上回講到門風雷啱啱完成咗IVRS,
來自廣東猛人黃先生亦經已嚟到公司,
而且一出手就顯露出工字伏虎拳...
黃先生一伸手就用上龍虎初現,
我潛意識咁用咗一招問手去握.
發覺一股雄渾既內力,
從掌心傳嚟...
[原來門風雷細個時候打交受傷,
左手斷成三折.
幸得問師父同門師兄弟,
梁師傅醫好.
問手就係佢當年從梁師傅嗰度偷學番嚟!]
黃先生同二公子話: 貴公司真是個個都年輕有為.
這位是...
鐵二郎: 呢個係我哋通天教高級打手, 門風雷.
黃先生: 門先生, 您好!
我: 黃先生, 您好!
但見黃先生一眼關七,
向office打量了一眼,
隨即話: 是在這裡示範, 對吧?
話口未完, 經已一馬當先走到IVRS部DOS機同Backend部UNIX PC.
睇佢身手矯捷, 腰馬沉穩,
我心諗: 果然係高手!
再心諗: 佢姓黃, 又識工字伏虎拳, 仲係嚟自廣州...
唔通係同藍屋林氏, 有關聯既廣東十大猛人黃氏後人.
我: 黃先生, 你可以直接用內線電話, 按一線測試一下.
黃先生: 好!
見黃先生按咗speaker, 再按一字,
即時傳嚟凌波麗既廣東聲音: 請選語言
黃先生都未等把聲播完, 經已再按二字.
黃先生: 按二字是普通話吧?
從speaker傳嚟凌波麗既普通話對白:
請輸入所需號碼...
黃先生: 這位女仕普通話挺標準.
後面傳嚟真人版凌波麗既聲音: 是我!
我心諗: 乜失驚無神, 走出嚟, 想嚇<禁>死人咩?!
但見黃先面露出一臉驚恐神情,
相信都係同我一樣俾佢副尊容嚇咗一嚇!
如此同時, 成個office經已迫滿睇熱鬧既同事:
包括有硬件經理石武夫, 四小將, 依老山度條<禁><禁>,
我兩個大佬: 大羅仙同蘇師傅,
仲有身材爆滿既娜姐,
同靚靚二公子私人秘書玉兒...
回頭一看,
黃先生如是者高速咁輸入,
IVRS成功讀取DTMF輸入,
轉化成數據, 再轉到Sco UNIX,
再再傳送到發射機...
接收器發出咇咇聲, 成功喇!
黃先生: 做得很好.
黃先生轉過嚟問我話: 是你一個人做出來的嗎?
我: 是我們一組人的成果.
黃先生跟二公子話: 年青人那麼謙虛, 難得, 難得!
睇黃先生最多咪四十零歲!
鐵二郎: 黃先生, 不如到我辦公室談一下合作的事情吧!
黃先生: 好!
望咗二公子一眼,
今次又見到佢目露殺機,
點解呢?
目送佢兩位難開,
其他人亦鳥獸散.
大羅仙: 風雷仲有好多technical同user documents要prepare,
你喺劍雄番嚟之前搞咗佢.
我: 冇問題.
本來我經已攰到<禁><禁>,
但係有幸一會廣東猛人,
仲俾佢讚咗我兩句,
成個人又再回復十成功力!
我將之前嗰兩日既文本, 草稿草圖整理,
馬上開始document preparation.
呢幾個禮拜埋首係咁打係咁打,
繁體, 簡體, 英文都有,
好彩有小昭姑娘同我一齊做,
真開心.
因為公司機奇慢無比,
唯有用部386行DOS再行倚天,
再用edit打初稿,
之後先用Win3.1加Word編輯一下.
是夜, 我已經可以輕易,
以每分鐘打五六十個中文字,
真係部機都出煙.
見小昭對手依然鎖住鷹王既手鐐.
我: 小昭...
我用每分鐘六十幾個中文字既速度,
加埋軟硬七重天使出...
倚天劍芒!
手鐐崩一聲斷咗.
小昭: 多謝公子!
我: 我話過用倚天劍幫你解開個鎖,
唔駛客氣.
南昌街外又傳嚟雞啼聲.
唔經唔覺原來又通咗頂,
叫外賣早餐食先.
幾個禮拜係咁砌,
手頭上既document經已差唔多搞定.
正!
食完個早餐,
整下呢樣嗰樣,
時間經已係十點幾.
呢個時候發現劍雄條<禁><禁>,
十指互扣,
托住個死人頭
手肘放咗喺一雙大肶之上.
心諗: <禁>, 你條<禁><禁>,
駛唔<禁>駛扮雲師兄呀你?!
仇人見面, 份外眼紅,
自然針鋒相對!
我: 乜你...咁早呀?
劍雄: 早早早早...起的蟲蟲蟲蟲兒,
被被被被鳥吃!
終於等到劍雄蒲頭,
咁究竟佢兩個又會點樣樣攤牌呢?
下回: 通天局中局 |
樓主: mimimi
在線雷達
發表於 2013-5-2 21:54:37
發表於 2013-5-2 22:06:06
