老餅創作文章 - 41. 砌圖

oldcake

常認為砌圖尤如人生，所以老餅年輕時也常以砌圖為樂，以至家裡及以往辦公室的四壁全掛著我的完成品。
完成一幅幾千塊的砌圖可說並不簡單！從尋邊(圖的外圍)、分顏色、計劃、嘗試、再計劃、再嘗試......但更重要的是：
1. 不讓自己有推卸責任的借口 ： 圖是死物，也知道一定能砌成。如砌時不得要領，毫無寸進，只代表自己能力差或策劃不足，與人無尤。
2. 找出部份與全圖的關係 ：不單在砌圖, 能解構局部與全局的關係, 我相信這是「解決問題」時最重要的部份！我們的人生也由局部所組成，只要能找出局部與局部之間的關係，再善加利用，才有機會砌出更美好的人生！
3. 靜心及反覆思考 ： 輕心及不專心的人，是永遠砌不了圖的！

各位還不快來砌圖，來砌出「人生理想」的籃圖！......如閣下足妙齡美女, 更不妨找老餅幫手砌砌呢!

註：
- 我在砌圖時，也有一習慣：常問自己為什麼要先砌這邊？為什麼要這樣區分顏色？為什麼....結局一圖完成下來，也不知問了自己多少次為什麼。這也是我自我溝通的一個法門。
- 我砌圖時多是自己一個人砌，別人根本幫不了忙。但有些女孩子硬要來一起砌，結局當然是砌不了兩三塊便沒心機，最後還是一起「砌一砌」....hehe


除了主圖外, 以往在家裡我會定期換上不同系列的砌圖, 現在大部份的砌圖只放在雜物房中!
我沒有為我的砌圖認真地影過一輯相, 年多前因搬家才匆忙照了幾張, 給大家介紹一吓:

1. 8,000pcs 教堂頂畫 - 放於飯廳中心的主圖 (西班牙砌圖, 購於歐洲, 曾在香港的賣砌圖店見到有售)


2. 4,000pcs 1,375年世界地圖 - 放於客廳中心的主圖 (西班牙出的砌圖, 購於歐洲, 香港可訂講)




3. 1,000pcs 18世紀世界地圖 - 放於飯廳旁, 全圖以金色為主 (日本砌圖, 購於加拿大, 香港未見有售及訂購)




4. 500pcs 18世紀世界地圖 - 放於玄關 (日本砌圖, 購於香港)


5. 1,000pcs 畫 - 放於書房 (好似購於歐洲, 香港未見有售及訂講)


6. 750pcs 中國畫 - 放於走廊 (購於台彎故宮博物館)


7. 500pcs 中國古董 - 放於走廊 (購於台彎故宮博物館)


8. 1,000pcs 宇宙戰艦大和號 - 放於老餅仔房. 我最喜歡的卡通片, 少餅未必睇過! (日本砌圖, 購於香港)

kaka1228

砌圖好需要耐性，我自問做唔到啦.....

lomei

oldcake 發表於 2012-10-5 14:01
常認為砌圖尤如人生，所以老餅年輕時也常以砌圖為樂，以至家裡及以往辦公室的四壁全掛著我的完成品。
完成 ...

老餅間屋好大呀............

kingkong_hk

回復 oldcake #1 的帖子

我砌毛形多, 舊時會噴埋7, 而家盒都唔願開

dollarmen

回復 oldcake #1 的帖子

同亞女細細果都有一起砌圖，遇常都係砌卡通人物較多，同好少用木架錶起，一般都放咗係床底........
兩父女一起合作砌，增加溝通減少代溝，有唔錯收獲架...........

assusys

真係要好有心思至砌到

鸚鵡王子

oldcake 發表於 2012-10-5 14:01
常認為砌圖尤如人生，所以老餅年輕時也常以砌圖為樂，以至家裡及以往辦公室的四壁全掛著我的完成品。
完成 ...

切完呢幅1000塊之後，就怕怕

TLi

4000，8000塊，點砌呀！服咗您。

oldcake

dollarmen 發表於 2012-10-5 14:15
回復 oldcake #1 的帖子

同亞女細細果都有一起砌圖，遇常都係砌卡通人物較多，同好少用木架錶起，一般都放 ...

