香港傳媒, 洗了香港人的腦袋嗎?

我係分身

兩組問題, 大家可以思考一下引用:
問兩條簡單的問題, 已可以推論, 香港人被洗腦嚴重

北韓的領導人是誰? 相信大部份香港人都識答
印度的總理是誰? 相信很多港人不懂回答

印度, 無論是人口, 國際地位, 生產力, 資源, 地理, 人類文化, 歷史, 無一不比北韓在世界舞台重要...
但就是在香港, 日日只看親美的新聞... ... .. ... .. .. ... ...
結果就出了此些沒有世界觀的洗腦笑話... ... ..引用:
又再問一條問題, 2012年死亡人數4.3萬, 一天 約110人死亡, 你認為 "意外"而死亡的多, 還是"病變"而死亡的多?

1) 交通意外, 2012年約 120人, 平均一天都只是0.3 人.... .... ...

2) 突發性意外, 2012年最大宗都是南Y島海難, 39人

3) 事實上, 香港最高的死亡人數相關的, 就是癌症, 心臟病, 腦血管病, 腎病, 糖尿等慢性, 超過3萬人一年, 佔的比率是最高
其餘的 感染, 呼吸道病, 炎症另計... ... ...


對上是香港統計的數據, 是實在的
但我問過好多人, 他們都會答""意外""死亡的較多, 包括我自己, 曾有這個美麗的誤會

點解?
一) 傳媒會每天報導 意外死亡人數, 新聞, 此才有價值

二) 卻不會報導, 每天又幾十人因癌症而死, 每天幾人糖尿而走... ... ...

就是這樣, 產生了傳媒誤導的誤區

至於有什麼目的?
不難推論

1) 親美傳媒, 是以美國的角度出發, 像印度有影響力但不危害美國的利益, 可以不用理會
反之, 伊斯內賈德, 古巴卡斯特羅, 委內瑞拉查維斯, 北韓金家
就要日播夜播月播年年播

2) 意外保險, 在全球的保險業上, 是其中最好搵的範疇
亦差不多無一個意外保險的POOL 是要蝕水的... ... ...

不要天真到, 以為傳媒是中立, 不受資本家, 不受國家影響... ...
美國入侵他國, 都要日日播出關於中東問題的新聞
利比亞被硬生生輸入西式民主之前, 都要造謠抹黑卡達菲
雍晴軒事件之前, 知不知傳媒用了很多篇幅報導, 香港的酒店需求大增? 原來是配合李氏集團 出貨... ...

真正想有獨立思考能力, 要增加自己的世界觀, 國際視野, 必定要遠離有目的及意識形態掛帥的洗腦傳媒...


補充內容 (2013-4-19 02:27):
你的主題香港傳媒, 洗了香港人的腦袋嗎? 被 pkrocky 不讚!

補充內容 (2013-4-19 02:27):
你的主題香港傳媒, 洗了香港人的腦袋嗎? 被 你檡楷 不讚!

jj99

要有獨立思考能力就要做功課，又要客觀推論。比起來聽人講、跟大隊、以片段片面式的資料代替就輕鬆得多，加上情緒的介入，就做成偏見。
例如 六四，大部份人的印象是支聯會的 “屠城” 口號 ，有幾多人看過亞視的 “六四事件中歷史的空白 - 解放軍在凌晨4時至清晨7時清場的真實紀錄”  然後去分析：
武裝鎮壓在那裏發生?
死傷的是什麼人?
為什麼香港的六四的新聞是這樣播?
等等....

made_in_HK

印度的總理在過去10年有沒有威脅摧毀其他國家呢？
香港媒體有沒有報導在印度發生的強姦案件呢？

david288

made_in_HK 發表於 2013-4-18 06:25
印度的總理在過去10年有沒有威脅摧毀其他國家呢？
香港媒體有沒有報導在印度發生的強姦案件呢？

印度只會欺負巴基施坦，其他國家他有什麼能力嗎？

iac

回應 我係分身 #1 的帖子

西人玩架政治手段,高明過我哋d中國人多多聲!!!
民主?新聞自由? lol
前排'Rupert Murdoch'嗰d賤嘢都只不過係'冰山一角'

iac

都未講佢所謂嘅'民主'....
美國總統點選出嚟,同'小布殊'當初點做到總統,真係好似睇緊TBB嗰d劇咁

khle

iac 發表於 2013-4-17 20:09
都未講佢所謂嘅'民主'....
美國總統點選出嚟,同'小布殊'當初點做到總統,真係好似睇緊TBB嗰d劇咁 ...

