娜姐出書露半球稱唔敢戀羅志祥

eu2 · 發表於 2013-2-18 15:46:11

娜姐出書露半球稱唔敢戀羅志祥

轉型當才女的周秀娜昨日為首本抒情文集舉行簽名會，雖然她聲稱新書字多過相，但身為宅男女神當然要照顧一眾fans，書中有多張未曝光的娜姐半裸露半球相。

周秀娜昨日穿上綠色高衩長裙到九龍灣出席新書簽名會，由於是首次推出抒情文集，故她坦言有點緊張，但不擔心書中會有錯別字：「因為公司都知我唔係才女，我係半講半寫下完成，公司同出版社都搵咗人幫我校對。」

自宣佈回復單身後，娜姐不乏追求者，繼內地靚仔富二代邀約去小島過情人節後，日前又傳出她與羅志祥（小豬）因合演新《西遊．降魔篇》撻着，出入對方酒店，娜姐聞言笑說：「係啊，我去咗西遊，其實當日我係去搵個女性朋友，佢啲fans唔使擔心，我知佢係邊個，我對佢都係fans心態。」問到娜姐現時的擇偶條件是否要專一？她即指專一與否沒有所謂，最重要是對方能忍受自己沒太多時間陪他。