陳茂波酒後駕駛

gogogogo

陳茂波簽弔唁冊時沒回應酒後駕駛事件
04.10.2012 18:10
被傳媒影到飲酒後駕駛的發展局局長陳茂波，傍晚去到禮頓山黃泥涌社區會堂，簽署弔唁冊，悼念撞船事故中的死者，他並無發言，亦無回應有關酒後駕駛的報道。 陳茂波中午發聲明，指已就事件主動聯絡警方交通部，希望警方就事件進行調查，他會主動全力配合。陳茂波昨晚透過新聞秘書承認曾飲酒後駕駛，但否認醉駕。他說星期二中午和家人在馬會內的食肆午膳時，喝了一點酒，過一段時間後駕車離開，有信心行為符合法例要求，亦沒有被警方拘捕。

以上影片乃youtube提供,與本站無關; 若無法觀看,可查看原網址。

生果報又有獨家.
(1) 陳茂波酒後駕駛, 佢自己都認左;
(2) cut 雙白線
(3) 逆線扒頭

首先講(1), 確實無證據當時陳茂波體內酒精濃度有無超標, 警方係無得告吧, 但印象分被扣.  之後發聲明稱自己有信心無醉駕, 你咁樣講野, 真係好難令人服氣, 印象分再被扣.   
(2) 雙白尾, 唔係有拍片可以翻睇, 都未必咁覺, 有得斟酌;
(3) 雖然法律無話唔俾超車, 但路面情況又唔係慢到十分緊要, 咁樣超車確係唔多好, 印象分又被扣.

呢位高官似乎唔係好識做官之道, 真係麻煩多多, 今次又煩到曾偉雄, 繼續係咁只會更加令人失去對佢的尊重.

ps.
不認同生果報將沉船的悲傷和食飯飲酒拉埋一齊講;
不認同自己搵記者試吹波而作出酒精超標的暗示.

abc1

波叔都好難做落去啦...都唔知佢點解仲要係度死預

leo54321hk

146375 發表於 2012-10-5 01:56
王子犯法與庶民同罪

王子犯法與庶民同罪 X 2

LUCLK

挑～ 你呢D時候私下飲酒我覺得無話突別大錯
但你酒後駕車 又CUT 雙白 真係抵死
無論有無醉 酒後都係打的 好過

ANIL

大家睇清楚啦，呢ｄ就系我地梁生請番黎的香港高官啦，靠佢地香港一定ｐｋ

bbarying

狗仔隊跟狗官，絕配也。

逆線扒頭？！好似狗仔隊佢死跟都係同一動作，有冇去自首呀？

ps.
不認同生果報將沉船的悲傷和食飯飲酒拉埋一齊講;
不認同自己搵記者試吹波而作出酒精超標的暗示.

波叔醉駕係酒精有超標的話,，點解狗仔隊唔即場報警叫佢吹波仔？
甚至即時叫停佢駕車，身為記者唔係有為公眾利益著想的精神嗎？
剩係响度跟尾狗咁跟、
如果因為波叔醉駕發生交通意外，狗仔隊是否很高興有更大新聞比狗跟到呀？

gmen75

peterpan 發表於 2012-10-5 01:51
回復 gogogogo #1 的帖子

2&3項,他已觸犯了香港法例374章,道路使用者條例,內的危險駕駛,告唔告就由警方話 ...

我就話唔告喇。就算告，到頭來咪又係好似Amina甘輕判囉。

我就在這裡

bbarying 發表於 2012-10-5 03:45
狗仔隊跟狗官，絕配也。

逆線扒頭？！好似狗仔隊佢死跟都係同一動作，有冇去自首呀？

呢D就係所謂ge記者專業精神....
記得多年前生果頭版報導有女人意圖跳樓自殺...竟然影到人地蹲下小便...仲大大幅咁登出來..
加埋陳健康事件....呢D就係所謂ge記者專業精神....
有師兄說生果是雙刃刀令人又愛又恨....呢D令你愛佢定恨佢...
點解唔可以淨要沙糖...唔要屎?

