張暖雅谷事業線彈走雨僑

閃電高達 · 發表於 2013-3-20 14:29:49

王祖藍、許冠文、莊思敏、張暖雅及雨僑昨日出席中國3D數碼娛樂有限公司記者會。勁谷三吋事業線的張暖雅說：「我黐晒膠紙防走光，撕番都驚痛，但好過走光。（雨僑見到你即時彈開？）我哋唔同風格，我行清純怕Fans嘔喎！」打扮密實的莊思敏則說：「唔係下下鬥身材嘅！我加盟咗呢間公司，每年拍一至兩套戲。（要性感拍低俗戲？）冇底線，信導演同劇本，自己舒服就OK！」

而將與許冠文合作新片《Delete愛人》的王祖藍說：「許冠文係我偶像。（女主角鎖定岑麗香？）爭取緊，希望佢唔好被『激情戲』嚇親，我同佢只有純情戲。（女友李亞男同你做激情戲？）我哋平時都好純情o架！」許冠文則說：「其實我唔鍾意演戲，只鍾意寫劇本同做導演，但我好欣賞王祖藍，佢前途無限！」