被批是非多多高海寧當宣傳

米高奧雲 · 發表於 2013-2-8 14:24:14

性感女神高海寧近日到旺角花墟揀年花，「咪神」出巡吸引不少市民拍照。她透露近年會購買桃花，除了可增進感情運外，亦希望增加觀眾緣，單身的她坦言恨拍拖：「當然想有人錫，有事發生可以同人分享！」實情卻事與願違，她續說：「拍拖出街又會畀傳媒追蹤，對追求者都係壓力，諗得嚟佢都走咗啦！愛情就隨緣，蘇民峰師傅話我今年係事業高峰期，叫我唔好諗咁多，最快要2018年後先嫁得！」她還透露被批今年是非多多，但認為是非也是觀眾話題：「師傅話我性格樂觀，叫我今年注意情緒就可以，都唔使特別去化解是非，多啲話題可能對事業反而有幫助。」

連續第四年參與賀歲片拍攝的高海寧，戲份亦逐年增加，今年扮演為養家湊仔而淪落到跳艷舞賺錢的過氣明星仔，她說：「拍得好開心！好似一大班同事，每年一度嘅聚會咁，最難忘係今年成大班人喺後台打邊爐。」提到《法網狙擊》的強姦戲成熱話，高海寧說：「都係做演員嘅本分，睇劇情需要，冇去諗劇集出街嘅反應，吸引到觀眾反應係Bonus。」