811 新華文軒

hkiceman88

唔係好多教育出版股，派息慷慨，大家點睇？

itsmine

呢隻息口唔錯, 可以長擺~

見性成佛

呢間野毛利低，派息都係靠以前集資剩下既錢

近月公司又出售房產，售價之低令鄙人懶得再研究，鄙人先入為主認為佢明益人

補充內容 (2012-12-26 07:54):
講息高不如買 888.HK，近兩年做大撇帳都仲肯將溢利九成派出，又有新鴻基做背景

補充內容 (2012-12-26 07:57):
假設佢收入同上年一樣，派息比率相若，咁都有 8% 以上

見性成佛

當然啦，呢家 risk on，各位師兄或者不想打防守波，找一些之前殘到無倫既民企股搏彈

鄙人喜愛另一隻係 1338.HK 霸王，老闆老實得可愛，仲有公司牌子唔單止得一個既，其他依然賣得出，各位師兄得閒可以留意下

hkiceman88

見性成佛 發表於 2012-12-26 07:53
呢間野毛利低，派息都係靠以前集資剩下既錢

近月公司又出售房產，售價之低令鄙人懶得再研究，鄙人先入為主 ...

呢個板塊毛利都係咁上下, 一仔都係多幾扒, 唔係盤盤生意都咁好搵, 高毛利米又要驚佢維唔維持到, 呢隻望多兩眼因國內教育股冇乜選擇...

hkiceman88

見性成佛 發表於 2012-12-26 07:59
當然啦，呢家 risk on，各位師兄或者不想打防守波，找一些之前殘到無倫既民企股搏彈

鄙人喜愛另一隻係 133 ...

和唔係荷蘭擁等, 防守轉進供唔會十上十落, 點都留返三幾個後衛先放心

巴拉飛

hkiceman88 發表於 2012-12-25 22:11
唔係好多教育出版股，派息慷慨，大家點睇？

你自己講吓隻股既睇法、前景、同埋管理層往績、近績,來研究吓先。
我地先敢俾意見架
師兄乃咁勁
同埋貧尼巧想見識吓師兄你既獨立思考既能力

見性成佛

回復 hkiceman88 #5 的帖子

實業唔好搵，派息咪只會越派越薄

冰男問新華文軒，有 d 考版友味道

如果講揀新華文軒又或者壹仔，鄙人就揀後者，現價買就等收錢

唯一風險係肥佬黎天性冒險家，唔知會唔會好似王維基拿隻城電去較飛

賣完野派厚息自己出去搏，再留返香港出版業務做收息股，隻野當堂高幾班都有之﹗

見性成佛

回復 hkiceman88 #6 的帖子

係喎，交流下意見啦﹗

冰男點睇隻中旅？唔係中鋁，更唔係去中銀提款後再中出條中女﹗係生黎發﹗

hkiceman88

回復 巴拉飛 #7 的帖子

07年五月上市, 經營教育(出版及書店), 四川起家, 10&11純利+~20%, 121H營業額&純利+19%&+29%,毛利率from 111H 40.9% to 121H new high 43.5%, 撇除非經常性收入, 保守估計全年盈利仍可維持雙位數增長(around半皮(rmb)), 即現價PE only~6….
By 6/12, 淨現金20億(每股略高於兩皮), 另有~12億可供出售股權投資項目(每股~皮二), 即係話賬面值已值每股~3.4(PB<1), 過去五年派息超過盈利總和七成, 若盈利增長及派息維持, 現價息率接近十厘….
業務發展:
生活藝術類格調書店: 未來三年內全省target 100家
近年開始網點建設和網店發展, 去年發展連鎖便民project(商超,便利店,校園周邊店, 藥店&醫院), target within 三年3000家商超圖書經營專區, 5年內一萬, cover 全國80%以上的大中城市
由於電子書衝擊, 成立電子商務文軒在線, 但暫時只佔營業額半成
擬透過收購/合資/合作, 加快形成教育產業板塊協同效應, e.g. 收購四川文卓, 與美國聖智合作一系列數碼出版/網絡電子數據庫建設/終身教育等
只是尚未太清楚最近公佈會投資7億興建之創意中心係搞乜東東, 要觀察
結論:
未來五年選股都係跟者十二五走, 包括人均收入上升,公共服務建設,能源環保,科技教育,城鎮化,服務業,金融對外開放…其中教育包括高中教育入學率+4.5%, 九年義務教育鞏固率+3.3% to 93%...
內地教育業股選擇不多, 所以呢隻望多兩眼, 從國策,行業板塊競爭,估值,近來發展, 似乎下跌空間不大, 未必會有強爆炸力, 但每年十厘息加雙位數盈利增長, 細水長流, 亦令我想起五皮時既1382(佢近月忽爆四成後話), 會是在一遍牛衫gogogo聲中不俗的後衛選擇

hkiceman88

回復 見性成佛 #8 的帖子

雖然投資講理性, 但個人實在不喜一傳媒之作風, 唔會買佢既股票, 反正市場上機會多的是

hkiceman88

回復 見性成佛 #9 的帖子

我會好老實咁答您....................................冇跟開呢隻, 唔敢 9 up

巴拉飛

hkiceman88 發表於 2012-12-27 10:50
回復 巴拉飛 #7 的帖子

07年五月上市, 經營教育(出版及書店), 四川起家, 10&11純利+~20%, 121H營業額&純利 ...

