有冇人用 i-Touch HD 2 ?

nckk

我見爽報有廣告, 好似唔錯, 想問有冇巴打用, 分享一下
i-Touch HD 2
(1280x720p HD顯示屏  1GB RAM 8GB ROM)
$2,099

作業系統:        Android OS 4.1.1
制式:        GSM+WCDMA 雙卡雙待
顯示屏:        5.7吋
數碼鏡頭:        1200萬數像素
通訊:        GPRS/EDGE/HSPA/WiFi/WAPI
擴展:        64GB MicroSD
重量:        143g

亞樂

同事買咗部不知名仿Note 2，Android 4.1.1，其餘不詳，唔使$1500

kazanovski

用i-touch你先要知道呢個牌子係國產機黎！首先用國產機你要有心理準備！同名牌係無得比既！廣告講得點好你都必需預左打折至好！到時就唔會咁失望！有七折你好彩，得五折亦屬正常！我都在大除夕當天買左部i-touch HD88+(1+8G),因為我部S2羅完去維修中心之後都仲傻下傻下！我等部Note3又未出,所以買部i-touch頂住先！

kazanovski

回家試機至發覺玩開個三個游戲有两個閃到眼都花！不過叫做玩到！我經常上馬會查資料！就用部新機上去試試！係查看賽事重播時，畫面正常！吐血既係唔知旁述講咩！好似以前d黑膠碟用45轉播33轉咁!聽到聲音但係唔知佢講咩野！最搞笑羅返去想換機（張單話14日包換）！點知佢話係個網唔得！我當時就想同條靚仔開年！佢娘親，馬會個網唔得邊個網得？我馬上用我部S2上比佢睇至收口！

kazanovski

佢無野講就話呢d機點能同名牌比？我反問佢咁我買左呢部機係咪只能够擺係度睇部手機外壳，唔能够用？好彩個老板娘見唔對路，走過黎打圓塲！仲話叫我第二日下午羅部機過去比個師傅睇睇！唔係個老板娘醒目我實玩殘條靚仔！都預左會打折！但係接受唔到就要問清楚！條靚仔咁叉樣講野點可以做Sales架！用國產機要計埋可能會貼錢買氣受至好！家陣部機仲未知點解决！

kazanovski

想玩下買國產機無問題！想長用就勸你三思！

nckk

多謝巴打分享!睇來都有點要碰運氣，希望你可以成功換返部正常的　

柒喜

kazanovski 發表於 2013-2-15 07:07
想玩下買國產機無問題！想長用就勸你三思！

用国产鳮就要大牌子，小米、未族、Oppo和金立等

kazanovski

柒喜 發表於 2013-2-15 13:12
用国产鳮就要大牌子，小米、未族、Oppo和金立等

金立？怕怕咯!

kazanovski

國產機只有两個優點！如果你好彩買到部無問題機就係價錢比較平，功能超多！不過家陣andiod機功能都差不多，功能上好似無咩多到！

nckk

我聽見巴打的 i-Touch經驗後,我可以我唔會買 i-Touch 了
小弟想要未大芒, 但係未族同ZTE都冇...

我見DSC 賣緊一部叫 ZOPO 品牌 的手機, 佢係唔係大品牌來嫁?
我見太陽報有報導:

Zopo ZP950平玩5.7吋國產巨屏


雙卡雙待手機一直深受經常往返中港兩地嘅朋友歡迎，近年手機大牌都推出雙卡機，雙卡版嘅GALAXY Note 2就早前喺內地開售，可惜索價五千大元，乸脷！如果想平玩雙卡大芒機，不妨考慮剛進軍香港市場嘅國產機Zopo ZP950，除了支援雙卡雙待功能外，仲有個比Note 2更大的5.7吋屏幕，煲劇爽到爆；最重要係機價平Note 2一半，當佢係Second Phone都冇壞！

驟眼睇，此機上至設計，下至按鍵排位，確實同Note 2似到十足，論創意認真欠奉；不過要讚佢邊緣順滑，手感紮實。另一亮點當然係5.7吋大芒，尺寸夠大之餘，解像度亦達1,280×720，肉眼睇已經好細緻；而且更係用IPS素材，實測睇片，屏幕色水自然，可視角度亦夠廣，幾個朋友圍埋煲劇都好舒服。

雙卡待機

成日北上工作，梗係要有部雙卡機傍身，過關唔使換SIM卡啦！此機支援大家最Like嘅雙卡雙待功能，兩張SIM卡都可以同時待機，在發送SMS、撥號等介面內，也可隨時轉換主SIM，好方便！另外此機也內置了「SIM管理」，可以隨意設定通話、簡訊、行動網絡等功能的預設使用SIM卡，整體操作都幾就手。惟要留意，ZP950只有SIM 1支援3G上網，SIM 2就只對應GSM制式！

雙核夠撐

規格方面，ZP950雖然只係用上1GHz雙核心處理器以及1GB RAM，Benchmark分數亦唔算好高，但勝在運行Android 4.1系統下操作都唔窒。唯一問題是新機未有內置YouTube和Gmail等Google服務，影響最大莫過於冇咗Play Store，下載Apps就一定要透過《安卓市場》。小記就親身用過呢個程式，發現Apps數量唔算少，大熱、常用嘅Apps都有齊，不過以漢化嘅內地版本為主，用落唔夠親切，要扣分！

