默默的肯定

Sam1128 · 發表於 2012-12-11 17:01:02

各位兄弟姊妹大家好

香港係一個好美麗o既地方，仲記得第一次搭飛機响飛機上面望落去香港o既夜境，五光十色，萬家燈火，一片繁華境至。但裡面藏着幾多哀傷幾多愁又有幾多人知到呢！一個人站在巴士站等着返家o既巴士，望住舊機場，回憶着細味着呢兩日所發生的一切，苦樂交雜，是緣是債...到最後可能都只是一場夢...。
那個星日早上我同二號一齊坐船返香港，沿途都冇乜交流，可能因為尋晚所發生o既事大家都有多少尷尬，以往天天哈哈大笑，大情大性o既佢變得沉默寡言，小弟可能做得太差，無好好處理佢o既感受，為左打開呢個悶局，我用手上o既旅遊小冊紙接左隻紙鶴比佢：

二號：嘩...好得意呀...點接ka..(有番笑容...個心都安樂Ｄ)
我：妳鍾意...我教妳吖...拿...o甘樣...o甘樣...咪整好law...hahha...
二號：係wo...係wo...好易wo...整好la...hehe
我：教妳接多樣...呢隻叫紙蜻蜓...好似直升機o甘ka...好好玩ka...
二號：好得意wo...教我...教我...
我：拿...o甘樣...o甘o甘o甘o甘...搞掂
二號： X哥哥你成日o甘氹女仔ka..？
我：唔係...氹女仔Ｄ紙鶴係用銀紙接ka..hahaha
二號： o衣...好鬼衰ka...成日都講錢...
我： haha...接多樣野比妳la... (我攞左尋晚封利事裡面張一百蚊出黎...接左個心)
二號：好靚呀...送比我ka...有冇咩意思o既先...??
我：冇乜意思ka...淨係想妳開心番...笑番咋...尋晚...對唔住呀...o甘惡鬧妳...原諒我好唔好呀...
二號：攞比我先...比我先la...(佢槍左個心..)...尋晚...好開心呀...Ｄ麵好好食呀...你講果個肉麻故仔幾好聽吖...hahha...乜你細個o甘易比人扼ka...hahha...
我：死八婆...原來扮訓...鍊撚死妳...
二號：又講粗口...唔好呀..唔好呀...hahha...
如是者，玩到成船人都望住我地，仲比坐我隔離條肥婆話我唔化...，算la...我地開心呀...終於落船la..。
我：今晚我去妳地果邊一齊食飯吖！叫埋一號
二號：你呀...淨係識掛住佢ka咋...
我：一齊食飯開心Ｄ麻..hehe
二號：上車la...冇你o甘好氣...今晚見la...

今晚要去面對一號，個心有多小忐忑，好驚唔知要講乜，又怕佢嬲左我，番到屋企，掛好Ｄ衫，仲有小小唔捨得套老西，呢套新衫到底啱唔啱自己呢？冲個涼換好衫就番去公司睇一睇。心情有Ｄ不安，好掛住一號....好想打電話比佢，仲會唔會好嬲我呢？都係唔好念o甘多，今晚先算，反正都做唔倒乜野，順其自然la...。大約七點左右到左九龍城，去返果間我地成日去o既打冷檔開餐，佢地兩個未出現，我自己一個坐响度睇下I-phone，突然有人摸我個頭，係一號：

一號：做乜戴帽呀！發冷呀？
二號：唔係吖！幾cute呀！(Ｄ語氣好似有Ｄ串嘴，好似比說話一號聽)
一號：車...幾十歲人仲份後生
二號：都要有條件先得o既...(平時佢一定和應一號去繼續串我，但今次竟然幫我...唉...有火藥味)
我：喂...坐底叫野食la...叫野食la...我請..我請..hehe
一號：唔好la...去澳門洗左o甘多錢...係呢...玩得開唔開心呀！佢唔講我都唔知你接野o甘叻o既tim，又識氹人。
我： (小小黑面)...想講咩先
二號：喂...一號...食餐飯ge...洗唔洗o甘呀...妳想知乜我都講哂妳知la...X哥哥唔係妳念果種人...信下我得唔得
我：做乜ge...係咪嬲我地去玩冇帶妳去ge...唔好嬲好唔好
二號：唔好嬲la...XX姐姐...冇左妳煮公仔麵比我食我會餓死ka...最多以後我洗碗...黎吖...錫返..(二號攬住佢又出嗲功又扮cute)
一號： (終於笑返...都冇o甘驚)...o衣..咪鬼錫過黎呀...以後洗碗呀...妳話ka...仲有以後唔好攞Ｄ衫去洗衣舖洗呀..o甘鬼貴，攞番阿媽度洗咪得law...o甘大個人仲唔識照顧自己...第時點算..(成個管家婆o甘...不過我鍾意)
二號：得la...得la...記得就洗la...hehe...
我：快Ｄ叫野食...好鬼肚餓呀...

就係o甘我地又好似平時一樣開開心心o甘食左一餐晚飯。

一號： X哥哥你接野o甘叻...教下我得唔得呀！
我：哦...果Ｄ小兒科la...我有超能力tim ka...
二號：係咩...係咩...表演睇下...
一號：信你至奇呀...不過睇下無仿...
我：平時表演呢就要用介子o既...但依家冇...拿...我用張銀紙接隻介子出黎...攞條橡根先

其實當然唔係乜野超能力la...只係一個小魔術...大家睇下片就知點做。

二號：好得意...我要學...我要學...
一號：睇電視見過...點整ka...教我吖
我：超能力...天生o既...o甘易學呀妳估...喂..一號...攞住佢...返去慢慢研究 (我將用銀紙接o既隻介子同之前教佢接o既心交左比佢...跟住細細聲講左句...)...希望妳明白....
一號： (望住我點一點頭)...收左我唔會比番你ka la...
我： (笑一笑)...我知..
一號：我同二號呢排都會好夜收工呀！冇o甘多時間見你la...我地買左聖誕禮物比你...送比你la...
二號：一號揀ka...好老餅ka...佢話一定襯你wooo...hehe
我：多謝哂....多謝哂....
一號：希望你鍾意...阿二號小姐...妳好似未夾錢wooo...快Ｄ...話左一人一半ka...
二號：冇呀...出糧先la...hehe
一號：又拖數...正一死女包...X哥哥...我地返屋企先la...um...(沉默左一陣)...我當係ka la...
我：心照得la...我去撘車la...多謝妳地

一個人年紀大左，思想同行為都會跟住改變，年輕可以激情可以放任，無論跌過多少次，有幾痛有幾傷心都仲有好多時間可以復原。人開始老有太多考慮，萬一再受傷害還有多少時間給自己復原呢？傷害了別人還有幾多時間去將內疚感減輕呢？年輕時可以無悔地去肯定自己心中所愛，可以為愛付出一切而不悔。今天可付出o既就只有一個用銀紙接o既心，一隻銀紙接o既介子同一條橡根，默默的向佢作出肯定。年輕o既朋友會問點解要做呢Ｄ白痴行為，我只可以答因為年輕人你地還未老。多謝各位.... (完)