【轉貼】LG L7 II Dual 香港售價公佈 HK$2,498

髮廊公 · 發表於 2013-3-27 13:08:46

本帖最後由髮廊公於 2013-3-27 19:46 編輯

【轉貼】原文來自國內網站

LG 在 MWC 2013 上展出的手機可算是眾廠商之最，只是當中最強的 LG Optimus G Pro 還沒有何時在香港推出的具體消息。今天在發佈會上出現的手機只有 LG L7 II Dual、L5 II、L3 II Dual 及支持 4G LTE 的 F5，當中僅有 L7 II Dual 確認會在四月以 HK$2,498 （約 1,999 元人民幣）的售價發售，其餘手機售價與推出時間均欠奉。

規格上，L7 II Dual 與我們在西班牙動手玩過的 L7 II 並沒有太大的差別，採用 Android 4.1 Jelly Bean 系統，具備 4.3 吋 IPS 480 x 800 解析度螢幕、雙核心 1GHz 處理器、768MB RAM、4GB ROM 及 800 萬圖元鏡頭，差別僅在於支持雙 SIM 卡的 L7 II Dual 正面並沒有實體按鍵，而是由四顆觸控式按鍵取代，而當中最右邊的一顆就是快速轉換的按鍵。L7 II Dual 拿上手的感覺並不算很特別，介面上稍作更改，加入了一些 LG 獨有的圖示與小工具，但整體仍然是熟悉的 Android 感覺。作為一部中低階的手機，手機螢幕、速度與頂級的手機當然有一定的差別，但整體尚算可以，唯獨背蓋實在太容易弄髒，算是比較失望的地方。

7吋半 · 發表於 2013-3-27 16:58:07

LG 機有陰影，朋友用過話而壞...

髮廊公 · 發表於 2013-3-27 17:22:02

7吋半發表於 2013-3-27 16:58
LG 機有陰影，朋友用過話而壞...

我都聽好多人講過話：「 . . . 我聽朋友個 friend 話 LG 唔好架 . . . 」，冇錯，個個都係聽朋友個 friend 講，只係朋友個 friend，而佢地 D 朋友就冇人用過，又或者用過 LG 而壞過。

我自己就好多年前開始用 LG，坦白講係因為我孤寒貪平，用 LG notebook、external DVD-RW、手機、LCD-TV，好 X 好彩，一件都未壞過，跟住身邊 D 窮鬼貧友想買電子產品，我又介紹佢地平平地買 LG，單係手機都帶0左十幾部返上大陸，又係好 X 好彩，唉瘋同三叔間中有壞，反而 LG 就平安大吉，唔知係我同我班貧友好彩，定係其他人個朋友個 friend 唔好彩咧。

睇返韓國電子產品市場，N 年前韓國最頂尖0既係 GoldStar，97亞洲金融風暴之後，南韓政府將好多大企業重組，電子產品對外品牌就係三叔，而 GoldStar 就變成二房，後來改名 LG﹝Life's Good﹞重出江湖，好多人以前只識日本品牌，不屑去用韓國野，而我呢鄰死窮鬼因為冇錢而唯有用南韓野，不過真係唔差喎，直情有庶渣0既價錢，食出燒鵝髀0既味道。

仲有一樣 CS 服務，LG 永遠都冇人上去幫襯，反而三叔，攞完飛仔起碼仲要等半粒鐘至埋到 counter，食 lunch 時間上去就更加多人，怕怕。