轉載：那些年.那些廣告(飲食、日常生活篇)

窮出沒注意

一些舊廣告, 就是人民生活的印記, 以下廣告是轉載自香港掌故家吳昊老師在FB群組, 老餅們, 且看看你認識多了, 也懷緬一下, 我們貧窮但美好的那些年....


1968年廣告, 雞精搶奪味精市場, 大做宣傳, 蒸蛋要落雞精, 煲湯也落雞精, 你試過未 ?

窮出沒注意

唔睇此廣告都唔記得咗有自製豆腐花呢味野, 好似係將此豆腐花粉溝水, 放在冰架雪凍便有得食, 唔知你有冇做過 ?

窮出沒注意

1960年代廣告, 玉泉甘檸在港非常流行, 苦苦澀澀, 夠氣夠味, 細路仔唔鍾意, 大人最啱, 我們愛稱之為「檸甘水」。

窮出沒注意

1967「金保」廣告, 金保乃早期譯名, 此湯甚貴, 因其時在大排檔炒菜食飯, 隨時 8 毫子可搞掂一飱 !

窮出沒注意

1964年已有夾心雪條出現, 安樂園「冰糕條」一出, 大受歡迎, 但在一毫一條的年代, 此冰糕條簡直係好貴 !

窮出沒注意

上世紀六十年代日本百貨店進軍香江, 以「大丸」打響招牌後, 便有「大大」、「大人」等一大堆, 而位於中環有間叫「玉屋」的, 你有冇去過 ?

窮出沒注意

本土老字號百貨公司「伊人」, 雖然不及「先施」和「永安」之規模, 但有自己品牌衣物, 尤其恤衫最出名, 價廉物美 !

窮出沒注意

日本百貨勝在種類繁多, 設計精美, 極具吸引力, 此店竟然玩具多達八千種, 細路仔見到一定唔肯走 !

窮出沒注意

香港最老字號成衣公司之一, 雖非百貨店, 但門市部遍設港九, 曾有一段時間專用漫畫賣廣告, 充份發揮本土文化特色 !

窮出沒注意

舊時做學生相當清苦, 要帶飯返學, 與工廠女工相映成趣, 一到晚間, 放學的放學, 放工的放工, 阿媽洗飯檔壺都洗到手軟 !

窮出沒注意

舊時學生「恩物」, 食完唔怕洗腦 !

窮出沒注意

舊時學生早飧恩物, 煉奶沖滾水, 煉奶搽麵包, 一奶兩味, 爛牙兩隻 !

窮出沒注意

皇上皇曾是香港名牌飱廳, 根據廣告推算, 應是1964年開業, 最出名係燒雞,門前置一大焗爐, 鳮燒到金黃色, 脆卜卜,睇見都流口水!

窮出沒注意

舊時香港真係好多嘢食噪, 例如馬拉菜抵食夾大件, 飧㕔布置充滿東南亞風情, 尤其海南雞飯與沙爹, 絕對精彩 !

窮出沒注意

1969年越戰打到七彩, 大量越南華僑逃港, 開始設立越南菜館, 於是港人又多咗好嘢食了 !

窮出沒注意

蕙瓊 ? 乜東東 ? Viking ( 維京人之音譯 )是也許 。嘩, 原來北歐菜一早已然有得食, 真係意想不到 !

窮出沒注意

1978年樓盤廣告, 屯門市中心樓價三萬五千, 簡直恨死蝸民, 往日不同今時, 奈何 !

窮出沒注意

1978年「英專」廣告, 上課獨孤一味學英文, 皆因殖民地年代, 學英文先可揾食, 早午晚開課, 方便各行各業 ( 打工仔、舞女、屎坑三姑等) 能講番兩句鬼文也 !

窮出沒注意

1961年香煙廣告, 為迎合港人貪錢心理, 煙名一定要改成發財、好運、發達、好彩等好意頭語, 而且包裝要紅或金色, 取其吉利之兆。

窮出沒注意

曾幾何時出現過此啤, 市面流傳一個謠言, 某名牌啤酒廠工人墮進釀酒缸淹死多日才發現尸體, 嘩, 豈不是大家在飲尸水, 怕怕。 該廠唯有改頭換面, 出個新牌子頂檔, 信不信由你 !