手機&App版 2013第一個遊戲【投票區】

雪茄先生 · 發表於 2013-2-13 17:22:53

首先多謝咁多位師兄參賽

入選文章如下，請大家幫手投下你神聖既一票，截止日期：2013年2月24日↓↓↓

brahma
不算得是什麼趣事，
我之前試過部I phone hang 左機，
熄吾到又無反應，
喺數碼通度，佢即長按兩個制，
差不多兩分鐘，
部機先色reboot,
但因為又過了保養期，
櫃位嗰位服務員，
居然借部laptop 俾我抄過嗰個iTunes
我和令令smartone 服務員就系咁樣，
互相沒有說話，對住15mins 左右^_^

◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤～

HKOXSEX
寫番個經歷.
出左個 Plan 有部 Samsung Galaxy S3...

用得好地地, 突然講得不清....

去電訊公司, 企地話去Samsung check 下, 寫張 fault report 就可以換.

點知去到 Samsung, 企地話可以直接處理. 不過要 invoice....

又回到電訊公司出張 $0.00 invoice...
換左之後, 點知返到屋企, 發現 SMS 又有問題

再去換,

今次就換, 企就 check 清楚, 重 upgrade 埋 OS.... 乜都9電

重unlock 埋電訊公司添

*** 閒談中, 原來日日都有幾十部要整

◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤～

kkkalvin
大家好, 小弟路過入嚟支持及分享一吓!
小弟用的是三叔碌2, 話說有日係地鐵站等老虎收工, 見未夠鍾就開開部機玩玩.
諗起飛哥仔今早pm我話有新貨上架, 襯有空當緊係pm返佢吹吹咩料啦.
吹之前已經再三睇表, 確定仲有15分鐘老虎先放人, 再加15分鐘路程. . . .實冇問題!

吹咗幾咀後, 叫咗飛哥仔app d 女女相嚟睇吓 . . . . 點知, 就係打開緊張女女相時. . . .hang咗機!!!!

頂! 禁極咩制都冇反應, 淨係得load到一半ge女女相同埋幾時去食ge對話. . . .

當時個心一路"小小小", 一路猛禁, 但係連開關制都冇反應!!!

就係依個時候. . . .突然. . . .老虎嘩一聲跳咗出嚟~surprise!!!

係就係surprise 咧, 不過係驚嚇多d囉!!! 我嚇到成個電話都跌埋落地~OH NO!!! 千其唔好向上呀!

要知當時身在中環站, 放工時間, 如果畫面各上, 我諗起碼有廿個人都睇到我睇緊咩!!!

正當我嚇到頭都青埋ge時候~部機最低錫依次~景然跌到息咗機喎!

我當時都立即由面青忍唔住笑咗出嚟. . . . .好彩! 好彩!

事後問返老虎, 佢話凸登問准佢老闆早走兩個字, 俾個"Surprise"我喎. . . .!!!

其實都冇囉去維修, 因為拆咗舊電再入返已經ok.
不過都要提一提, 原來碌2可能有後備電的, 我拆完電再開返時, 景然仲係同一個畫面!

好彩我有預備, 冇奶到嘢!

其實都唔算咩大件事, 好在有驚冇險, 大步欖過!

多謝各位收看!

◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤～

亞樂
我又講下，當年T28sc無限保養
T28sc有先天設計問題，只要臨近warranty完，上CS話部機hang機，佢就會轉頭換過部機俾你，extend再多三個月warranty
呢個秘技好多人都用過，以我知道最誇張嘅，部機warranty去到三年

，直到代理無晒零件
不過大前提係要好有恆心咁三個月上去一次…

◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤～

肥DoDo
S3手機的故事 --- 千錯萬錯大肥鼠的錯

話說大肥鼠返港，極力向肥DoDo推薦三星S3手機。肥DoDo最終受不住大肥鼠的誘惑下，花了儲畜了好久的幾千蚊，購買了一部紅色的三星S3手機，再花了兩百多蚊，買了個保護套和32G的記憶卡，送給小表妹作為生日禮物。

全新的S3手機-01：

全新的S3手機-02：

精美的保護套-01：

S3手機和記憶卡-01：

兩個多月後的某一天，肥DoDo跟小表妹到火鍋店裏吃麻辣火鍋；正想試一下S3手機的拍攝效果，順便可以在4台出個飲食報告之際...................。 S3手機又薄又滑，在火鍋煙霧影響下，肥DoDo一個不小心，把S3手機掉進滾燙的麻辣湯底裏面去。這一下，肥DoDo和小表妹都驚呆了.....................！幸好，肥DoDo身手敏捷，用其肥大但靈巧的左手，快速地從滾燙的麻辣湯裏拿起已經浸泡了好一會的S3手機....................；只是，手機真的好燙手啊！肥DoDo不得不把手機拋開，可憐的S3手機從高空重重的摔在石油氣爐的邊角上...................。

