股票論"談"

黑仔達

星期六曹仁超:

儲蓄成癮難致富

　　面對火紅股市、流動資金過剩及熱錢大量湧入，不應視為洪水猛獸。請問邊一個市場發展冇經歷過泡沫時代？洪水只要適當引導，可用發電及灌溉農田；猛獸加以馴服，亦好有用。怕只怕中國人只曉儲蓄唔曉投資，如此一來，中國經濟如何由工業起飛期過渡到內部消費期？更加唔好話進入經濟成熟期。1970我老曹剛開始寫文章時，已批評「儲蓄之害」，諗唔到2007年今天仍要討論呢個話題。一直以來，中國人過分強調儲蓄而貶低投資（今天叫理財）所佔地位。儲蓄一旦變成一種嗜好（癮），人們好容易養成為儲蓄而儲蓄習慣。中國人最喜歡批評美國人唔儲蓄性格，而唔諗美國經濟點解咁強大、中國經濟點解咁不濟？我老曹認為，儲蓄習慣二十五歲前應結束，儲蓄優點在於培養個人對開支有節制，例如開支只佔總收入80％便恰當，儲蓄優點已大致上發揮，餘下就係學習點樣理財。過去四十年我老曹從未見過一個人可以透過儲蓄而致富，中國人一生省吃儉用，結果又點？節流不如開源，如你唔懂得投資，保證你退休之時生活一塌糊塗。我老曹認為，三十歲前應學會理財（或投資技巧），甚至學美國人咁讓儲蓄率跌至接近絲路亦無妨，只要投資方面成功便可。

男人四十擔子最重

　　理財愈年輕開始愈好，因為本小蝕亦好容易翻身；二十六歲年我老曹亦曾將賺返五十萬元蝕掉（1974年可以買四個住宅單位），依家又如何？太早失去反而令自己學曉投資應謹慎，過去三十年我老曹再冇輸過大錢（因已學曉止蝕）。男人四十歲通常係負擔最重時期（仔細老婆嫩），甚至會影響理財（因生活擔子重，但千祈唔好放棄）。進入五十歲擔子漸輕，到時理財便十分容易。你可以選擇五十五到六十五歲任何一年退休，但退休後仍須理財。有人問理財幾時開始最好？答案係二十一歲，或你離開學校進入社會做事第一年。把理財視作一生一世事（理財冇退休年齡）。二十一歲前心智未成熟，以儲蓄為主，令自己養成正確消費態度（例如支出佔總收入80％）。二十一至三十歲宜學習理財。儲蓄與理財最重要講紀律，如果連自己行為（例如讀書時拍丸仔，一定難以成功儲蓄或理財）都控制唔到，又點樣理財？另一危機係四十歲男士，可能突然希望尋回青春而大搞婚外情，到時會令到自己整個理財計劃陷入危機（除非到時你已經好有米）。前人話小富由儉，高通脹期，勤儉作用十分有限，應改為小富由懂得理財開始。今年通貨膨脹會否再次成為無聲狗？最近債券息率已升至2004年以來新高，會否威脅股市下半年表現？過去五年，每當十年期債券孳息率升至五厘以上，股市便受壓，例如去年5月至8月。最近三個月十年期債券孳息率由四厘半升上五厘三三，今年7月股市表現又點？

股壇初哥必經三階段

　　一個普通人開股票賬戶後，必然經歷三個階段：一、初生之犢不畏虎，盲拳打死老師傅。開戶初期，唔買股票個心就唔舒服，初戰通常告捷，更加唔信股市有風險。呢類初哥在開戶三到六個月內，便會嘗到第一次「被綁」滋味，不知如何是好。二、三到六個月後，嘗過亂買一通仍可勝滋味，亦試過被綁滋味，對股票知識一知半解，搞到投資時心大心細，便到處問人點睇，被綁又唔識止蝕，自選股份又往往唔爭氣，上升股份往往係自己太早沽出者。三、三到五年後才進入成熟期，明白投資前必須做分析，有自己分析及判斷後，唔再盲目聽信「專家」所言，頭腦唔再發熱。內地股民唔少今年上半年才開戶，6月前才完成三至六個月初哥期，進入心大心細期。上月加印花稅引發股票大跌市，今天內地擴大QDII後，滬深A股又回落3.47％，充分反映內地小股民患得患失心態，進入投資第二階段。

