久違既紅旗！

man36951 · 發表於 2013-3-24 23:55:51

久違既紅旗！

今次亞洲盃外圍賽賽前，小弟曾經話要逼爆旺角場，當時心裡當然好想，但真係冇估計會成真。早前外界對門票加價有相當大既迴響，今次成人票仲加到 $100，連之前冇加價既特惠票都加左 $10，我一直都以為要旺角場「扯紅旗」係一件痴人說夢既事......

但想不到呢件事直係發生係面前，門票開賽前 15 分鐘就賣哂，過百名球迷入唔到場，只能夠望門輕歎，今次亦係旺角場至 2011 年 10 月 14 日重開後紅旗首次飄揚，全場 6,639 名球迷、再加埋後備席既教練團、甚至足總既工作人員，一齊為場上既紅衫軍吶喊，以加諗番起當日場面，就猶如張健峰接受賽後訪問所講：畢生難忘！能夠有咁既成績，贊助商 Nike 同足總既 Promotion Team 直係功臣，今次既宣傳亦證明只要有足夠宣傳，香港足球係有價有市，球員所走既每一步、流既每一滴汗，都係有合理回報！坦白講句，如果俾多十幾廿蚊，球員又多 D 獎金，何樂而不為。由場內既各種佈置、球員通道既設計、球場四邊新增既電子比分板、到巴士車身既廣告、巴士內既電視宣傳、送「勁揪」鞋帶扣、球員書籤、更衣室既大變身、Facebook 既有獎互動遊戲、場內有 Model 派「勁揪」貼紙等等，一切都做得好好，希望呢種宣傳可以 Keep 住落去，締造下一次「紅旗」。