|
|
發表於 2013-5-6 01:19:18
|
顯示全部樓層
雪茄呢家嘢確實係平有平玩，貴有貴玩，豐儉由人。好多人只知道食雪茄飲紅酒係最好嘅mix。其實大家先要知道雪茄，同口腔及味蕾之間嘅關係。雪茄係純天然植物卷成嘅煙，絕無化學添加物，所以就非常重口味。當你吸一啖後，啲煙只適宜停留喺口腔裡面五至七秒，去品嚐嗰種味道。千奇千奇咪吸落肺，又或者從鼻噴返出嚟。經咀噴返出嚟後再飲啖你鍾意但係適當的飲料，你會發覺口腔嘅味道同感覺係非常perfect同舒服。
紅酒，cognac，VSOP，whiskey，砵酒都係非常好嘅配答。甚至乎普洱，鐵觀音，一啲口感比較濃郁嘅中國茶都係可以嘗試，因人而異。咁點解要重口味對重口味呢？因為味蕾由我哋起身開始，經過早餐，lunch，tea-break到dinner，中間經過多少食物同唔同嘅drinkS。乜都㓔啦。雪茄配soft-drinkS (如果汁，啤酒，或者汽水）。根本只有濃烈嘅煙味，同亂哂籠嘅味。我自己就好鍾意配蒸餾水（比較原汁原味）或者熱嘅蒸餾咖啡（after brunch during holiday)。
雪茄噴出嚟係用嚟聞，配適合嘅飲品喺口腔形成的味道，就喺用嚟品嚐的。你哋有冇發覺以上適當飲料都唔係凍嘢，因為凍嘢一入口，味蕾就更冇哂感覺。
呢啲就喺食雪茄嘅senses。有啲人可能知道配洋酒，但喺配中國茶同唔可以配凍嘢。一定唔知。得閑試吓。幾得意㗎。下次再吹水。
|
|
樓主: 雪茄先生
在線雷達
