高海寧哭了...

正義高達 · 發表於 2012-11-22 00:49:29

大家信face雜誌定信高ling?

高海寧昨日召開記者會，就日前被指靠無綫老闆陳國強上位一事作澄清，她喊爆堅稱自己沒有靠任何關係，跟老闆陳國強亦沒有接觸，消息全是捏造，令她感到很無辜！

高海寧昨日在經理人及無綫外事部副總監曾醒明陪同下在將軍澳電視城舉行記者會，就近日雜誌指她靠無綫老闆陳國強上位一事作出澄清，她說：「嗰本雜誌嘅報道完全失實，有必要澄清番！我入行四年，雖然唔算好有成績，但每次都好用心去工作，監製亦畀機會我，唔想因為呢啲報道抹殺我嘅努力同畀人誤會。」

過來人子珊慰問

同時，高海寧指該雜誌不止一次寫她的負面新聞，又經常在她父母沒有準備的情況下，問一些很嚴重的問題，令父母很擔心：「佢哋之前有話我買車買樓，但我架車其實買咗兩年，同父母住亦冇搬過！（認唔認識陳國強？）知佢係我老闆，但冇接觸過！更加冇人叫我老闆娘！」

當談到雜誌經常刊登其負面消息時，高海寧終於忍不住崩潰大哭：「情況真係好嚴重，我唔想我嘅努力一次過被抹殺……多謝徐子珊，佢第一時間安慰我，其實佢都係受害人，都曾經被誤會靠關係，佢好明白。」她還表示十分感激公司給予機會解釋，無綫會有法律行動。曾醒明說：「發咗律師信畀嗰本刊物，追究責任，要求道歉，以正視聽，亦會禁止該刊物記者去電視城採訪及無綫安排嘅任何採訪活動，直至另行通知！（老闆意思？）唔係！係維護旗下藝人，啲新聞好過分，喺捏造出嚟！唔止一次，要即時採取行動阻止再咁樣寫落去。」