師兄,你講呢d野係etnet我自己都曉睇la,哈哈!
當提出結論時,可否解釋一下貧尼以下的疑惑?
811在業務上,本屬豬籠入水,因出版界屬國家控制,身為四川國資委旗下的811,確實可做其獨市生意。
但它為何要連番做一d涉嫌損害小股東利益的關連交易?
包括有,減持成都鑫匯,買方係華盛集團,華盛大股東叫武強,此人乃811創始股東,亦係811前非執董。他仍持有811不足5%持股。
同樣的關連交易尚有811減持四川文軒幼兒教育、減持四川文軒置業、以及四川文軒物流,咁啱買方又係華盛集團。
究竟是「人一走、茶就涼」咁涼薄吖?定係811想整合業務?又抑或是撇除不了賺錢國企的惡習,將利益送回予阿爺?(或阿爺相關人仕)
附帶一提,811每次予武強的交易,只是用NAV嚟作衡量,但從沒有披露果d公司既盈利,當然,每次交易811都有d微利。但貧尼黑心咁諗,根本就係811故意斬件嚟賣,以逃避利益输送的責難。
2010年4月,811才成立四川文軒幼兒教育、四川文軒置業、以及四川文軒物流果3間合營公司。近年811盈利不俗下,却於今年以NAV價值賣走這些可能帶來不俗盈利及增長的功臣,唔該師兄解釋吓點解呢?

巴拉飛

hkiceman88 發表於 2012-12-27 10:50
回復 巴拉飛 #7 的帖子

07年五月上市, 經營教育(出版及書店), 四川起家, 10&11純利+~20%, 121H營業額&純利 ...

至於師兄說:「只是尚未太清楚最近公佈會投資7億興建之創意中心係搞乜東東, 要觀察」
但公司最近通告咁講喎：「同時，由於本公司並無改造目標房地產所需的房地產開發資質，目標
房地產被成都市人民政府視作倉庫用途土地並以較低賠償金額征收的可能性較
大。」
http://www.hkexnews.hk/listedco/ ... TN20121220619_C.pdf
(第3頁,出售事項之原因及好處)

同埋呢份通告貧尼也有很多不理解之處,唯望師兄不吝指教,謝謝
(晏d再請教師兄)

巴拉飛

見性成佛 發表於 2012-12-26 07:53
呢間野毛利低，派息都係靠以前集資剩下既錢

近月公司又出售房產，售價之低令鄙人懶得再研究，鄙人先入為主 ...

你又抄我講d野?
遲d又俾人話禾係分身
更兼且乃無俾版權費,我正考慮循法律途徑去追討。
知驚未?

hkiceman88

我開始明白點解人氣弱，又可以慳返啲時間去第度

見性成佛

回復 hkiceman88 #11 的帖子

嘻嘻，鄙人剛相反，喜歡佢那種搞臭挖爛的風格

呢個世界太需要這種作風

肥佬黎就話唔係作風問題，係要迎合市場喎

308.HK 鄙人仲未睇，1883.HK 就尋晚計過下數，又係唔集資唔炒果種衰股

見性成佛

回復 巴拉飛 #15 的帖子

無抄呀﹗

都話鄙人見佢果單關連交易都懶得研究﹗

只係純粹概念討論﹗你唔太喜歡既印象派

巴拉飛

hkiceman88 發表於 2012-12-27 21:33
我開始明白點解人氣弱，又可以慳返啲時間去第度

5巧la...禾5明未問C兄乃意見囉
問吓都5得?
老老實實嘞,既然C兄識得走去林sir度學嘢,應更懂得投資非只齋睇表現數據。若只看表面,內銀應率先升爆。
活在自己理(夢)想國度既理想主義者,他們會認為自己選的是好股,只是市場沒人買,所以自己隻股唔升,是市場的錯...此番話,像畢菲特也曾說過(可惜拾人牙慧者不是畢菲特;火X森就是人辦)。
C師你所講的互太,有幾年時間錯價期嗎?(出業績、派高息即升爆呢)但811是平足幾年、也持續派高息幾年,可惜的是,佢無如領匯、435、778、1382、52等等高息股,被市場發堀下而抽升,而是呆足幾年任買,這不奇怪嗎?更奇怪是連社保此國家基金也減持...
現今股市,其實某程度上,已是「全能足球」,誰說後衛不會入波?
田中鬥莉王、伊雲諾域、大衛雷斯皆是表表者...因為這是「低息年代」啊!後衛每每能串演前鋒。
就算市場真係「違忘」你,咁作為公司咪想法子叫醒市場囉。好似今晚嘅2868咁
http://www.hkexnews.hk/listedco/ ... TN20121227312_C.pdf
再講多樣la,早排一眾營運正常既紡織股上升,其中一主因,就是他們的成本以國際棉花而釐定,收入則跟強國的製成品紗線價來釐定。(呢兩者價格並無關連關係)
強國政府為左要補貼農民,故出手儲棉花。並且訂下【棉花收儲預案】,訂立棉花價格為20400人仔/噸(較去年升在600人仔)
即係話來貨成本低咗,出貨的價又有亞爺拓住,1382、2678等點會唔好業績?股價抽升便合情合理。(阿爺的棉花收儲預案,至明年8月結束)
所以話呢,真係信呢個世界有好嘢會持續地平賣,「咁大隻蛤乸隨街跳」?

巴拉飛

hkiceman88 發表於 2012-12-27 21:33
我開始明白點解人氣弱，又可以慳返啲時間去第度

貧尼都認同C兄所講,811下跌空間不大, 未必會有強爆炸力。
但如若穩守中求突破,可能別的投資會較好。
買股票求升啫,要防守既,實實在在買d防守股;
防守就恰如其分防守罷。