齊齊討論住屋問題

哈佬Hello

以上影片乃youtube提供,與本站無關; 若無法觀看,可查看原網址。

---

人係自私的!
原來起公屋,都唔係人人贊成.

哈佬Hello

社區組織協會估計約二萬人租住工廈劏房
http://www.hkatvnews.com/v5/news ... 2012-10-28&cn=0
香港不單樓價高租金亦上升，社區組織協會估計，有約二萬人住在工廠大廈劏房，年齡更有年輕化趨勢。

余先生住在大角咀一幢工廠大廈內三十呎的劏房，月租一千三百元，他表示擔心安全但為了節省金錢亦無辦法：「擔心不到那麼多，消防設備不足夠由業主負責，不是租客負責，這些門鎖稍為大些，我經常擔心安全問題，所以貴重物品外出時全部要跟身。」

社區組織協會以問卷訪問約一百名住在工廈劏房的住戶，發現超過六成半是單身人士，年齡中位數四十五歲，較住在籠屋和劏房的住客年輕：「這幾年租務市場私樓太貴，加上供應量低，他們很難找，如果你去地產代理找，他介紹三、四千元的劏房，你一個人怎樣租三、四千元的劏房？租不起，一是辛苦地找，否則你便要付昂貴租金，付不起的便找工廈。」

協會估計，現時有超過一萬戶合共二萬多人住在舊式工廠大廈，促請政府加建公屋令他們早日上樓。

klmok1

唉，早說了香港人的核心價值之一{自私} 又一明證，只是要個窩，攪出了這麼多事。

午餐獄

骨灰龕就話姐,公屋都唔得,超記卥味

午餐獄

問心呀,區議員都係為當區市民做野姐,心唔願都要做架

野狐狸

金翅怒的鳥 發表於 2012-10-29 00:57

---

人係自私的!

當然啦.
你在西貢, 西九, 半山, 九龍塘起公屋, 人地都嫌你搞cheap佢個地段.

Bippwin

兩害取其輕．
不如用番天水圍模式，俾啲肯入去住嘅人去住啦．

Bippwin

終於搵到樓價暴升元兇．
原來係因為啲垃圾議員阻住哂起公屋．
搞到無端端多咗十九萬個家庭住劏房，
搞到啲租金搶貴哂，樓價就緊係升啦．

野狐狸

Bippwin 發表於 2012-10-29 12:12
兩害取其輕．
不如用番天水圍模式，俾啲肯入去住嘅人去住啦．

有d難度呀.
我有個friend父母住天水圍, 佢兩公婆同個女住大埔
佢話我知天水圍大把公屋, 又大又新. 輪侯你公屋人士肯入去住多多都有得你揀. 但係d人就係唔想入去.
有個同學申請公屋, 第一次捭天水圍佢佢唔要, 第二次捭天水圍佢佢又唔要, 第三次佢搵埋區議員去撐佢, 先捭佢入住大埔廣福.
由此可知而家d人對入住天水圍有幾大抗拒. 無他的, 地方遠, 工作幾會少, 交通費貴. 有選擇能力的都唔想入去.
兩害取其輕, 是搞政治的必要智慧. 不過其他持分者就唔會同你咁樣的想法.

kingkong_hk

人人都想住市區, 地鐵上蓋, 螺中換刀話要炭懶汽, 要太60" free d電士gay, 有咩辦法唔自c

Topvision..

就未睇片, 但都想插吓(正苦)

大家諗諗啦.... 又係要體諒吓一小部份人有奇怪諗法啦....   

當佢地用咗十年二十年精力, 供緊間私樓, 以為升咗格係中產人士.  作為中產住緊一個幾佰萬單位旁, 有成班窮鬼係你旁邊好似易貼膠布呀..... 要辛苦幾十年, 就係想離開個'窮'字............辛苦之中, 你又無條件送諗多個窮字比佢.  欠銀行錢都叫窮鬼啦, 正苦加腳, 送多個'死'字比佢, 即係'死窮鬼啦.佢吊你啦....  

點解富豪有富豪區 ?  點解住半山可以有身份?  佢都依足玩法, 寫曬欠單比銀行, 欠足幾佰萬都叫窮啦.... 你再送個窮樣比佢.....  唔吊吊聲咩....

