霍建寧李卓人罵戰

holidayyes

http://news.mingpao.com/20130421/gha1.htm
香港國際貨櫃碼頭（HIT）工潮持續3星期，母公司和黃首次回應事件。和黃董事總經理霍建寧昨身在北京，質疑工會採用「文革式手法」批鬥集團主席李嘉誠，認為勞方聲稱無時間如廁及食飯是造謠抹黑，又指工人連續工作24小時是自願，認為要求加薪20%是不合理，更點名批評職工盟李卓人「帶埋一班人嚟做世界」。李卓人自言不是「張子強」，反駁對方是「打工皇帝」，不理解基層工人苦况，又指工人只是透過紙牌表達對資方不滿，希望對方不要如此心胸狹窄。
工人今到李家大宅抗議
HIT碼頭的400多名外判工人早前發動罷工，勞資雙方經過三輪談判仍無共識，工人日前由葵涌貨櫃碼頭，移師至中環長江集團中心紮營；今日會帶同子女到深水灣李嘉誠大宅抗議。
李嘉誠與兒子李澤鉅一直拒絕回應此事，至昨日長和系「重臣」霍建寧選擇開腔，指和黃並非外判工人的僱主，但會支持判頭透過談判解決事件，工會卻「搞到高寶（外判商）要結業」，批評「佢哋（工會）要求加薪20%，根本唔想有結果」，又說「家得200幾個工人出嚟（罷工）……我有90%以上工人好happy咁支持公司，希望大家明白，邊啲係真、邊啲係假」。
不信HIT刻薄 霍：叫你做24小時都唔制啦
霍建寧認為，外判商的加薪方案合理，不相信HIT管理層如此刻薄，「家21世紀，我叫你做24小時你都唔制啦。我個仔日日都做20小時，你估有人逼佢咩？」他又批評工會用「李生嘅大頭相」示威，猶如「文革式手法」般批鬥，指摘李卓人「無所不用其極」，反問他「係咪想拉埋李生（李嘉誠）一齊傾，抬高自己知名度？」
至於有人發動市民罷買長和系集團貨品，霍建寧笑說﹕「我哋百佳豐澤，樣樣又平又靚又正，點會唔買。」他又稱，和黃只佔HIT碼頭約27%股權，對整個集團的利潤只佔1%。
霍酬金逾億 李：不理解工人苦况
和黃年報顯示，霍建寧去年酬金約1.8億元，過去3年的酬金增幅分別為23.6%、10.9％、5.3％（見下表）。職工盟秘書長李卓人反駁，指霍在說晦氣說話，不理解工人要靠工時換取足夠工資支撐生活的苦况。他續說﹕「在21世紀常有漫畫諷刺時弊，絕非文革式抹黑。」
李卓人 「無所不用其極」，條友已經衰左啦。以為利用工人可以發大，點知比人反咬一口，比市民睇清佢個真面目。

dingdum

holidayyes 發表於 2013-4-21 12:09
http://news.mingpao.com/20130421/gha1.htm
香港國際貨櫃碼頭（HIT）工潮持續3星期，母公司和黃首次回應事 ...

師兄又是出來抺黑李卓仁, 難道閣下都想藉此抬高自己知名度.  噢, 兄台口口聲聲話李卓仁利用工人--- 咪將罷工工友們變成白痴啦.  苦主---工友們既得不到閣下的同路人支持, 閣下真是經衰左了, 個真面目就好清楚囉, 是唯恐天下不亂. 乘機抽水.

谷村富郎

HK言論自由,人人都可發表意见,無乜所謂抹黑與塗白。
霍生和啅人各自表述,互相口水戰,就算4臺各兄弟都一樣,大家吹水份屬正常。
何況不是一直叫長和系找個人出吓声嗎？現在人家出声又唔啱呀？

david288

谷村富郎 發表於 2013-4-21 18:05
HK言論自由,人人都可發表意见,無乜所謂抹黑與塗白。
霍生和啅人各自表述,互相口水戰,就算4臺各兄弟都一樣, ...

