消息指政府將限制每人每日最多帶三罐奶粉出境

wys0529

政府下午將公佈應對奶粉供應的新措施，消息指，當局會以「先訂立、後審議」的方式，修訂現行《進出口條例》，限制奶粉出口數目，每名成年人每日不可以帶超過三罐、每罐九百克的奶粉出境。而為避免跨境學童變成水貨客帶奶粉的工具，政府傾向不准兒童攜帶奶粉出境，違者可被罰款及監禁。另外，針對連日來有市民投訴奶粉商熱綫打不通，政府有意設立「中央訂奶粉熱線」，將收到的訂單轉介奶粉商跟進。至於早前有建議修訂《儲備商品條例》，因為涉及的商品定價問題比較複雜，需時較長、而且影響較大，暫時不推行。 有市民質疑措施成效，亦有準媽媽表示為免要撲奶粉、準備餵人奶。零售管理協會主席麥瑞瓊就擔心，限制帶奶粉出境數量, 可能會損害香港自由市場形象。

1st Feb 2013

cableitoh

非常時期要非常手段...點會損害香港自由市場形象呀? 麥瑞瓊正76!!

ILADA

麥瑞瓊正76!!   x   2

bigfatdog

高永文在新聞報告中指出，
每人每次只可帶1800克奶粉，即是兩罐。

sadsam167

bigfatdog 發表於 2013-2-1 18:45
高永文在新聞報告中指出，
每人每次只可帶1800克奶粉，即是兩罐。

Net weight 1800克 奶粉

raymond116

在如此情況下, 還講自由市場, 真係太天真.
大陸人正全方位影響香港市民日常生活, 如樓價, 雙非, 奶粉等.
他們影響的程度, 係實實在在, 以竭澤而漁方式, 掃盡一切, 亦如蝗蟲一樣,
所經之地, 寸草不生.
試想若香港人在大陸以同樣方式搶購,
大陸人會放過你?

ZidaneX

簡直難以想像……奶粉而已，有必要搞到咁誇張咩？
香港人，清醒少少啦，大陸有個農曆新年嘅黃金周假期，奶粉商又好、街鋪又好，都系等住黃金周嚟發一筆新年財，於是囤積奶粉，造成供應緊張的效果，好等奶粉嘅零售價上升多一些，然後等住黃金周時，同大陸水魚搏老命！
將問題歸咎大陸人，明顯係冤枉，砌大陸人生豬肉嘅！奶粉賣俾邊個唔系賣啊？走水貨嘅如果無香港人參與，大陸人點做啊？
奶粉你咁限制，咁手機要唔要限制？衫褲鞋襪又點呢？零食品又點？厚此薄彼仲叫公道？賣俾菲律賓人就得，賣俾大陸人就唔得……同輸入外勞都係一個道理，請菲傭就叫“輸入外勞”，請大陸人就叫“非法傭工”……咩核心價值啊？
香港經濟唔好嘅時候就叫大陸人嚟自由行啦，幫手帶旺個市咧……等大陸人真系去消費嘅時候就黑口黑面無句好聽，一個二個嫌三嫌四……
賣俾日本仔、菲律賓妹就“自由市場”，賣俾大陸人就“非常時期非常手段”……咁仲唔系手指拗出唔拗入？

Topvision

ZidaneX 發表於 2013-2-2 00:36
簡直難以想像……奶粉而已，有必要搞到咁誇張咩？
香港人，清醒少少啦，大陸有個農曆新年嘅黃金周假期，奶 ...

其實..... 你係無知呀 ???? 定係無人性呢 ?????

補充內容 (2013-2-2 02:37):
如果你係唔知港人買唔到係幼兒奶粉, 你咪係無知囉....  如果你明知嬰兒父母係買唔到嬰兒奶粉, 都9up奶粉而已, 咪叫無人性囉....  

bussy

自由市場, 睇下同邊個講啦
仲講自由市場果D人, 唔該想一想七百萬人同十億人共慘既後果
細路奶都冇得食, 講咩愛國? 真係愛國就叫大陸自己攪好自己D奶先啦, 堂堂強國連奶都唔敢飲自家野, 太空人登陸去太陽又有X用!

