日本橫濱有死人酒店──唔好 check 錯 in

momomo1997 · 發表於 2012-12-5 20:26:38

本帖最後由 momomo1997 於 2012-12-5 20:28 編輯

日本死人酒店
唔好 check 錯 in

阿媽教唔怕生壞命，最怕改錯名。去旅行，唔怕住黑店，最怕 check 錯 in，住咗間死人酒店，真係黑足九世！橫濱有間死人酒店，睇落好似好靚，唔睇清楚，我仲想 book 嚟住......

$1,200 住一晚

生人住酒店，平則幾百蚊，貴則幾千蚊，死人住酒店，一晚叫價幾多？這家死人酒店每晚叫價 12,000 日元，即是港幣約 $1,200，可謂 5 星級酒店價格。一般「住客」會住 4 日左右，因為日本死者由死亡日至火葬日，若等 4 日，有生意人想發死人財，提供酒店式停屍服務，有家屬更會天天去酒店「探望」住客。

死人酒店有 18 間「客房」，每間房都有冷藏服務，仲有僧人為住客頌經。聽當地人講，原來唔止我一個傻仔，當地有好多後生仔女以為係「生人」酒店想租嚟住，酒店老闆只能話俾佢地知，呢間酒店只有冷房，無客房供應。網友們去橫濱時，唔好租錯酒店呀！
去到橫濱，見到有僧人在酒店門口走來走去，好可能就係死人酒店。

酒店水吧，真係同一般酒店無異。

這些飾物係陪葬定用來避邪？真係唔知呀，我諗我都無咩機會用到。

死人酒店「客房」，無電視無窗無浴室無 hi-fi，清一式單人床位。

死人酒店服務員。唔知呢間酒店登招聘廣告，係登去邊一個行業呢？

死人酒店只提供 18 間客房，不過每間都好細。

僧人頌經，不知是酒店打包的服務，還是要另請僧人？

小靈堂，讓死者親友參與超渡儀式。