真係想請問你對美國總統選舉制度有幾了解，你知唔知美國人口分佈係點? 唔用選舉人知唔知會變成乜野局面?

pkylac05

某程度上，香港人亦開始不相信大衆傳媒了。

iac

khle 發表於 2013-4-18 15:19
真係想請問你對美國總統選舉制度有幾了解，你知唔知美國人口分佈係點? 唔用選舉人知唔知會變成乜野局面? ...

重唔似TBB嗰d劇情(wiki 轉載):-

大選
在大選日2000年11月7日那天，布殊贏得了幾個關鍵的中西部州，包括了俄亥俄州、密蘇里州、和阿肯色州。布殊也贏得了戈爾的老家田納西州和新罕布夏州，以及以往都是民主黨地盤的西維吉尼亞州。主要的電視媒體最初報道佛羅里達州由高爾勝出，但差距隨着開票進展逐漸的拉近，接着被認為是由布殊勝出，到最後佛羅里達州的結果由於太為接近而被宣布無法判定。曾有一小段時間裏媒體報道布殊贏得了佛羅里達州，戈爾於是打電話向布殊認輸並祝賀他當選了總統，但在一個小時後便收回了認輸決定。佛羅里達州在最初的重新計票中顯示布殊獲勝，但隨即被指控在投票過程和選票處理上有所瑕疵。由於佛羅里達州的地方法規定，最後全州的選票都由機器進行重新計票。雖然第二波重新計票結果拉近了兩人的差距，但結果布殊依然獲勝。最後，出現了大量廢票的四個郡展開了人工的重新計票。在12月8日，佛羅里達州的最高法院宣布所有出現大量廢票的郡都必須進行人工的重新計票。到了隔天的12月9日，美國最高法院的判決停止了全州性的人工計票。機器計票的結果顯示布殊贏得了選舉，這使得布殊贏得了50個州裡的30個。選舉的合法性引發了眾多爭議，而且至今依然是爭論的議題[27]。儘管在普選中布殊獲得的選票比戈爾少了超過50多萬票[28]，但在選舉人團獲得271張選舉人票，比戈爾的266張多，這使得布殊成為自本傑明·哈里森在1888年的選舉以來第一個得少數選票而勝出的總統[29]。

khle

iac 發表於 2013-4-17 23:33
重唔似TBB嗰d劇情(wiki 轉載):-

大選

得! 我只係問咗兩個好基本問題，好明顯你冇答到。

不過我都唔應該問你啲美國高中生要討論嘅功課問題。簡單講美國有五十個州，人口分佈唔平衡，如果選總統時只對人口多嘅州俾好處去攞選票，咁人口小嘅州就俾人勿視，選舉人票制度就係要公平，同防止分裂。

唔好以為識copy and paste 就知道發生過乜事，批評前睇深入啲。當年我嗰票係俾Al Gore，我都好唔鍾意小布殊，但係玩得依個制度，就要輸得起，四年後再選過。

iac

回應 khle #11 的帖子

多謝賜教!
民主可以係'多數(人數)服從少數'.
一早就話 '西人玩架政治手段,高明過我哋d中國人多多聲!!!'

khle

iac 發表於 2013-4-18 00:10
回應 khle #11 的帖子

多謝賜教!