漢堡一神偷

做得好　

ZidaneX

Topvision 發表於 2013-2-2 02:29
其實..... 你係無知呀 ???? 定係無人性呢 ?????

補充內容 (2013-2-2 02:37):

國內嘅毒奶粉事件令大陸的媽媽對國產奶粉有一定程度的不信任，但不是所有大陸媽媽都有幸為其子女購買到由香港購買的洋奶粉。事實上美贊臣、惠氏等洋奶粉在廣州、上海等地都有奶粉廠，不過照樣係不斷有奶粉質量問題的新聞曝光，而其中絕大部分的所謂奶粉質量問題的新聞都係假新聞，都係國內奶粉市場的不良競爭手段的產物。而導致的結果就係：有條件的大陸家庭到境外採購洋奶粉。這不是香港的問題，為什麼香港要出動行政措施嚟應對呢？所以我說“奶粉而已，有必要搞到咁誇張咩？”卻引人說我無知、無人性……到底是我真的無知、無人性，還是現在的人語言水平太差，讀不明白字裏行間的意義；又或是現在的人邏輯思維能力太遜，缺乏認知事物本質的基本能力。
有條件的大陸家庭不是多數。鄰近香港的深圳、東莞可以方便到香港買，遠一些的廣州都相當麻煩了，更不要說再遠一些的地方。由此便滋生出水貨奶粉的問題。正因為國內的奶粉市場在毒奶粉事件之後產生的惡性競爭，被聰明的香港人看准到大陸市場有分一杯羹的機會。於是就同某些大陸人聯合，一邊就負責供應，一邊就負責運送同銷售。而這些香港人是不是就如此有商譽、有良心呢？答案係否定嘅！因為這些水貨奶粉一但離開香港，在大陸沒有申請到自由行或者唔方便到香港嘅大陸人買到有問題的奶粉，係投訴無門嘅！偏偏又被我發現：原來一個港版奶粉空罐可以賣到$10哦！你認為他們如此環保，奶粉罐都循環再用啊？真係循環再用啊！不過佢收返嘅罐係再裝乜奶粉入去賣就唔知啦！咁你明點解美素佳兒要換新裝啦？（不如個個月都換新裝咧……）
而水貨奶粉也不是淨係從香港走到大陸，歐洲嘅奶粉基本上係由大陸飛往歐洲嘅航空公司職員（例如空姐之類），順便帶返大陸轉售；美國、澳洲、紐西蘭嘅奶粉主要係由去當地辦公或者係當地居住嘅華人郵寄返大陸嘅親戚自用或者轉售。這些奶粉嘅價錢就算將郵遞費用都計算在內，價錢都比去香港買要低得多！但這類形式嘅水貨奶粉就極少數！
各位看官，奶粉問題唔係香港母親們嘅問題，亦唔係大陸人嘅問題，解決此問題不應由香港政府以針對大陸人嘅方式，因為這種做法既唔公平，又唔現實。道理在於：在利益嘅驅使之下囤積、走私，係商家嘅問題，唔係消費者嘅問題，然而解決之法卻不針對商家反而針對消費者。大米有針對商家嘅特殊商品反囤積條例，為何嬰兒奶粉就只針對出境旅客呢？由此產生的問題都唔少：1、港人在內地配偶如果住係距離香港遠嘅地方，每次准佢帶兩罐，佢要走多好多轉，交通費唔知出多幾多，再者，會唔會當佢係水貨客？2、帶同嬰兒到大陸較長時間嘅港人點算？3、水貨客轉用其他運送方式，這些措施便僅對安份守紀嘅普通人造成煩麻及浪費，而問題卻依然存在！
我今年都初為人父，我的新生兒並不食港版奶粉，我讓他食水貨奶粉，注明了：並非由香港帶去大陸的水貨港版奶粉，而係香港嘅某自雇人士從海外入口到香港嘅水貨奶粉！也讓他不僅以奶粉為食，還讓他食米糊、麥糊、蕃薯，大陸鄉下嘅蕃薯真係好啊！含豐富嘅花青素，對嬰兒視力發展非常好！

Topvision

ZidaneX 發表於 2013-2-2 23:29
國內嘅毒奶粉事件令大陸的媽媽對國產奶粉有一定程度的不信任，但不是所有大陸媽媽都有幸為其子女購買到由 ...

