老餅呃飲呃食篇之: 日本菜 (附遊戲 - 已結束）

oldcake · 發表於 2013-2-7 13:15:39

還有幾天便過年了, 臨近歲晚, 日子倍感難過. 你地都知喇, 過年個個都要錢, 債主又話要同我寫揮春, 又話要同我油吓大門......而債卷又無人問津, 連老餅婆都話要錢封利是!!
無計可施, 真係有d唸唔開, 你地再咁逼我, 我只有跳樓...........但老餅住三樓, 又怕跳樓唔夠高, 死唔去...........唯有去找找那裡跳樓比較好!

行吓行吓, 見一高樓, 便座電梯上去........點知發現上面有間日本菜館, 正找窗門之際, 忽聽到一把似熟非熟的聲音; 一看下, 似見故人之貌.......原來係老餅舊友在用餐.
七十餘年不見, 閒話家常, 並邀一起進餐.......

四圍睇吓, 間日本菜館裝修得又幾好.....

點解剩係得壽司, 無魚生食.....吓, 原來已經食咗......唉, 再叫過吖嘛, 宜家d人點請客架!!....

食飯又點可以無酒呢.......

有酒又點可以無送酒小食呢........

酒過三巡, 來些炸物同埋肉吧........

有肉又要有菜, 呢d叫均衡飲食, 命都長d.....(唔記得咗, 個多鐘前我係黎跳樓添...hehe)

最後梗係食番個冷麵飽飽肚......

食完就梗係再飲......

再飲就要自然再叫小食.......

可惜, 可惜.......無叫甜品食!

真係天無絕人之路, 咁都比我呃到一餐, 仲推銷咗d債卷, 又有錢買相機喇同鏡頭喇.......正是:
朱門酒肉臭, 路有凍死骨..........好彩今年唔洗凍死....

好喇, 同大家玩個遊戲.
呢間日本菜館的價錢都算貴得勵害 (以我記憶, 差不多最貴的一次. 今次人地埋單, 老餅都唔知食咗幾錢.
不如大家估估:
1. 地點及菜館名?
2. 估吓一個普通的鰻魚飯要幾錢?

答案係ICC 101樓田舍家，鰻魚飯要HK$420!!

PS:
今次相只是用iphone影, 沒有什麼攝影價值, 故此帖放在「創作區」. 旨在玩玩遊戲, 給大蛇機會派派分當利是給各位少餅.
年二十九, 9/2公怖答案.

咁嘅情況大蛇梗係跳出嚟講吓點派分啦，估中一題 10/10，全中 25/25 啦