玩盡文化農莊狩獵釣魚　動靜皆宜

Rogar · 發表於 2012-10-5 14:20:43

玩盡文化農莊狩獵釣魚　動靜皆宜
一大班朋友趁住假日搞秋遊活動，男士們想刺激，女士們想悠閒，動態和靜態活動看似水火不容，其實來到天水圍屏山文化農莊便可兩者兼得！想激玩嘅朋友可試吓「模擬狩獵射箭」和「繩索飛越」；想Relax的話則可參加下星期正式展開嘅「生態導賞團」，又可走入全城最易釣嘅「寶石魚場」一展身手，連唔識釣魚嘅Model都輕鬆釣到條寶石鱸！

雖然時間短，但半空滑行勁好Feel。

繩索爬樹好花體力，需要教練從旁指導。

動：繩索飛越滑行
有冇羨慕過朋友去熱帶雨林，在樹頂之間以飛索穿梭？原來農莊內都有得玩，起「飛」地點約為3層樓高嘅樹上，做好安全工夫後便可以「自由落體」式向下滑；不過滑行距離都幾短，2、3秒就玩完。想向高難度挑戰的話，可嘗試繩索爬樹，靠一條繩索用腳、腰、手嘅力量「爬上」離地30呎嘅樹上。不過呢兩個繩索活動始終有啲危險性，必須有教練同專業人士從旁指導，所以要40人以上報名才會開放。

Rogar · 發表於 2012-10-5 14:23:41

獵物都係以橡膠製造，唔怕傷害到小動物。

練習場用上鋁板做靶，擊中時「登登」聲，幾有滿足感。

連氣動雷明登霰彈槍都有得玩，都幾落本。
收費：$80（繩索飛越1次）、

Rogar · 發表於 2012-10-5 14:25:38

用魚水種植通菜，收成速度更快。

用麵包餵魚時勁多魚撲過來，嚇到Model花容失色。
$100（繩索爬樹1次）

Rogar · 發表於 2012-10-5 14:27:20

唔係做媒，釣魚新手Model都可釣到咁大條寶石驢。

文化農莊中央有個草坪，大人小朋友玩吓團體活動都得。
動：射擊鬥快鬥準
與一般War Game場不同，這裏提供嘅係AGTS玩法，講求速度、技術和準繩度，而且所供應嘅槍都有幾多款式，由入門級電動槍到氣動手槍、氣動雷明登霰彈槍和氣動流彈炮都有。內裏備有一個實景場，要一邊移動一邊擊中目標，計算玩家的準繩度同時間，而且每個月都會轉換場景布置呢！
收費：$80（電動MP5長槍40發）、$100（氣動手槍20發）、$125（氣動雷明登霰彈槍10發）
靜：有機種植生態導賞
想玩靜態活動的話，場內有機農莊可說是迷你版農場，入口附近備有一個大型魚池，入面養咗唔少寶石鱸，負責人Gary話，寶石鱸嘅Omega 3比「拖羅」多2倍，口感好又有營養！養魚嘅飼料會用上麵包同廚餘，參觀者更可用麵包即場餵魚，隨時有大批寶石鱸撲過來搶食！而養魚嘅水過濾後便可用來種菜，魚池旁便設有一個水池，上面設置浮架種植通菜，另一方面又可引水種植士多啤梨。小記即場所見，通菜已可收成即摘即食，士多啤梨就要遲啲先有。附近還有一片大型耕地，標示住娃娃菜、翠玉瓜、紫背菜、紅菜頭嘅土壤開始有嫩葉長出；主要係用蚯蚓所產生的腐蝕質形成有機肥料，令蔬菜更肥大茁壯，10月13日舉行嘅綠色保育活動便有機會見到收成。
收費：$30/位（30分鐘導賞，40人成團）
靜：大魚3秒即上釣
小記等唔切收成，Gary便推介不遠處嘅「寶石魚場」釣魚，講到明場內有近5萬條魚，保證易釣！以半信半疑的心態同Model一齊試釣，只見經Gary提點揸竿技巧後，拋下魚餌不到3秒，已有條肥大嘅寶石鱸上釣，勁有滿足感。當然，魚獲係按秤計錢！除咗呢個寶石鱸魚塘，隔籬仲有個混合型淡水魚魚場，鯇魚、大魚等都有得釣添！
Package價更抵玩
逐樣逐樣活動計，玩落好似幾貴，不過每逢假日便有Package套餐，好似「樂翻天套裝」便包括自選4項活動兼迷你燒烤餐1份，每位收費只是$220。但部分活動需事前預約，最好先打電話問清楚。據負責人Gary講，嚟緊仲會搞萬聖節Party活動，「哈囉喂」南瓜配套已經準備好晒，日期同收費稍後公布。
屏山文化農莊
地　　址：元朗天水圍天慈路馮家圍30號
交通方法：從天水圍鐵路站乘搭的士（約$25）；或從天水圍鐵路站步行約15分鐘
查詢電話：3487 9795
網　　址：http://yl.hk/pscf/