最初以為你一係無知, 一係無人性......  睇真D, 原來係無知加無人性.....

XXXX, 買到水貨奶粉就講風涼說話.  仆街, 之前講緊好多香港初生嬰兒父母, 食食吓奶粉, 突然連水貨都買唔到呀.... XX

幾個月大BB, 你叫人地食米糊、麥糊、蕃薯...  你依種說話係唔係人講嫁.....

你依然柒係食水定係食行......  講你就天下無敵, 有本時唔好比奶自己BB食呀..... 比飯佢食呀.....柒

補充內容 (2013-2-3 00:27):
唔好再9UP咩初為人父啦..... 睇你寫兩句, 就知你唔識扮識啦....  唔好柒係個電腦前面, 親身去問吓人, 學吓點照顧初生嬰兒, 先9up食咩米糊、麥糊、蕃薯啦

GiantCork

物競天擇，汰弱留强！
係千古不易的定律，正如孔叫獸話齋：親英份子唔夠强爭唔到奶食可回去找英狤猁老爹，看看他們心目中的上帝會否關照他們一下？

補充內容 (2013-2-3 00:39):
現在就是要從根本消滅那些親英狤猁走狗！

伊凡

ZidaneX 發表於 2013-2-1 21:36
簡直難以想像……奶粉而已，有必要搞到咁誇張咩？
香港人，清醒少少啦，大陸有個農曆新年嘅黃金周假期，奶 ...

如果你屋企有細路,你就唔會咁講,
或者你都係水貨客.......

伊凡

Topvision 發表於 2013-2-2 21:09
最初以為你一係無知, 一係無人性......  睇真D, 原來係無知加無人性.....

你條撚樣, 買到水貨奶粉就講風 ...

針唔拮到肉唔知痛,由佢鳩噏啦.......

annabellahill

其實正苦依照好ON 9....
貢玩法....
內地領隊咪同叫所有來港的購物團咪每人帶2罐返去羅.....

Topvision

伊凡 發表於 2013-2-3 00:52
針唔拮到肉唔知痛,由佢鳩噏啦.......

如果佢係為人父母, 又黠會唔知嬰兒腸胃係幾咁敏感先得嫁.......  

如果佢知好多嬰兒, 經常唔受隻奶, 嘔到九彩.  佢會唔會再9UP比蕃薯代奶

Topvision

annabellahill 發表於 2013-2-3 00:53
其實正苦依照好ON 9....
貢玩法....
內地領隊咪同叫所有來港的購物團咪每人帶2罐返去羅..... ...

我同意"上有政策, 下有對策"依句說話.  但係政府搞一搞, 至少出咗個訊息比水貨佬呀....

買奶粉還買奶粉, 唔好一次過買曬囉.  

成單嘢, 又唔係果D水貨佬搞出黎.  如果買貨同時留有餘地, 唔好買曬, 又點會有人嘈呀....

逗利是佛

真係唔明政府班人點諗野的，你限班水貨客帶三罐佢咪帶三罐，限兩罐咪帶兩罐囉，佢地每一水都係帶着各種各樣的貨，電腦、電話、奶粉、益嘟多、呢樣、嗰樣、樣樣帶啲，總之一水維到皮就繼續做，呢招根本未必可以解決到香港BB無奶粉食的問題。

另外田嘟俊那個取消一簽多行的辦法又係隔靴搔癢，起不了多大的作用，因為香港水貨客完全不受影響。反而澳門諗好條計佢地又唔跟（詳情可到http://141hongkong.com/thread-1112665-1-1.html）

就算唔跟都參考吓吖，澳門嗰招直接打到要點，就係要確保當地BB有奶粉食，有剩便隨個市場處理，要求市民先登記，便發張奶粉咭，憑咭有優先權買奶粉，唔登記責任便在市民自己身上，乾淨利落。