甚麼叫做銀主盤？

Williamho1953

銀主盤（distressed property）是指當物業按了給銀行後（做按揭,即上會，以物業作為抵押向銀行借錢買樓），業主無錢供款，銀行會出律師信。
若經過數個法律程序後，業主仍未能有錢供款，銀行就會收樓（possession），收樓後，銀行會變賣（或拍賣）屋內所有物品。
物業就會作銀主盤買出，來補償業主之前買樓的借貸和律師費，這就是銀主盤。

其實銀主盤同其他樓盤無分別，買銀主盤時要留意的都跟買普通樓盤一樣。例如，物業一定是要清除晒所有訂契，是 〝乾淨〞的物業。不過有一點不同的是銀主盤的業主通常會是債務纒身，入住時可能會有追數人騷擾（因為佢地未知前業主已搬走）。

至於風水方面，有啲人會覺得銀主盤是不好風水，才會令人供不起。不過這都是沒有根據，信則是，不信則不是。

還有銀主盤是會平一點的。係香港，銀主盤（distressed property）大多數都係屬於銀行（例如HSBC, 恆生等），亦有一些屬於財務公司，因為一般人都會把樓宇按給這些財團。其實銀行們一收到銀主樓，無論是豪宅或自置公屋，他們都一定會放出街賣的！其實以上提到的兩大銀行（另外還有多個財團），都已經把售賣銀主盤這個服務外判到香港某大測量師行。即是說，如果在街外的地產代理手中買到的銀主盤，其實都是由這測量師行所放的。在這測量師行買賣銀主盤是不收佣金的，反之透過一般地產代理買銀主盤則要收取佣金。如果你想知道更多新銀主盤的資料，你可以看該測量師行於報紙地產版的廣告呢!

如果要找地產代理，大行跟小行都沒有問題，只要自己提高警覺，事事小心分析，就一定能夠搵到合適的屋呢!

gavin851209

銀主盤都好貴

jj99

而家好少銀主盤！

劍劍2号

遲D劏房多過公屋

肥叔叔

劍劍2号 發表於 2013-1-12 09:51
遲D劏房多過公屋

可能過多幾年, 人人住公屋呢,  全民有政府樓住  

lawson.

Williamho1953 發表於 2013-1-10 21:02
銀主盤（distressed property）是指當物業按了給銀行後（做按揭,即上會，以物業作為抵押向銀行借錢買樓）， ...

就你的內容
有少少回應
首先, 其實物業按揭文件一般列明
如果業主唔供, 銀行已有權收樓, 所以唔一定要經你所講的法律程序
不過為著公平的原則, 一般銀行都會先經多過法庭程序啫

第二, 銀行有權收樓, 但唔等於佢有權變賣屋內物品
如果佢要求將屋內物品變賣, 佢要向法庭作出申請
以變賣物品作還債用, 得到有關命令先得

第三, 銀主盤係出售時, 一般會有某些限制(對買家)
所以並非跟買普通樓盤"一定"一樣
其中包括唔解釘契, 唔確保業權清晰等,
所以係之前, 一定要好清楚合約條款
唔係會招致損失

最後, 銀主盤唔一定平
尤其係拍賣果啲, 因為可能夠法庭命令所規限
要以巿價出售, 所以就算平, 都可能唔多

kkkalvin

jj99 發表於 2013-1-12 08:42
而家好少銀主盤！

有! 不過唔平!

呀吓

kkkalvin 發表於 2013-1-17 14:31
有! 不過唔平!

記得新聞有講過負責安排拍賣既地產公司自己用方法(5記得咩方法)自己投返再賣出去.....
5知依家仲有無咁做呢?

kkkalvin

呀吓 發表於 2013-1-17 14:50
記得新聞有講過負責安排拍賣既地產公司自己用方法(5記得咩方法)自己投返再賣出去.....
5知依家仲 ...

當年食價果d? 依家有咗SSD. . . .冇得玩啦!

呀吓

kkkalvin 發表於 2013-1-17 15:09
當年食價果d? 依家有咗SSD. . . .冇得玩啦!

3年後有回報....依照現時環境始終有著數....

kkkalvin

呀吓 發表於 2013-1-18 09:34
3年後有回報....依照現時環境始終有著數....

唔見得. . . .大量供應都係集中於2015年打後, 仲有加息等因素, 今明兩年唔敢講, 3年後就好大可能. . . .哈哈哈!

呀吓

kkkalvin 發表於 2013-1-18 10:16
唔見得. . . .大量供應都係集中於2015年打後, 仲有加息等因素, 今明兩年唔敢講, 3年後就好大可能. . . . ...

到時汰下點

jmk_li

The situation was very bad after the 1997 financial turmoil and dragged until after the SARS event after 2004.  Horrible period and many people committed suicide after their properties got taken over by the banks.

beyond_i

lawson. 發表於 2013-1-12 10:18
就你的內容
有少少回應
首先, 其實物業按揭文件一般列明

我都加多兩句:

二.  銀主必然會攞 Writ of Fi Fa & Possession Combined. 經執達吏拍賣咗間屋嘅傢俬雜物才會賣樓。否則銀主要向原業主交待屋內財物。
三.  對買家而言，的確銀主會呢樣嗰樣唔負責，想買銀主盤最好請律師在拍賣前到銀主律師樓先睇契，肯定業權良好、文件齊全才買就最穩鎮。另外常見的問題有:- 誰負責前業主欠交的管理費？因為這數目可大可小，被人收得樓，管理費 、集資維修等等費用通常都無錢俾。有d銀主會推到買家身上! 所以一定要睇清楚才可擧手拍賣或簽約。反而在錢主份按揭契後的Charging Orders 可以唔理，因為銀主份按揭行先。另外銀主亦唔會對數，管理費、公共水電錶按金無得問銀主轉數，隨時要再俾管理公司。

lawson.

beyond_i 發表於 2013-1-29 16:30
我都加多兩句:

二.  銀主必然會攞 Writ of Fi Fa & Possession Combined. 經執達吏拍賣咗間屋嘅傢俬雜物 ...

想買銀主盤最好請律師在拍賣前到銀主律師樓先睇契，肯定業權良好、文件齊全才買就最穩鎮

絕對正確

管理費、公共水電錶按金無得問銀主轉數，隨時要再俾管理公司。

因為有都可能因欠費問題俾人扣哂, 所以要交過