All Terrain Vehicle 40,000呎草地片車追逐戰

Rogar · 發表於 2012-11-16 12:03:25

All Terrain Vehicle 40,000呎草地片車追逐戰
秋天時節涼風陣陣，最啱梗係戶外活動，行山郊遊雖然有益身心，不過始終略嫌沉悶，想玩得刺激啲，不妨去天水圍的屏山文化農莊。別以為叫「農莊」就淨係得耕種，場地還引入外國熱爆的ATV越野車，有近40,000呎草地畀你同朋友玩追逐戰，同場仲有特技風箏、遙控直升機等，玩足一整天都冇問題！
迷你越野車外國熱爆
ATV全名為All Terrain Vehicle，顧名思義是全天候的越野車，於美國、東南亞等地勁Hit，可算是野外活動必玩項目，皆因車身小巧，仲可於泥地、石地等崎嶇路面行走，行車時引擎聲沸騰，刺激到暈。玩ATV的場地當然愈開揚愈好，屏山文化農莊劃分成多個大草原，冇遮冇掩，兼屬私人場地，片車夠晒暢快！

踩車冇特別規則，咁大個草地梗係玩追逐戰啦！

Rogar · 發表於 2012-11-16 12:04:50

操作簡易玩得安全
ATV擁有4個大車轆，外形硬朗，但操作卻相當簡單，手把左邊是加速，右邊則是煞車Brake，只要識扭左右控制方向，基本上就可以上手；而且草地有成40,000呎咁大，速度20km/h左右，三五成群一齊互片最正。不過玩還玩，最重要是做足安全措施，好在場地提供保護裝備如頭盔、護膝、護（月爭）及護甲等，跌親都唔驚損手爛腳。

最重要係保護頭部，不過戴完頭盔之後少不免整亂頭髮。

Rogar · 發表於 2012-11-16 12:06:09

收費：試玩體驗$100/人，全程15分鐘（10位以上）ATV體驗$380/人，全程45分鐘（2位起，送BBQ）

護甲可以保護身體，撞到都冇咁痛。

女仔最易擦損手腳，戴晒護（月爭）、護膝安全得多。

特技風箏外形獨特而且顏色繽紛，雙手一拉便可起鳶。

Rogar · 發表於 2012-11-16 12:07:29

特技風箏 8字飛行
咁大個草地加上天朗氣清，最啱係玩風箏，但現場提供的並不是傳統風箏，而是新興的特技風箏（Stunt Kite）！它有別於傳統風箏玩法，風箏線由一條改為兩條，加上經特別設計，不但可以控制風箏沖上雲霄，更可做出8字飛行、空中自轉、降落等動作，十足玩特技一樣。而且特技風箏大約3mph風速已可飛起，現場試玩只要有少少風就可以起鳶，不過想玩花式特技就要努力練習喇！

Rogar · 發表於 2012-11-16 12:09:17

CO2手榴彈入面裝滿麵粉，威力都幾大！
收費：每位$350（2位起）送特技風箏及1小時操控課程

Rogar · 發表於 2012-11-16 12:11:00

迷你直升機易學易玩
玩完賽車、放完風箏，體力消耗得七七八八，現場仲有較為靜態的遙控直升機畀你玩。迷你直升機以電力操作，就算遇到陣風都唔怕發生危險，而且操作簡單，按吓遙控器便可左飛右飛、升空降落；最重要是可以走入室內玩，怕曬的女士們都唔怕悶。
收費：$120，1小時體驗（5位起）

麵粉手榴彈好爆！
想過吓War Game癮的話，現場還提供氣槍及鐵靶畀大家練習，最特別是有CO2手榴彈畀你拋，入面裝滿麵粉，拉走安全針等幾秒就會爆，既可以感受爆炸的效果，又夠安全！
手榴彈收費：$80/個
氣槍收費：$40（20枚彩彈，10位起）

鐵板BBQ 海鮮足料
好多朋友都會趁秋天去BBQ，場內亦有提供燒烤場地同食物，除了大路的雞翼、豬扒、丸類之外，想豪歎的話仲有海鮮餐選擇，當中包括開邊生蠔、凍蝦、三文魚腩等，肥美又新鮮！最特別是在炭爐燒烤外，仲可以玩埋鐵板燒，一邊炭燒生蠔、一邊鐵板三文魚，聽見都流口水！
BBQ收費：$75（平日）、$85（星期六、日及公眾假期）
海鮮套餐：$248（2人分量）

另類推介：
傳統盆菜 10人圍夾
入到天水圍咁遠，當然要一嘗地道盆菜，這裏提供傳統盆菜預訂服務，一大盆雞、蝦、菇等10人齊齊享用，唔使等到新年都可歎盆菜。
盆菜收費：$1,380/席
屏山文化農莊
交通：天水圍西鐵站乘10分鐘的士（約$25）可達