試片

於網頁版YouTube睇《孤星淚》試片，畫面對比度唔錯，色彩亦夠自然。

試相

雜訊較多，而且100%放大後，成像頗鬆散。

試網頁

細字唔使放大都清清楚楚，解像度幾高。

SPEC

制式：GSM四頻、WCDMA（雙卡雙待）

處理器：1GHz雙核心

記憶體：4GB ROM/1GB RAM支援32GB microSD

屏幕：5.7吋、解像度（1,280×720）

鏡頭：800萬像素（後置）、20萬像素（前置）

對外連接：HSDPA 7.2Mbps、Wi-Fi、microUSB、藍芽3.0

作業系統：Android 4.1

電池容量：2,500mAh

體積：158×83.5×10.2mm

重量：130g

lawson.

nckk 發表於 2013-2-15 14:42
我聽見巴打的 i-Touch經驗後,我可以我唔會買 i-Touch 了
小弟想要未大芒, 但係未族同ZTE都冇...

坦白講, 我未聽過個牌子
不過
簡單啲講, 如果連外觀都係抄
咁佢大極有限
小米, 未族, 華為, oppo果啲全部有自家設計
有賣點
如果齋抄, 我諗同老鴨幾舊水的唔知咩廠出一樣

LUNG0011808

未聽過 呢個

nckk

真係一分錢一分貨...買大陸貨要打定心理準備有事...

張家輝

lawson. 發表於 2013-2-16 11:10
坦白講, 我未聽過個牌子
不過
簡單啲講, 如果連外觀都係抄

始創有實體機試玩呀~

fk2004

i-Touch 在香港已有幾年啦 ! 如果有睇報紙應該睇到佢係天域做代理 !
不過講起天域 OR 叫 方天多 !的售後服務就很差勁 ! 所以我已經無再去天域買東西啦 !

張家輝

fk2004 發表於 2013-2-21 01:39
i-Touch 在香港已有幾年啦 ! 如果有睇報紙應該睇到佢係天域做代理 !
不過講起天域 OR 叫 方天多 ...

你中過招嗎 ?

fk2004

當然啦 !
12年買了一部 i-Touch HD7 , $2480. 同我講係雙核心 1G CPU ! (後來用360檢查係單核心 , 同CPU得 667速度) ! 因為當時對智能手機不太了解 ! 3天後(頭尾算4天)因為有些功能上問題去找他 , 知道來意後已經叫你等下先 ! 忙碌呀 ! 算吧 !再望下同款HD7 已改售$1960 , 不到4天已相差$500 ! 新機未出呀 ! 睇人來賣 ? 一星期後更抵買$1650 ! 無法啦 ! 早買就是這樣 !

問題在一個月後發生 ! 手機聽筒無聲音 , 去找他 , 又係等下先啦 ! 當時一名店在入什麼資料 , 一名站近門口招待 ! 都一會啦至幫下我試驗 ,  結果要留下維修 ! 維修無問題 , 但最少要兩星期 , 我表示兩星期太長 ,那店員叫我拿出門口街檔維修即時可以拿 ! 我問係唔係你付錢先 ? 回答我話：你要快嗎！當然自己拿去維修最快架啦！當然自己比錢啦！(一個月手機有保養要自己付錢拿去維修？？什麼道理）！那你留唔底修呀　？最快兩星期！ 無法啦,只好留下維修 !
兩星期過去音訊全無 , 打電話就長期無人聽及接去FAX機 ! 好運一次有人聽就連單號都不問地告訴你 , 修好會打給你 ! 跟住很快收線 !
差不多三星期 ! 今次到店面問什麼時修好 ! 店員望都無望單就叫我去問對面195那裡 ! 近公廁那間 ! 進店前我特意打電話試驗一下電話號碼正不正確 ! 連我在門口都聽到電話響 , 那件肥店員竟然一路好專心睇住部電腦無什麼反應 ! 電話後來又接FAX機 !  　

fk2004

續上 !

入店後我表示來意 , 肥店員用超高速望一望我張單 , 然後例牌答 : 修好會打電話通知你 ! 你望一下就知未修好,連號碼都不用查 ?? 可能修好你未打電話姐 ! 肥店話 : 你三星期前拿來當然未有啦 ! 我問不是兩星期就可以嗎 ? 肥店員話: 邊個同你講兩星期呀 ? 無人同你講播 ! 我話你對面那店舖店員 , 要唔要同你過去對質下 ! 我又問點解你地電話成日無人聽 , 我剛打過來 ! 肥店員話電話無響過 , 有響過一定知(還指示出在前面) ,
你打什麼號碼先 ? 我指單上那個店舖電話給他看,(另一個我無指的是FAX號碼)他竟然話我打錯FAX號碼 ! 我話唔好玩啦大哥 ! 唔通我連FAX號碼都唔識分呀 !?最後告訴我因為要送回廠修理 , 所以要長久一些 ! 幸好遇到我這個超級好人! 否則以上對話已經足夠燃料燃燒起來 !

之後我無再去追蹤何時修好 ! 足足40天後 ,才打電話通知取機 ! (由此之後我無再入過....天域....這店舖)連望都無興趣 !

至於手機 , 直到現在依然操作正常 !

張家輝

fk2004 發表於 2013-2-22 01:31
續上 !

入店後我表示來意 , 肥店員用超高速望一望我張單 , 然後例牌答 : 修好會打電話通知你 ! 你望 ...

PK丫~ 就算部機操作正常, 我都唔會幫襯呢D契弟 !! 太過份~