B.Ban

回復 gogogogo #1 的帖子

波叔,咁都得！無野講！

gmen75

peterpan 發表於 2012-10-5 08:29
回復 gmen75 #9 的帖子

呢單野，隔左幾日，叫香港警察點查醉駕呀！

唔告醉駕，都可以告雙白線扒頭。

不過喪波高職厚薪，又甘多劏房，告幾多次都無問題。

jc5930

公務員行為破產

Wong-ho

陳局有梁書記撑住無有怕，

車呀文

生果真係搵條team 全天候做佢, 一定要佢人頭落地

op1b

如果有飲開酒, 500ML真唔係一回事, 但明顯飲過酒.  真係有証據超標, 咪告佢囉. .....  好明顯連記者都無信心告到, 先唔去報警, 而事後有心地用位女記者去所為証酒精超標.  飲開酒同唔飲酒人仕對酒精敏感度都唔同, 體質唔同一樣可以好大出入.   

至於咩超車, 一般人都會咁做.  都唔知有咩好講.

Cut雙白線就一定係大錯啦....  可惜片睇唔到, 想插都無証據...

一句, 依類新聞, 睇黎把托咩..... 講洗腦, 睇得多依類新聞, 真係比佢地洗腦啦..... 要禁, 好應第一個禁佢...

補充內容 (2012-10-5 14:01):
我學車, 師傅教落單行虛線係保持安全距離超車係完全合法.  所以一直港人都係咁.  至於咩Cut雙白線之說, 樓主叫人replay 慢慢睇, 可惜睇完都係無.  

補充內容 (2012-10-5 14:03):
真係希望記者大佬同樓主, 了解清楚咩係'過火位', 點為之"cut雙白線"啦...

gogogogo

回復 中出沒注意 #10 的帖子

係我講 '生果報係雙刃刀, 令我又愛又恨'    ching 提的例子無疑係衰野, 抵鬧, 但佢都有令人讚的事件報導.

>>>點解唔可以淨要沙糖...唔要屎?
因為我地唔係老闆唔係總編輯, 話唔到事.

raymond116

公眾人物兼係高官, 實多人留意,
加上狗仔隊, 自已唔醒目, 累街坊.

MANHER

gogogogo 發表於 2012-10-4 23:33
陳茂波簽弔唁冊時沒回應酒後駕駛事件
04.10.2012 18:10
被傳媒影到飲酒後駕駛的發展局局長陳茂波，傍晚去到 ...

乜 E 個位甘克 , 边過 do , 边過死

op1b

阿樓主留言 : 醜惡: 1.0 好假: 4.0
"超車一般人都咁做" 唔代表合法,. cut 雙白線, 可以再 replay 慢慢睇.  發表於 2 分鐘前

係單行虛線超車, 唔代表合法 ?  唔知其他人都以為單行虛線超車, 係犯法呢 ?  我只係知係保持安全距離於單虛線超車係完全合法.  我就無氣同佢解啦.... 希望有其他師兄解比佢聽啦....

至於咩" cut 雙白線, 可以再 replay 慢慢睇".  我就未回帖已經小心睇3次, 依家都再睇咗2次, 都係無見有咩cut雙白線.  相反, 就有見佢雙白線內行車過火位....  如果樓主係想將'過火位'同'cut 雙白線'混為一談.  咁我真係想笑.....  又係希望有其他師兄解過佢聽啦..  

醜惡: 1.0 好假: 4.0?  點評邊個先 ?

leung7773

無事㗎有契哥㗎契哥照邊會有事姐,香港市民請放心我會繼續服務香港市民為已任!吹咩哈哈哈哈哈！

rex4

gogogogo 發表於 2012-10-4 23:33
陳茂波簽弔唁冊時沒回應酒後駕駛事件
04.10.2012 18:10
被傳媒影到飲酒後駕駛的發展局局長陳茂波，傍晚去到 ...

呢單新聞救咗佢, 佢咁輕浮, 唔係咁樣, 佢可能有更大單野.