69Style

141前門入唔倒 攪到要走後門用google個search engine click論壇先入到嚟

WPQ

原帖由 69Style 於 2007-6-24 21:07 發表
141前門入唔倒 攪到要走後門用google個search engine click論壇先入到嚟

走後門

黑仔達

HSI 22100 遇上沽壓, 因22200 已是 50天線上 7%了

如調整至21400-500, 又可以出擊

黑仔達

2007/06/25 14:48   

  　　《經濟通專訊》內地股市今天（２５日）表現反覆。滬綜指午後反覆下跌，最多跌近
４﹒４％，低見３９１２﹒４２點。暫報３９５１﹒１７點，跌３﹒４０％。

肥油

各位我回歸啦

黑仔達

原帖由 肥油 於 26/6/2007 12:52 發表
各位我回歸啦

沈大師, 好野

黑仔達

HSI 個勢似反覆下試 21500 or 10天線

深水步驚雲

行開兩日隻神華唔見好多

深水步驚雲

今晚D亨弟去哂邊

黑仔達

日元對美元已回升到 122.9, 升穿 123, 不知是回升 or 反彈 , 要小心看住

股市真的要回一回氣, 才有力再上

深水步驚雲

早晨達哥咁多位

黑仔達

HSI 已失守 21800

深水步驚雲

今日震到我五臟都翻轉

黑仔達

@ 21400-500 我又要入期仔

深水步驚雲

原帖由 黑仔達 於 2007-6-27 13:16 發表
@ 21400-500 我又要入期仔

剛收到上海升過百 會否下午跌少D呢

黑仔達

原帖由 深水步驚雲 於 27/6/2007 14:23 發表

剛收到上海升過百 會否下午跌少D呢

A股升左 2% 以上, 但香港 H股就跌到 PK

無貨兄弟可以考慮在 21500以下入貨, 這可能是最後上車機會

黑仔達

原帖由 深水步驚雲 於 27/6/2007 14:23 發表

剛收到上海升過百 會否下午跌少D呢

師兄, 開個 QQ Amount, QQ可以看到 A股, 好正

黑仔達

原帖由 深水步驚雲 於 27/6/2007 14:23 發表

剛收到上海升過百 會否下午跌少D呢

黑仔達

大師-->林森池: 投資十戒  

1. 戒短線急功近利買賣，不要貪圖蠅頭小利。
2. 戒被捲入狂潮的洪流，不要被外來不理性的亢奮，令你跟隨潮流作出投資。例如科網泡沫、地產狂潮等都是好例子，2000年買入科網股，或1997年產高峰時買入住所，你 都會很痛苦。最近，澳門賭業概念股急升，亦是活生生的例子。
3. 不要被貪婪及無理性恐懼控制投資決定。股市大崩潰時群眾的拋售，一定會導到你產生恐懼。這時候你要克服恐懼，作出人棄我，購入[千里馬]。
4. 戒買新股。畢菲特從不買入新股，這是他的成功要素之一。他作出投資決定前，必需分柝公司的過往的業績。
5. 避開所有衍生工具，林治和畢菲特，同樣認為政府要取締衍生具。衍生具的經營者，就是天空中的獵鷹，無時無刻窺伺你的小雞蛋。
6. 戒聽流言或貼士，流言會令人疏於學習，不做自己應做的工作，迷失方向，不從事正確的分柝。
7. 不要過份分散投資。這世界[千里馬]不多。過份分散投資，會拖低你的投資回報，好的[千里馬]可能3、5隻己經足夠。
8. 不要買落後股，落後的馬匹很難有奇蹟出現再迎頭趕上，公司股價表現落後，背後一定有其原因，你要細加分柝，不要有撿便宜心態。
9. 避開他人的[婚禮]。從過往收購合併的經驗中，發覺很多的[婚禮]都是悲劇收場，例如盈科收購香港電訊就是骰好的例子。
10. 戒有[刀仔鋸大樹]的心態。緊記投資是一門嚴肅的工作，並非[六合彩]的賭博，筆者年輕時也有同樣的心態，認為一家小公司能夠順利發展的話，從小到大的增長過程，會比市值大的公司快，這個慨念是錯誤的。