S3手機的下場-01：

S3手機的下場-02：

在國內找不到有修理店可以把S3修復過來，而肥DoDo又要準備出差遠行。在沒有辦法之下，只能把摔破了的S3拿回香港的店鋪等候修復處理，再另行花了也是儲畜了好久的另外幾千蚊，購買了一部三星tab2（10.1吋）轉交比小表妹作為臨時電話使用。

三星tab2（10.1吋）-01：

三星tab2（10.1吋）-02：

肥DoDo出差回來，馬上就詢問手機的修復情況，手機店鋪給出的回復如下：

1）手機螢幕更換需要$1400，更換手機外殼需要$200，開關按鈕及其他受損零配件更換等等...................不作詳述喇！

2）代收這部破S3手機，退回$1800。

肥DoDo在無可奈何之下，不舍的選擇把心愛的S3手機賣掉，收回1800蚊。再從口袋裏面拿出儲畜了很久的2300蚊，購買了一部新出不久的白色Sony Xperia V手機交與小表妹作為賠償。

Sony Xperia V手機-01：

Sony Xperia V手機-02：

回顧整個事件，假如大肥鼠沒有回港，又或者是大肥鼠沒有吹噓S3的好處，肥DoDo就不會去買S3了。假如沒有買S3，個結果又會不會是這樣呢？

究竟誰是罪魁禍首？我想，大家都應該清楚誰是罪魁禍首的了！

大肥鼠-01：

◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤～

SGalaxyS
其實我部係平板 Galaxy Tab 10.1, 不過照分享下喇

佢係我個人最有趣(其實無奈居多…) 亦係我唯一一次嘅維修經歷…

話說我部係Google I/O 32GB 版嘅10.1, 用咗大概10個月到見個mon 顯示有問題, 咁就叫個係三星香港做嘅朋友幫手拎去整。初頭無為意, 朋友話維修師傅話壞底板要比成千一蚊換, 咁就死死地氣都要整啦…點知翻咗嚟一睇, 咦！點解變咗16GB? 叫翻個朋友問原來行貨只有16GB 10.1嘅零件, 而個flash memory係焊死落底板無得換同唔會退回比客人, 結果我部10.1 I/O 版就變成咗可能係世界上唯一一部嘅16GB喇…

◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤～

關七
iphone剛出時,老婆出左右俾我用

返到公司,有同事話,老婆可以用gps..check..到我係邊度,好唔開心同驚

搵極人都無人check到,我部機有無俾老婆落焊

終於自己出部幾舊水電話,到要出去時......就飛線落去新電話度....iphone就擺係公司

維修....就係攞部電話去smartone,問cs........佢地話無俾人落毒

◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤～

mungchacha
我算好好彩

用手機咁耐，只係試過攞部Nokia去整過一次
反而用智能手機，暫時由Windows Mobile 到iPhone都未試過去整

不過都有D趣事同用手機有關

我用數字台好耐，以前，數字台有個維修同客戶服務中心
咁有次要更改服務咪走上去囉

等咗好耐，到叫number

埋去坐底，講過電話number話禾想收服務
跟手職員問禾係唔係機主
我話係

之後佢同禾講，先生唔得喎，要機主親自嚟至改到

我話全名比佢聽，加埋身份証number no.
佢都係話唔得

(佢又冇問禾攞身分証，禾又無拎出嚟)

禾話：「明明禾係機主，點解唔得」
職員：「先生，你要叫X小姐親自來至得」
禾：「乜小姐呀」

職員：「電腦顯示機主係x小姐，先生乃雖然有佢全名同身份証 number，但都係要機主親自嚟」
禾：「禾比禾身份証乃睇」
職員：「先生，乃比身份証冇用，要X小姐自己身份証至得」

禾：禾咪係乃講嘅X小姐囉。呢張禾身份証，相、名、身份証 number都一樣，你同事之前有冇攪錯

職員：「先生，真係喎，乃等等，禾叫上司出嚟幫乃改番」

就係咁，無端端變咗小姐

◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤～

viviantracy
大約幾年前，我部手機突然熄左，開又開唔返，差電又無反應，插電腦又唔著，咁咪攞去維修中心囉，一入門口，去攞飛仔，等叫籌，終於輪到我，有個女職員為我服務，佢唔太高，但幾靚，幾清純，所以好有印象

我坐低就話: 我黎整手機，部電話short左
她: 咁你部電話要擺低比師父check check，你而家要比左二百蚊檢查費先，大約一星期會有同事覆你部機咩事，同埋報埋價比你，整就免檢查費，到時整幾多錢就扣返二百蚊，清唔清楚?
我話:清楚，唔該晒