言論自由，各自表達，非常合理，支持

kwi

支持言論自由

annabellahill

禾蝗係咪CUT在公關部
依牌D回應仲差個ATV

sbp6083

罷工咁多天，李卓仁不但幫唔到工人爭取利福，返而使工人失去工作，使社會增加煩亂，應否負責，李卓仁下台。

sbp6083

dingdum 發表於 2013-4-21 17:07
師兄又是出來抺黑李卓仁, 難道閣下都想藉此抬高自己知名度.  噢, 兄台口口聲聲話李卓仁利用工人--- 咪將 ...

罷工咁多天，李卓仁不但幫唔到工人爭取利福，返而使工人失去工作，使社會增加煩亂，應否負責，李卓仁下台。

bauer123

sbp6083 發表於 2013-4-23 17:13
罷工咁多天，李卓仁不但幫唔到工人爭取利福，返而使工人失去工作，使社會增加煩亂，應否負責，李卓仁下台。 ...

李卓人無能,要滾走

dingdum

sbp6083 發表於 2013-4-23 17:27
罷工咁多天，李卓仁不但幫唔到工人爭取利福，返而使工人失去工作，使社會增加煩亂，應否負責，李卓仁下台 ...

罷工工潮可以數天內解決嗎? 要雙方能達成共識喎, 話咁易咩! 李卓仁的角色不如由閣下來做吧! 老兄願意為工友們打拼嗎? 老兄又沒有為罷工工友們出力與支持, 現時情況雖沒有進展, 老兄就已把事實本末倒置, 賴得就賴. 就賴到李卓仁頭上, 還進行抺黑, 無理指責.  可見閣下毫無道義.

dingdum

deal1wak 發表於 2013-4-23 20:39
回應 dingdum #11 的帖子

大口仔  李卓人條仆街個角色俾你做啦   你咁崇拜條７頭皮 ...

老兄, 咪咁樣啦.  話晒他都是幫打工仔, 你們這樣無理地指控他.  真是不顧道義.  為何這樣呀! 難道你們這班同路人是跟他有仇呀? 這樣針對, 亦或是受人錢財.  

谷村富郎

啅人真係好努力咁打拼,報載他又重入香港十大議員榜，好嘢,果然一將功成萬XX....。

sbp6083

dingdum 發表於 2013-4-23 19:49
罷工工潮可以數天內解決嗎? 要雙方能達成共識喎, 話咁易咩! 李卓仁的角色不如由閣下來做吧! 老兄 ...

李超人的一向不妥李政棍，你明喇。李政棍不可參與談判角色，如果是我做，我一定唔會搞罷工，，
李超人親中
中央政府一樣唔妥李政棍

cowcat

如果唔係工會班人堅持, 依加有幾多人做洗碗做清潔都可能仲係得$5~6K人工

dingdum

sbp6083 發表於 2013-4-23 23:05
李卓人的角色，如果是我做，我一定唔會搞罷工，，

嘻嘻, 如果閣下是皇帝, 咩都得添.  吹水唔抺咀. 天下泰平囉.  所有工人勞役至死啦., 這樣就不用罷工了.

sbp6083

dingdum 發表於 2013-4-23 23:11
嘻嘻, 如果閣下是皇帝, 咩都得添.  吹水唔抺咀. 天下泰平囉.  所有工人勞役至死啦., 這樣就不用罷 ...

我無諗過做皇帝，你問我，我咪彩下你1

dingdum

sbp6083 發表於 2013-4-23 23:18
我無諗過做皇帝，你問我，我咪彩下你1

好行貨喎, 師兄真求其的.

dingdum

deal1wak 發表於 2013-4-23 23:38
回應 dingdum #13 的帖子

唉 大口仔  你思想太簡單太理想   世上冇聖人 亦冇偉人    你講受人錢財    半生 ...

老兄了無牽掛又如何喎 , 您上岸, 但這班罷工工友們仍要為三餐努力, 爭取合理工資與較好工作環境而已. 不但得不到你們同路人發聲支持,  更遭到你們同路人指指點點甚至抺黑.  老兄咁有智慧與入世. 難道咩叫公義也不知嗎? 亦或是視而不見, 聽而不聞. 能這樣違背良心嗎?