，最初還誤以為是「鍾庭耀」，他亦如實告知每天只看一份報章的專欄版，記者恍然大悟。訪問翌日收到法師來電，著記者報道佔領中環時要小心，但他又希望訪問見報後，可讓人對佔中有所警惕，他慨嘆「啲人唔識珍惜」，並坦言希望見到有人舉「五星旗」，與「龍獅旗」抗衡。法師同日第二度來電，希望提供愛港組織的資料，若然愛港行列日後有一位僧人身影，大家毋須大驚小怪，套用毛澤東所言：「世界上沒有無緣無故的愛，也沒有無緣無故的恨」。

我就在這裡

回應 jj99 #1 的帖子

好似又幾對...聽講...
以前香港遊客在外地遇到大事件要撒離.....要排在英國公民後面...
而家搭中國撒僑專機..與國內人同一條隊...

iac

hahaha 但係過呀伯有冇諗過有乜天災人禍嘅時候.
中共官員"可能"會囉你做'搖錢樹'而起碼鬼佬會出面去幫助吓d災民

david288

回應 jj99 #1 的帖子

不要存太大希望，香港人是大陸的二奶仔，
個D老幹部對香港人無好感，就算做都是比國際看。

uplandup

好似又幾對...聽講.

ANTICOMM

「如果唔係共產黨，你同我仲拖住條辮，俾鬼佬踢緊籮柚！」

靜係依句都已經錯晒，是誰不懂中國歷史？！或者是誰被教化到咁叫正史？！
香港不是有恐共症，共產所做過一切，香港人有目共睹。

iac

回應 ANTICOMM #7 的帖子

講得好.......不過玩得政治就唔會有好人.我寧願揀
"The lesser of two evils"

800men

「你對英美(歷史)睇得好少………」

的而且確, 香港不少人都對英美歷史知得很少, 對近代史、世界史也讀得很少知得很少, 尤其是香港媒體。

那些只懂做「娛樂新聞」的香港媒體, 不懂這個世界, 不了解這個地球發生過何事, 報導新聞不經思考, 不用腦地只會照字搬字, 結果是製造集體愚蠢, 讓人們繼續「笨」下去。

除了媒體, 還有本地政客(或稱之政棍), 也是不懂這個世界不知世界發生過何事, 只會盲目的追隨西方那一套, 說他們一知半解也嫌多。

恐共？ 逢中必反？ 冷戰還沒結束嗎？
民主？自由？ 那麼與民主自由共生的剝削、貧窮及私有化呢？
一人一票？ 普選？ 民主就只有這些嗎？ 並重要得要佔領中環？

騎劫了群眾, 打擊了經濟, 分裂了社會, 為的卻是他們的政治本錢, 可討價還價的政治籌碼。 當然也不乏愚蠢及繼續「笨」下去的群眾成就他們！

太空翔

香港人為何會有恐共症?
在於面對,
明知山有虎,卻只能向虎山行,
無從選擇的前程宿命.

冷戰前後世界上,
共黨專政國家轉變成民主政體國家有幾何?
民主政體國家更改為一黨專政國家又有幾何?
若真讀透世界史會質疑,
中國是否已脫離冷戰幽靈?
還是不知不覺中頂替了前蘇聯的位置?

人到法定年齡才可以吸煙飲酒,
並不是代表成年人吸煙飲酒就無害,
而是宣告自此要對本身的選擇負起道德與法律的責任.

成人若無選舉權,只能算是政治上的未成年者.

pkylac05

香港上一代大部份都係逃避共產黨而落嚟，恐共都好正常啫。

逗利是佛

ANTICOMM 發表於 2013-4-25 15:01
「如果唔係共產黨，你同我仲拖住條辮，俾鬼佬踢緊籮柚！」

靜係依句都已經錯晒，是誰不懂中國歷史？！或者 ...

你多啲去同上了年紀的老人家傾吓偈先講喇,呢啲係佢地的親身經歷或者親眼所見的

因為以前啲人有事無事都鐘意踎响度,啲西人見你阻到佢就起腳踢你籮柚,所以這句話可稱得上西人對華人態度的一種"印記",這是歷史,你懂不懂??

Rabbit123321

内地人也有恐共症的

我係分身

ANTICOMM 發表於 2013-4-25 15:01
「如果唔係共產黨，你同我仲拖住條辮，俾鬼佬踢緊籮柚！」

靜係依句都已經錯晒，是誰不懂中國歷史？！或者 ...

咁又做過d咩呢????請問???

hkdiu

Rabbit123321 發表於 2013-4-25 23:43
内地人也有恐共症的

全世界人都有恐共症，不過有D地方人民5敢講。

ZidaneX

人對未知的事物存在好奇感、求知欲，同時存在恐懼感。
社會主義是什麼？共產主義是什麼？很多人都不知道。不完整的、美化的描述，很容易麻醉群眾去滿足領導者的欲望。西方的學者將這種行為總結為社會主義思潮與極端民族主義相結合，即是納粹主義。由於在過去在德國出現，並產生了非常嚴重的結果，因此令受害者對社會主義心有余懼，但其實按中國人舊時的《中庸》、過猶不及思想去分析，社會主義是比較中間、溫和的好東西，過份的是極端民族主義，兩者並湊在一起之後，社會主義竟成為連帶的被厭惡角色。美國的憲章就有對社會主義、共產主義鬥爭到底的條文，即便是美國的社會已經發展到要進入社會主義模式的階段，自己都還死口不認。亦由此，怎麼可能與還是走社會主義道路的中國怎麼要好？鬥爭到底才是他們的真面目。
有無發現匯豐銀行的英文名稱？為什麼一間英國人打骰的銀行會取一個有兩個中國地名的名稱？記得越南船民嗎？英國人到底當華人是什麼？
現在的香港社會和殖民地的香港社會對比，其實是進步的，起碼是更加多元。現在的香港可以有更多的言論空間，各種思潮都可以充分表達。在殖民地時的香港，不會有這麼多政黨，不會有這麼多人關心政治上的事情，英國佬話點就點，香港人就算有乜意見英國佬亦唔會點理，差不多是咋聽唔到。

pacificlub

回應 ANTICOMM #7 的帖子

honestly 共產黨 also scare 香港 based on history!! and that's why they keep "control" HK now

死而後已

中國的共產黨恐怖，但中國人民比中國共產黨更恐怖──有中國的歷史為証。

中國人民知道重視「公平」、「公義」的時候，就是中國的共產黨倒台的時候。

死而後已

蘇守忠──錯！錯！錯！

首石頭

回應 jj99 #1 的帖子

一朝被蛇咬，沒法逃離陰影！

Topvision..

恐共與否, 又唔係逃不過利益.....

想從共產黨得到/已經從共產黨得到利益者, 自然親共.....

你試吓少少利益都唔益佢呀....

一亳子都唔好比咩聯x聯呀, 親共即刻插共....

唔係權, 就係金嫁啦, 再唔係女人囉.....  邊有義工嫁