《走過烽火大地》根本冇去車臣阿富汗?

木結他

【明報專訊】無綫節目的水準不時成為網民話題，由劇集到綜藝節目均常被指抄橋、欠新意、犯駁等，見怪不怪；幸好，旅遊資訊節目仍保持口碑，《向世界出發》系列就是觀眾認同的高欣賞指數節目。台慶重本製作的《走過烽火大地》，看到預告片大鑼大鼓說到車臣、伊拉克、阿富汗與伊朗等地區，很多人也被吸引了。

大姐大看了一兩集《走過烽火大地》，總是看到主持Tony（洪永城）坐在車廂裏講個不停，「好危險」變成口頭禪，講多於畫面看到的；不過，收視成績平均達24點，154萬觀眾捧場，有此成績已有交代。意想不到節目已告一段落，仍有餘波。

上周六深夜，商台《摩星嶺4號》主持雲海開咪向《走過烽火大地》發炮，玩捉錯處，逐點揪出節目的謊言。

（一）攝製隊由黎巴嫩往敘利亞，司機在途中以危險為理由，拒絕前進，大隊連敘利亞「邊皮」也未到，但地圖卻顯示他們由敘利亞折返。雲海說：「唔好講大話啦！根本就沒有到達敘利亞，何來折返？」

（二）一直說去阿富汗，最後解釋未取得簽證，只是到了土耳其郊外阿富汗人的難民營，是另一令人失望的大話。

（三）壓軸兩集，攝製隊到車臣成為吸引之處，同樣只是在格魯吉亞範圍內的「車臣村」拍攝，還拍攝格魯吉亞文字的墳墓，說是車臣墳墓。雲海笑說：「真係蝦啲觀眾未去過？唔識睇格魯吉亞文字？」他還指出節目資料錯誤，包括「格魯吉亞脫離俄羅斯獨立成國」，正確應是蘇聯；又錯說土耳其是回教國家，其實土耳其只是較多人信奉回教而已。

監製有嘢講

大姐大因雲海的說話，在網上尋找有關節目的評論，原來不乏貨不對辦、搵笨的批評，有網民為節目改名做「閃過烽火大地」，也有旅遊達人撰文指節目誇大了某些地區的危險性，嘲笑他們似在拍恐怖片，不是去旅行。

《走過烽火大地》面對「你呃人」的指控，監製蘇敏儀有話說。「我們沒有欺騙觀眾，也沒有存心誤導，大隊最終沒有到車臣與阿富汗，在節目有清楚交代。」問她沒有到過當地，為何節目宣傳片不斷提及車臣、阿富汗？蘇敏儀解釋：「攝製隊由籌備之初已很想去當地，途中亦不斷以不同方法前往，他們確實朝這方向進發，但最後未能達到，宣傳片就是包裝而已。」

蘇敏儀沒有聽雲海的指控，也無謂掀起罵戰，但她有留意網上評論，有讚有彈。「我20年前以『背包客』形式到過伊朗，我對中東有情意結，所以大膽向公司提出今次拍攝《走過烽火大地》。我明白每個旅遊達人對自己到訪過的地方有主觀感覺，所以網上有很多不同意的觀點。」她表示今次拍攝的難處是局勢變化始料不及，4月籌備行程時一切妥當，不過起程時，原本能往拍攝的阿富汗已不能入境，攝製隊帶着攝影器材，有別於一般旅客，去到那裏皆很矚目及被阻撓。「行程中遇到危險，需要冒險拍攝，壓力很大，因為大家不是戰地記者，平日只是拍綜藝娛樂節目，所以我背負隊伍的人身安全，責任很大。」蘇敏儀表示《走過烽火大地》目的是讓觀眾多看些不同的世界，認識新地方，目的已經達到。

大姐大跟行內人提及這節目，指出這節目最大毛病是定位不清，要拍戰火摧殘的地方嫌反思不足，拍民生的就只有看着主持剪頭髮剪了3分鐘，或是當地婦女的泳裝款式怎麼樣。若果想拍戰火下的人民，卻抱着奇觀的心態，是對當地人的侮辱。花人力物力拍了節目回來，卻沒有讓觀眾有得着，實在可惜。