之後我就同朋友食飯，食完飯搭車返屋企，我上到巴士，巴士好多人，我走上上層，見到佢坐係中排，我咪走過去坐佢隔離囉，只見佢望住街外，眼濕濕，好唔開心咁，終於佢忍唔住流眼淚了，兩行眼淚不停流，喊到個妝都溶溶地，佢打開手袋搵紙巾，搵唔到，因為佢無，我比左張紙巾佢，佢接左，我又再就成包紙巾遞比左佢, 跟住講: 你袋住包紙巾啦，你需要佢
佢唔太好意思咁話: 唔係幾好既．．．
我: 得啦, 包紙又值錢，況且我仲有多一包 (因為我是鼻敏感的人, 成日會流鼻水, 所以隨身都會有紙巾)
她: 咁．．．唔該晒啦，你真係好人啦
之後她就全程無出過聲，仲好唔開心，半小時後，我到站落車，其實有點唔捨得，但佢竟然係同我同一個站落車

落車後我問佢: 你應該唔認得我
她: 我認得你，你頭先黎整手機
我扮驚喜: 你一日見咁多人，咁你都認得
她: 認得，認得
我: 你住呢區架? 我平時搭巴士返屋企，好似唔多見你
她：我唔係住呢區架，我黎搵朋友，我有個朋友係外國返黎，我今晚去佢屋企玩，頭先．．．真係失禮．．．我未講我叫咩名添，我叫阿MOON
我：我知你叫阿MOON，你頭先心口個名牌話左比我知啦
她：你成日留意住女仔個心口？？？
我：唔係呀．．．其實係．．．
她：我講笑咋，你叫咩名？？？
我：我叫阿樂．．．

之後，我同佢行左一段路，其間有講有笑，大概十分鐘後，終於要分開了
她：我到啦，我朋友住呢楝大廈，拜拜啦
我好唔捨得：好啦，拜拜啦
佢行前左幾步，之後轉身，微笑住咁同我講：唔該你包紙巾呀
我也微笑點點頭，我企係度望住佢個背影遠去，直至進入該大廈，消失了

一星期後，我收到電話，內容係部手機要整幾多幾多錢，我最後都係決定左整
又再多一星期，再收到電話，話部手機整好左，攞得啦

當晚，我即刻上去攞，因為好有衝動想見到阿MOON，到左維修中心，但就唔見阿MOON
有個女職員比返部手機我話：先生，整好左啦，你返屋企check下有無問題，有問題就攞返黎呢度．．．．．．．．．．．．
我無心機聽佢講野，問：E．．．唔見阿MOON？？？
女職員: 阿MOON．．．佢辭左職無做啦．．．係喎，佢好似有份野比你
女職員比左個封左口既紙袋我
我好無心機攞埋個紙袋就離開了

我一直沒有拆過紙袋，直至回到家中，坐定定，先拆開紙袋睇下咩黎，裡面裝著一包紙巾，紙巾上面黐左張字條，寫住：謝謝你　MOON

從此以後，我再沒有見過阿MOON，只有記憶中的阿MOON
每次坐巴士返屋企，都希望見到阿MOON，但．．．

◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤～

dopod1234
都好耐之前嘅事，當時用iPhone 3G 成日都有死機

當時用3台，上去維修換過一次機，但都有事，過一排又攞上去

冇換到機，但又有問題，又上去，連續2日，又係同一個女仔，

我就問點解唔換機，只答更新咗軟件，當然我不停問東問西，差啲問埋佢幾點收工，

佢可能覺得我好煩，用張紙寫（會發熱）我就醒目話部機發熱，佢就又收低。

冇講嘢叫我2個鐘再番嚟，上去時門口見到佢出去，我就問佢今次有冇換機，佢笑笑就答有

之後細聲講，櫃台有錄音所以你要口講，嗰次又真係有換新機，哈哈

◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤◢◣◥◤～

rabbit2000
呢件事已經喺六、七年前嘅事，當時我用緊嘅手機係”冇得撈嗱”都幾hit嘅型號，係何韻詩賣告白個款。呢日接近黃昏，合該有事，天色驟變，風雨欲來，其實已經落出雨，我剛啱搵完一個相熟嘅USB叫May May鬆骨，完事後走到街上，雨勢雖然唔係好大，但地下已經很濕，呢個時候好衰唔衰，一時跣腳，爭d仆在地上，雖然最後企返穩，手機已從袋中跌咗落地，執返上嚟發覺：斃!開唔到機嘅，走去電訊商門市問下點樣整返啦，d職員話要去維修中心度先有得攪，咁咪跟佢講個地址去囉。

維修中心喺旺區嘅商業大厦入面，上到去拎張飛仔喺度等嗌冧吧，冇幾耐輪到我，嘩，個心爭d跳出來，個職員小姐同May May一樣樣嘅，心諗咁快返咗工嘅，咪問佢：咁啱嘅，點知佢都幾cool架，話咩野咁啱呀，我地好似唔識噃，哎，睇真d原來真係認錯人，當時真係覺得係：深海靚斑---好魚呀!

不果故事未完，個女仔拎咗部機入去裡面，話轉頭同我報價，點知好快走返出嚟好cool咁話：先生，舊電池鬆咗啫，唔洗整。睇佢個樣，梗係以為我存心接近佢，真冤枉，走都走唔切啦!