朋友二號

Sam1128 · 發表於 2012-12-3 18:36:56

各位兄弟姊妹：

大家好，天氣凍左好多，大家要着多件衫保重身體呀！星期六，一個對澳門黎講係一個大日字，如果各位有留意新聞的話都應該知我講乜。大約中午3點左右收倒一位好耐冇聯絡o既朋友電話，呢位朋友正是呢個大日字o既主角o既門生，o甘多年黎都多得佢關照小弟至可以响過去九年裡面有較穩定o既生活，小弟希望借一個機會响呢度多謝佢一句。佢打電話比我叫我去參與佢地當晚搞o既活動，最初都唔係好想去，不竟自己都以經脫離左呢個圈子一段日字，最後基於某Ｄ原因，同埋都想見識下呢位主角所以最後都應承左出席。當日小弟o既身份就係呢位朋友o既門生，唔可以失禮，仲叫我最好帶埋Partner去。
我o既女性朋友唔多，所以都係念住自己去就算，但我又想揾多個人陪自己去，怕有咩事都有人幫手通知我屋企人。所以打比佢：

我：喂...我呀...响邊呀？
一號：要開工呀！收工要去上培訓班。
我：哦...冇野呀...澳門有party問下妳有冇假放...念住同妳去ge...
一號：o衣...你揾下二號吖...佢好似放假...睇下佢有冇約人...叫佢同你去law
我：哦...都好吖...我試下揾佢先...bye

隔左一陣，念緊打唔打比佢，其實我個心就梗係想同一號去la，因為我同佢有多Ｄ經歴同o岩傾Ｄ，大家都了解對方多Ｄ。結果我都打左比二號，費事話我去玩都唔揾佢，或者佢都未必得閒呢！

我：喂...我呀...响邊呀？
二號：係咪去澳門開Party...我要去...hehe
我： (死野吖，o甘快收倒風)...妳又知...一號話妳知ka...
二號：係呀...人地唔去先揾人，嬲你呀！快Ｄ...依家邀請我去la...
我：好la..好la...靚女...怕鬼左妳la...依家我誠意邀請妳去參與呢個活動...請問靚女賞面麻？
二號：um...好la...見你o甘可憐...同你去la...hahhaha
我： (比佢激死..)..好la...六點鐘...港澳碼頭...上環果個呀！唔好七下七下去左尖沙咀...仲有..着靚Ｄ呀！唔好失禮人...知麻！
二號：得la...得la...一陣見la...

其實如果兩個相比，二號比一號靚Ｄ，但人品方面小弟覺得一號較成熟，二號比較簡單大癲大廢，但為人好夠義氣。好快到左約定o既時間，我遲左小小，我以為佢未到，突然有人拍一拍我，嘩...！眼前一亮，黑色暗閃連身裙，短身火紅毛毛外套，黑絲襪，仲有對三寸火紅高踭鞋....着得好靚。咪住先...Ｄ衫熟口熟面，好似上次同一號去街我買比佢過woo...

我：嘩...今日好靚wooo...襯哂wooo...着埋對高踭鞋仲差Ｄ高過我wooo
二號：Ｄ衫係一號借比我ka...仲叫我小心唔好整爛tim...
我：哦...着得幾好睇吖
二號： X哥哥...um...你套西裝有小小老套wo...成個大叔o甘，不如到步同你揀個套la...
我：唉...我真係大叔麻...有咩所謂...唔好洗埋Ｄ無謂錢
二號：又係你話唔好失禮人o既...，好la...去到幫你扮靚靚la...(超o爹..)
我：好la..好la...去到睇下點...
佢又講得o岩...呢套西裝都買左兩年...又少着又舊舊地，都要買過Ｄ見得人ka la...
到左步都仲有兩個幾鐘頭Party先開始，好la，去睇下衫，最近最就腳就係八佰伴...入到男裝部二號就不斷揾衫比我試，最後買左件貼身中褸，一條比較貼身o既西褲仲有條紅色格仔o既頸巾，着上身睇下又真係冇o甘大叔wooo...haha
二號： o甘咪幾好睇law...後生幾多呀
我：又洗左幾千銀la...平時都冇乜機會着
二號：車...洗少少錢靚一晚乜都底la...ahha...你睇你依家成個公子o甘...唔好咩？..hehe
我：似公子有鬼用咩，條命唔似呢！無銀冇水又冇個有錢老豆，喂...套舊衫點呀？
二號：我幫你... (一二三...佢竟然幫我掉左去商場個垃圾桶)
我：嘩...好貴ka...掉左好大嘥ge...
二號：車...舊o既唔去邊有新wooo...又係你講o既！
我：唉...冇你修呀...落去坐的士la...
二號：係o既...X公子...拗實你隻手先...費事比人搶左你去...hehehe

小弟同一號從來唔會有呢Ｄ身體上o既接觸，有次唔小心碰倒佢重要部位佢都會面紅，大家都以禮相代，相反二號就對我熱情得多。如果呢日拗住我手o既係一號我會好開心，始終問心果句都係鍾意同一號一齊多Ｄ。可能一號慳家Ｄ卦，去邊食飯買野都念過度過，冇話亂洗錢....。二號就乜都唔會理...洗左先算。如果佢兩個Ｄ性格搓混就好lu....hahaha...多謝收睇...(待續)

補充內容 (2012-12-4 00:09):
多謝各位加分嘅朋友，小弟要呈清，我並非江湖中人，出席呢個活動只為報答朋友多年関照，請唔好誤會小弟