From : 大姐大手記

---

呢個節目我都有睇，因為題材吸引，雖然冇辦法集集追，但都睇咗好幾集。我又唔覺得主持經常提到好驚有咩問題，佢唔係記者係主持，記者就唔應該加 d 個人感情落去遮，主持係負責帶觀眾去睇佢眼中的事物，唔比人驚嘅咩？果 d 地方真係隨時有火箭炮射落尼架喎～ 咁當然攝製隊會十分慬慎唔會同你搵命持啦～ 我最記得一有一集主持話好危險，臨訓前係房好似用 handycam 講遺言咁款，唔評論係主持真心讀白抑或係監製克意加插，但效果好真，我作為觀眾睇見到好膽心

雖然用車臣同阿富汗做宣傳係有少少搵笨，但每晚睇呢個節目時禾刀會同老虎廣，呢個節目好值得睇，因為入面 d 地方係禾呢世人刀唔會去的 對於《走過烽火大地》被評搵笨，禾個人角得係值得包容及原諒

笑日老板

呢套節目,的確幾值得睇
不過,我都係記得自己只睇過第一集,之後都無時間睇

新.東方

我有睇過幾集...
但我真係唔覺得佢地去既地方有幾恐怖...
去到土耳其個GYM ROOM, 影一班男人係度做土耳其傳統運動...
就話佢地係準備隨時作戰...我當堂O左咀...

long1083

有危險唔好,唔介意,不過宣傳唔好吹到咁大

窮出沒注意

我又覺得唔使太認真
呢種節目只屬於香港式綜藝節目
唔好同DISCOVERY CHANNEL的紀錄片比較

Tony係一個主持
亦唔係記者
好多時都係將撰稿的資料消化
再用自己的presentation帶番出唻
佢已經好努力啦

好唔好睇見人見智
但總比瘋狂歷史補習社高小小啩

但其實我都覺得瘋狂歷史補習社幾過癮...

t-shiper

笑日老板 發表於 2012-11-29 13:41
呢套節目,的確幾值得睇
不過,我都係記得自己只睇過第一集,之後都無時間睇 ...

你重忙過我....

木結他

小窮維尼 發表於 2012-11-30 10:28
我又覺得唔使太認真
呢種節目只屬於香港式綜藝節目
唔好同DISCOVERY CHANNEL的紀錄片比較

Tony 作為主持，我覺得合格有餘架喇～
瘋狂歷史補習社都幾 ok 喎～
雖然起初覺得手法太誇，有嘩眾取寵之嫌，但睇咗幾集又 ok 喎，岩哂我呢 d 唔熟歷史嘅人睇～

木結他

tung1871 發表於 2012-11-29 15:24
我有睇過幾集...
但我真係唔覺得佢地去既地方有幾恐怖...
去到土耳其個GYM ROOM, 影一班男人係度做土耳其傳 ...

剪頭髮果集刀好精彩，個主持剪完好似唔多滿意拱

窮出沒注意

木結他 發表於 2012-11-30 11:06
Tony 作為主持，我覺得合格有餘架喇～
瘋狂歷史補習社都幾 ok 喎～
雖然起初覺得手法太誇，有嘩 ...

睇陳瑋

iamamannow

我覺得幾好睇wor
雖然唔係集集睇晒...但睇左2/3啦應該~~~
其實拍得幾好~~
大家呢度好多人都未經歷戰亂~~~~
係大家眼中係好危險, 好恐怖, 個個惶惶不可終日....
原來事實係工照返, 舞照跳...
剪完頭髮仲哈哈笑....(觀眾)

t-shiper

小窮維尼 發表於 2012-11-30 12:11
睇陳瑋

慈禧太后～

窮出沒注意

t-shiper 發表於 2012-11-30 15:47
慈禧太后～

提防老千

t-shiper

小窮維尼 發表於 2012-11-30 16:30
提防老千

王晶果然係食家～

笑日老板

t-shiper 發表於 2012-11-30 11:00
你重忙過我....

踏入年尾,將會更忙

Williamho1953

好耐無睇電視

t-shiper

Williamho1953 發表於 2013-1-13 10:23
好耐無睇電視

天與地夜晚重播有冇睇?

Williamho1953

t-shiper 發表於 2013-1-13 15:26
天與地夜晚重播有冇睇?

好看嗎？我只識首歌！

t-shiper

Williamho1953 發表於 2013-1-13 16:01
好看嗎？我只識首歌！

並非 tvb 罐頭劇，值得睇

iamgo

睇過一集,吹水多過景.冇追.

hkoxsax

都算一個用心拍攝節目。