|
|
發表於 2007-1-10 13:35:00
|
顯示全部樓層
給兄弟好有用的曹仁超金句......
曹仁超投資十二戒條
一、無論情況如何緊記溝上唔溝落。
二、股票市場係賺錢地方，因此絕對要跟紅頂白而非鋤強扶弱，幾時都應吸納強勢股，沽出弱勢股
三、持有蝕本股不放有兩大損失：A、股價上o既損失；B、失去將資金投資其他項目o既損失。因此絕對要止蝕
四、股市唔係低價買入高價賣出o既地方（冇人做得到），應該高價買入更高價賣出，因此宜高追不宜趁低買入
五、牛市中錯失獲利機會冇有怕，因為下一浪更高；熊市中寧可賺少D，亦不應太遲離市
六、股市表現可能同自己想法背馳好耐，所以淡市莫估底，旺市莫估頂
七、第一次出現裂口上升時不妨買入；如出現裂口回落係時候離開
八、旺市時不妨膽大D，因為形勢在我；淡市時少玩，因為(乙水)仔浸死人
九、投資成功先了解基本因素，再利用技術分析決定買賣時機，只識技術分析唔了解基本因素者，只係花拳繡腿（睇得但唔打得）。
十、升市將盡小心「單日轉向」或「單周轉向」走勢，通常幾有用。最簡單的技術分析最有用，太複雜的技術分析只係用o黎嚇初學者
十一、了解群眾心理亦十分有用，因群眾常常睇錯市
十二、止蝕唔止賺，通常賣出之後股價才大升，我地少賺50%或以上。獲利回吐易，止蝕賣出難，只有克服上述心理，才能在股市立足
投資者亦一樣透過選股而參與優勝劣汰，而非睇市。
投資格言：
一、唔好將失敗嘅投機轉為投資，不然只會損失更多！
二、買入後股價如跌10％，必須檢討自己嘅投資策略係咪出錯；如損失擴大到15％，便不理三七廿一沽之哉！
三、損失就係損失，唔好以為未賣就唔係。
四、只有酒樓侍應才問客人攞貼士，如你投資時仍信貼士，你已經失敗。
五、賺錢唔係賣出股票嘅理由，賣出嘅真正理由應該係因為形勢有變。
六、不怕失去機會，只要有資本，明天又有另一個機會。
七、博反彈係極之專業嘅行為。如你並非投資專家，便不應加入博反彈行列。
八、唔做功課嘅投資者最終一定蝕本離場。
一般散戶常犯錯誤：
一、 買賣次數太多；
二、 二、止賺唔止蝕；
三、 三、唔係唔分散投資便係過分分散，好似開雜貨舖。
四、 資訊太多卻毫無主見。
五、 喜歡跟大隊，有時過分自信、有時又過分冇信心。
六、 買自己唔認識嘅項目，例如2000年買科網股就係最典型例子。
散戶常犯錯誤：
一、 不賣不蝕。結果唔少人自1994年至今揸住唔少蝕本貨，十二年仍然未見家鄉。
二、 你買我買。買入理由純因別人買，自己對該股一D都唔了解。
三、 深入研究後，然後決定同該股「結婚」，一世不離不棄（如果係愛情便認真偉大，但投資便認真贛居）。
四、 上述都係行為心理學，指出散戶常犯嘅錯誤；有時自己亦會犯，較別人好嘅係有自知之明，及時糾正。行為心理學家認為，當人獨處之時係理性嘅，當成為群眾便變成非理性，此乃點解大量球迷會燒車，少年集體之時甚至會殺人！成功投資者必須離群獨處，不然好易變成非理性分子。
總結我老曹三十八年投資經驗：
一、股市係不可預測嘅，只可追隨趨勢。
二、股價最終由基本因素決定，但投資者情緒可令股價由一個極端走向另一個極端。
三、買股票之時多注重價值（valuation），因股價最終反映公司價值。
四、展望可能喺短期不能實現，但有耐性經常獲得回報。
上述四點似乎好老土，但絕對係金石良言。
老生常談：
一、 溝上唔溝落。如你手上嘅投資已略有損失，千萬不可加注。
二、 學習「無良」嘅外籍僱傭兵（只幫打贏嗰邊去打仗），如趨勢向上便做好友，一旦趨勢向下便做淡友，唔好立場死硬。
三、 資本分兩種，有形嘅一種係金錢，無形嘅一種叫智慧。如你只擁有金錢而冇智慧，遲早喺投資市場輸死；如你只擁有智慧而冇金
錢，你只係一名好好嘅講者。成功投資者不但擁 有金錢，同時擁有智慧，缺一不可。世上金錢易得，智慧難求。
四、 唔好希望低價買入、高價賣出，上述方法冇人可以做得到，應該係「高價買入，低價賣出」！（高價係指股價由低１上升10％到 15％之後，即寧買當頭起；低價係指股價由高價回落10到15％之後，即賣出當頭跌嘅股份）。
股市應該鋤弱扶強
五、 升市莫估頂，跌市勿猜底，因為你永遠唔知頂喺哪裏及底响何方。
六、 永遠買入強勢股、沽出弱勢股。喺股市中應鋤弱扶強，唔係鋤強扶弱。
七、 利用基本因素去分析事物，利用技術分析去決定買賣時刻。
八、 盛衰循環乃不易道理，經濟周期進入興盛期，不妨大手D吸納；當經濟上升周期進入尾聲之時，小注可怡情。
九、 了解群眾、追隨群眾，最終係同群眾對着幹。當群眾哭泣、上街抗議之時，乃入市時機；當群眾歡呼之時，乃出貨時機。當中區大塞車之時，亦係出貨好日子。
十、 福無雙至，禍不單行。跌市來之時往往狂風掃落葉，唔會陰風細雨（It never rains but pour）！
十一、 止蝕要快（例如虧損10％或以上立即行動），有錢賺不妨滋油淡定慢慢來，賺盡佢，只有年輕人才慌死賺唔切。十二、紙上談兵易、行軍遣將難。嗰D教你「如何賺取一億元」嘅書千祈唔好睇（通常都係紙上談兵）。 |
|
樓主: 深水步驚雲
在線雷達
下震形哥問問先