冇問題，我尊重你嘅想法，名有名唔同想法先會産生到民主。

中國人玩政治一樣叻，只係方向唔同，係對內。試睇下中共點靠民主發跡，毛澤東點為個人權力玩政治。

iac

回應 khle #13 的帖子

'中國人玩政治一樣叻，只係方向唔同，係對內'
e一點就真係一針見血,同埋我覺得佢哋唔敢點變...成q日淨係識得內剛外柔.
好似釣X台,世貿組織d"規則"....等等

小蛇

傳媒一向不是中立
李卓人這政棍天天上報,全人類以為只有李卓人為工人求福利,
傳媒呀,還有其它工會做緊野的,唔該公平報導

你檡楷

讀過通識都知道印度總理是辛格，好多香港學生哥都識得答，唔好當香港人咁無知啦！
印度跟中國一直有土地紛爭，曾經多次發生中印邊境軍事衝突，所以中印一直以來兩國關系不太親密，而且印度對中國好大介心，印度武器方面主要提供者是俄羅斯，近幾年美國不單只加入供應先進武器畀印度，又與印度有經濟合作，換然之，美、俄都同樣直著與印度關系去壓制中國，可以說印度係親美又親俄。
我就真係唔明樓主你，點鳩解發個題目會用印度嚟比喻 樓主你唔係好支持中共咩？

樓主你對香港及其它國家新聞傳媒機構不相信，咁不滿意，又話會洗你腦袋，你就以後唔好開電視睇新聞、唔好開收音機聽電台新聞，更加唔好買報紙和攞免費報紙！每日學鴕鳥將個頭埋喺地下 ！北韓有晒以上條件，好適合樓主你居住，話唔定仲可以同肥金吹吓水

ANTICOMM

回應 你檡楷 #16 的帖子

師兄，有人自己俾人受洗總喜歡說假民主呀，美帝，外部勢力什麼什麼，一時說到黨偉大或中國人被欺負等等。問兩個元首是誰可以推論咁，成個地球咁多個元首係咪全部要識晒？咁越南而家邊位係領導？俄羅斯而家邊位係總統，邊位係總理？講到親西方，咁英國呀，德國呀，法國呀既總统或總理或首相又邊位？真係吾知邊位先洗人腦

ANTICOMM

回應 khle #13 的帖子

活在某政權既思想教育下既人，又點理解民主既精神同人地民主選擇既背景同歷史意義。正如有些新移民黎左香港，更珍惜自由既可貴。

谷村富郎

你檡楷 發表於 2013-4-18 17:06
讀過通識都知道印度總理是辛格，好多香港學生哥都識得答，唔好當香港人咁無知！
印度跟中國一直有土地紛爭 ...

我真係唔知印度總理叫乜水播,我係上Google查才知道,我问過幾個後生冇個知,有一個仲話;乜阿差有總理架咩？
佢一問您就知係您學問淵博,學貫中,差,西姐。真系好多人唔知架。
其實樓主都係隨便找一個國家的領導人名字出來作比喻說我們日常都是被傳媒牽着走而已,找那一個國家都一樣,印度總算大國,總好過找非洲"挨菜餓死啦"個總理來問您呀。
查實我們一生人都是在洗腦過程中渡過;老豆,老師,老神父,老細,老婆,老友,老而不......日日夜夜長年累月,無論您接不接受,都努力在您耳邊灌輸"真理",还有那排山倒海而來的消息資訊,美聯社,新華社,法新社,甚至路邊社,怕您唔死,驚您唔信,天天向您疲勞轟炸,幾十年下來,可能把您塑做成一個逢美必反的五毛,亦有可能變成為逢中必反的西毛,關鍵是您由細到大受那一堆人的"真理"所轟炸,而您自己又接受幾多而已。

你檡楷

谷村富郎 發表於 2013-4-18 18:10
我真係唔知印度總理叫乜水播,我係上Google查才知道,我问過幾個後生冇個知,有一個仲話;乜阿差有總理架咩？ ...

噢！原來喺中學讀過兩年通識，識得答印度總理係辛格就代表學問淵博，學問貫中，你唔講我都唔知道，我估可能你同認識既後生仔，以前讀書上堂無留心聽書啦！所以唔知佢係乜水！
我真好同情你遭遇，原來你成長過程咁不幸，從少就受到父毋、兄弟姊妹及朋友洗腦！慶幸我細細個就已經識得同我老豆老母駁咀，所以我無被洗腦呢個問題

谷村富郎

你檡楷 發表於 2013-4-18 19:41
噢！原來喺中學讀過兩年通識，識得答印度總理係辛格就代表學問淵博，學問貫中，你唔講我都唔知道，我估可 ...

之所以我上文咪猛讚你叻仔囉，冇話你唔啱啊，乃睇唔到咩？