卿卿13歲女完美Copy

超人Tiga · 發表於 2012-12-22 13:35:27

一代性感尤物葉玉卿終於有繼承人！早前返港拍賀歲片的卿卿，返美後舉家到夏威夷歎世界，年僅13歲的大女胡芷欣與母親樣貌十足餅印，高挑身材亦不相伯仲，兩母女齊齊穿上三點式享受陽光與海灘時，早熟的芷欣更見得天獨厚！

不少經典尤物都嫁得好老公，然後疊埋心水息影，專心相夫教子，多位「星二代」長大後都驚為天人，盡得星級父母真傳！葉玉卿身材好係人都知，原來她的13歲女兒胡芷欣亦非常早熟，長得亭亭玉立之餘又樣貌標致，盡得母親的優良遺傳！

笑晒慶祝生日

早前在港拍畢賀歲片後，卿卿隨即返回紐約，適逢細仔Jefferson十歲生日，一家五口到夏威夷慶祝兼歎世界，而老公胡兆明因工作關係，故遲了一天於昨天才與卿卿及子女會合！一家五口面對陽光與海灘即時大解放，不只胡兆明與兩個囝囝打大赤肋，卿卿與芷欣亦齊齊穿上比堅尼，兩母女的樣貌像用影印機複製出來，加上高度相若，驟眼看還以為是兩姊妹在沙灘行「孖咇」！

45歲的卿卿外表十年如一日，不但「胸猛」依然，黃蜂腰亦像往昔般纖幼，而在旁的芷欣絕不比母親遜色，渾身散發少女味，更自信滿滿地擺甫士，基因這東西實在奇妙得令人無話可說！卿卿兩公婆的心情未受早前的負面報道影響，一家五口全程大吃大喝，當囝囝切生日蛋糕時，五人笑容一致，場面溫馨，卿卿更送上一部電腦給壽星仔做禮物呢！

胃口大食唔停

卿卿接受長途電話訪問時，驕傲地表示芷欣與她身材十分相似：「佢真係好似我，仲幫我揀泳衣款式。芷欣同我一樣咁鍾意Shopping，佢好大食o架！可能因為發育時期，總係食唔停，成日嗌餓，同我一樣咁大食！」

享天倫之餘，卿卿不忘為母親的身後事費神：「起初老公話同我返香港出席喪禮，依家我決定只係自己返，因為我相信媽咪已經去咗一個好好嘅地方，有心就得喇！老公如果返香港，仔女又會扭住返，我驚太大陣仗會令家人唔方便。我亦知道媽咪好錫芷欣，上次返香港見面3次已經好開心！」此外，談及世界末日，她說：「我哋一家有討論過呢個問題，唔係好信！但有開導小朋友，教佢哋點積極面對，提醒佢哋要環保，如果唔係地球就真係會死！」