砌圖梗係好喇.....同亞女一起砌, 增加溝通減少代溝
....同囡囡一起砌, 增加溝女成功率.........但係我一般砌完唔會走落床底.....通常係訓在床上bor

Narhhy

Nice puzzles!! But I "但有些女孩子硬要來一起砌，結局當然是砌不了兩三塊便沒心機，最後還是一起「砌一砌」....hehe" the best!!

完全自由

oldcake兄, 我真係好佩服你!

我係一個零耐性的人, 基本上見到砌圖都怕怕;

你相中果D高手級嘅砌圖, 我見到都流汗........

Wanbaolung

砌圖自己都有玩, 覺得係一種對耐力的挑戰和樂趣, 除了耐心 (時間), 仲要細心 (分色/對色/對形狀). 我自己習慣先集合, 分類, 再連結. 開始時是最難最慢的, 當續少部份慢慢開始連結起來就會變得越來越容易. 砌圖好似一個心癮咁, 只要一開始, 就不想停, 直至完成為止, 而完成既一刻, 就係最有成功感的時候. 我覺得砌圖最悽慘的事唔係有幾多千塊, 而是在最後將要完成的時刻, 發現唔見左最後一塊 !!      

atomyan

最驚就係砌圖，成日砌到最後唔見一兩塊。。。人都癲
佩服！佩服！

dollarmen

oldcake 發表於 2012-10-5 14:31
砌圖梗係好喇.....同亞女一起砌, 增加溝通減少代溝
....同囡囡一起砌, 增加溝女成功率.........但係我一 ...

同靚女砌圖，講笑咩！春宵一刻值千金，邊有咁多時間呀！梗係速戰速決啦................

oldcake

Wanbaolung 發表於 2012-10-5 14:46
砌圖自己都有玩, 覺得係一種對耐力的挑戰和樂趣, 除了耐心 (時間), 仲要細心 (分色/對色/對形狀). 我自己習 ...

我可以與你分享一吓.
1. 我砌圖從未缺塊.....因為預早知道缺塊的風險, 所以在開盒時已準備十足.
2. 砌大圖與細圖有點不同, 砌大圖是要靠感覺.....有上千塊的顏色看上去差許沒有分別.....先在上次停手的地方看上幾至幾十分鐘, 再從幾千塊中找出一兩塊......那感覺很神奇........大部份時間在思考.
3. 砌圖是一個心癮, 一起步就很難停. 在控制這方面的確用了不少心力......當對圖的變化失了感覺時我必定會停下來.....休息一會, 甚至改天再砌, 否則只會事倍功半!

sportparis

人生如砌圖,為自己砌出好未來

oldcake

dollarmen 發表於 2012-10-5 15:09
同靚女砌圖，講笑咩！春宵一刻值千金，邊有咁多時間呀！梗係速戰速決啦................ ...

老餅臉皮薄, 唔敢咁直接架...........
同囡出街, 去開房.........就話「找個地方座座」, 想回家攪就話「上黎一齊砌砌圖」架jar!!

FunDragon

回復 oldcake #1 的帖子

當前我的頭像就是剛剛砌好的 !!

ln06

真是好羨慕師兄! 我以前都有砌過，不過最多都是2000塊。我以前無錢買正版砌圖，所以買過D老翻砌圖，一日就砌到2000塊，唔知師兄有無砌過呢?

Wanbaolung

回復 oldcake #15 的帖子

其實缺塊我亦只試過一次, 那盒不是我自己的, 是在女朋友屋企一齊砌的, 她自己只砌了一小部份就無心機了, 最後由我幫佢完成, 最後發現某角落缺了一塊, 無可奈何.
最大的圖我只砌到二千的地圖, 因為發覺在未完成的過程中不好保存 (無地方), 亦好花心力. 分色的時候, 我會把類似的先歸納組合, 雖說很少頭緒, 亦必定有跡可尋, 拼圖時我比較注重掌握顏色的變化和轉接.