好多其他國定, 都係有富貴區, 中產區同窮鬼區.  富貴人咪住富貴區囉, 中產人咪住中產區囉, 窮鬼咪住窮鬼區囉.  唯獨香港至怪

你, 係要比豪宅價錢而住間縮水白鴿屋 好啦, 以為向銀行佰幾佰萬升呢啦, 阿公就話要將果區畫倏窮鬼區...  你吊唔吊.....

klriaas

Bippwin 發表於 2012-10-29 12:31
終於搵到樓價暴升元兇．
原來係因為啲垃圾議員阻住哂起公屋．
搞到無端端多咗十九萬個家庭住劏房，

同意! 垃圾即是垃圾,唔通要攪到人人訓街咩!!!

Bippwin

Topvision.. 發表於 2012-10-29 13:41
就未睇片, 但都想插吓(正苦)

大家諗諗啦.... 又係要體諒吓一小部份人有奇怪諗法啦....   

最得意就係呢一句．
唔通窮人就唔可以住海景咩．

呢個政府就真係俾啲豪宅區起公屋．
老老實實，我就認為，係香港，窮人係冇資格住海景嘅．
一個海景嘅資源，可以起兩個冇海景嘅公屋．

唔通我話，唔通窮人冇資格食飽魚咩？
政府就要派飽魚窮人食飽魚？
唔通我話，唔通窮人冇資格食酒店囡？
政府就要俾錢我食酒店囡？
真係不知所謂．

補充內容 (2012-10-29 14:07):
我講嗰啲飽魚，係指啲一頭飽．
唔好俾啲窮人食嘅五頭飽我食算數．

Bippwin

其實，即時將嗰批公屋地，轉哂做豪宅地咁賣出去．
然後，起多個天水圍公屋區．將賣地收番嚟嘅錢，要嚟發展同補貼嗰個新天水圍嘅交通．
咁咪增加咗大量住屋供應囉．

到時豪宅有豪炒．
香港市民通通住靚公屋．
各有各玩，咪幾好．

Bippwin

野狐狸 發表於 2012-10-29 13:27
有d難度呀.
我有個friend父母住天水圍, 佢兩公婆同個女住大埔
佢話我知天水圍大把公屋, 又大又新. 輪侯你 ...

佢唔肯咪慢慢排囉．冇人會迫佢入去住．
佢唔住咪俾啲低分啲嘅入去住先囉．
十九萬個家庭排緊隊，我就唔信搵唔到幾萬個入去住．
真係搵唔夠嘅話，就搞免租期．
我就唔信十年免租期，都搵唔到人搬去天水圍住．

其實，天水圍公屋，而家都好似住滿啦．

Topvision..

回復 Bippwin #14 的帖子

以前, 英國佬就係咁玩法嫁啦...... 分區

你窮, 要我比地方你? 入官塘囉.....  當初馬路都無條, 你窮就要搬入去嫁啦.......  唔通係旺角比地方你住咩....  

咩話, 官塘唔好要港島? 入柴灣囉, 唔通比灣仔你住..... 半山好唔好.....

今日, 真係九反咁亂......   

Bippwin

Topvision.. 發表於 2012-10-29 14:19
回復 Bippwin #14 的帖子

以前, 英國佬就係咁玩法嫁啦...... 分區

其實，開天殺價，落地還錢啫．
要豪區？冇，天水圍區即有，要唔要？
唔要！死都要豪宅區．
好，排隊，預計順利嘅話排十年．
（冇講，唔順利嘅話排到死都冇．）

Topvision..

Bippwin 發表於 2012-10-29 14:29
其實，開天殺價，落地還錢啫．
要豪區？冇，天水圍區即有，要唔要？
唔要！死都要豪宅區．

應該啦......  唔通你要豪宅, 又真係比間豪宅你咩.....

野狐狸

Bippwin 發表於 2012-10-29 14:29
其實，開天殺價，落地還錢啫．
要豪區？冇，天水圍區即有，要唔要？
唔要！死都要豪宅區．

如果規則係咁就咁唔會有情講, 咁件事當然好辦. 學你話齋, 天水圍, 要就要, 唔要就罷.
但係D人成日搵埋D議員, D咩咩關注團體搞搞震. 政府高層又唔撐前線人員依法辦事. 就種到D人左揀右揀.
我就唔信一定要佢入天水圍住佢地會死. 不過根本冇可能講到咁白迫倒佢地入去

Bippwin

回復 野狐狸 #19 的帖子

都話唔好迫佢哋咯。
唔鐘意天水圍唔緊要，咪揀處佢鐘意嘅囉。
不過可能暫時未有位，要排隊，一排到就俾佢。
順利嘅話，排十年八年都應該排到。不過。。。
如果啲市民都係好似佢咁麻煩，呢到唔俾起，嗰到唔俾起，
咁就唔知要排幾耐。可能要一百幾十年。

唔好話旺區，依家天水圍區都要排隊，不過，條隊短好多。