文革式批鬥屈穎妍唔反國教被圍攻

Westin

文革式批鬥屈穎妍唔反國教被圍攻

屈穎妍寫咗本《怪獸家長》，直指有啲家長變咗怪獸教仔女走火入魔，引起好大迴響，瞬即登上暢銷書榜，唔少家長當佢係偶像。早排反對國民教育行動搞到嘭嘭聲，佢咁啱去咗日本旅行，對國教亦唔係好抗拒，所以冇喺自己專欄寫文評論表態，點知大批email跟住湧到，部分惡形惡相，用語極之兇狠，似足文革批鬥，好得人驚。

有電郵起佢底細，話佢媽咪係左派工會「老左」，佢又讀過左派學校，其實係共產黨嘅無間道。又有人指佢同老公林超榮幫過振英哥站台，今次唔反對國教，係因為收咗振英哥嘅掩口費，實情係梁營奸細。

其他來電雖然冇咁狠辣「扣帽」，但都極唔客氣，例如指佢冇反對國教，唔似佢風格；半句話都唔講，係咪得咗絕症呀；有人仲話以後罷睇佢嘅專欄，杯葛佢。

屈穎妍受到一輪文革式批鬥，驚都未驚過，但感到非常痛心，心諗點解香港搞成咁o架，竟然連沉默都有罪，於是喺專欄寫咗篇《沉默的自由》，向班友回咗一句：「幾時開始，香港變得連沉默的自由都沒有了！」又慨歎「如今社會奇怪地撕裂，我在報紙爬格子十多年了，忽然有感，今天，是最沒言論自由的時代。」
篇文出街後，估唔到引起好多反應，更估唔到，回應嘅好多同佢有共鳴，向佢表示支持。據屈穎妍講，佢哋有家長、教師、大學教授同學生，多數都話已忍咗好耐，篇文章講咗佢哋嘅心聲，凡事可以有不同觀點，唔反對國教唔等於無恥、冇良心，就係罪過！有個媽咪咁寫：「激烈言論何嘗不是洗腦？我兒子每日都聽，他已經不能理性分析是非，只會滿腹牢騷。」

呢班「沉默多數」其實人數唔少，只不過唔似屈穎妍咁，有自己地盤可以表達，惟有啞忍，例如有一個中學教師，喺facebook寫咗段嘢，話自己唔同意國民教育獨立成科，但教育下一代認識中國好應該，點知畀該校校友及學生留言轟到翻肚，當佢係紅色走狗，由於壓力太大，呢位教師終於取消個facebook account。另外又有大專學生話，自己唔同意罷課反國教，冇參與行動，結果被同學排擠。

反國教愈走愈偏激，教育界內亦開始有反彈，有一位知名親子專家同屈穎妍講，見到部分家長推BB車帶一兩歲細路去示威，覺得好唔妥，咁同洗腦有乜分別，只係利用細路搞行動啫。反國教已開始變質，成為咗政治手段，所以佢已決定唔再參加呢類活動。

屈穎妍當年同反國教家長領袖陳惜姿一齊入《壹週刊》做記者，兩支筆寫到出晒名，但今時今日對反國教嘅態度就好唔同。佢話：「最恐怖係，唔反對都係罪。我寫咗咁多年文，未試過唔寫都畀人鬧！」

講開反國教行動，有政圈中人留意到，學民思潮中秋節晚吹雞班幾百人操去CY山頂大宅「賀節」，搞到人過節都唔安寧，做法已過咗火，就算兩軍對陣，過年過節都應停戰一晚吖；次日班友去衝擊金紫荊廣場，黃之鋒成個小長毛咁，亦令人覺得佢變咗，唔多對路喎！

http://eastweek.my-magazine.me/index.php?aid=22351

大家反政府時係咪都要理性啲呢!!班政棍就話為政治目的啫!!普羅市民係咪要理性一點討論呢!!再咁落去，香港就真係會無晒言論自由(因為面對住呢班泛民紅衛兵，相信都無人敢再出聲)。請唔好盲目地反啦!!

HKOXSEX

絕對同意, 支持保持沉默自由

我就在這裡

HKOXSEX 發表於 2012-10-4 09:19
絕對同意, 支持保持沉默自由

x 1000000000000000000000 !!!!
仲要唔好解讀我的沉默就係.......(我就係唔想講至沉默,,,,干卿底X事!)

文彬.周

中出哥哥話齋;港式文革真系矛講錯,香港就快被班新红豆冰玩撚死

Westin

文彬.周 發表於 2012-10-4 09:35
中出哥哥話齋;港式文革真系矛講錯,香港就快被班新红豆冰玩撚死

所以好希望大家可以理性啲討論事情!!其實唔同意見都可以有求同存異，和而不同嘅胸襟嘛!!

午餐獄

係咁架啦,總之乜交都係政府唔m,自己矛錯嘅

gogogogo

自由乃極端主義的對頭. 如果鍊成極端主義? 大概是絕望和洗腦.

支持思想自由和沉默自由.

Vitokylam

唉, 香港點解會變成咁架?

hihihiaa

因為越叫得大聲，越有市場，可以搵多些利益、著數。
班小朋友最緊要係可以出鏡，享受被捧上天堂的感覺，如果有人讚2句加上係fb 讚好，佢地會仆心仆命咁繼續反、反、反....  (可憐既紅豆兵會唔會20-30年後好似當年既紅衛兵一樣會內疚及後悔被利用？

Westin

hihihiaa 發表於 2012-10-4 11:25
因為越叫得大聲，越有市場，可以搵多些利益、著數。
班小朋友最緊要係可以出鏡，享受被捧上天堂的感覺，如 ...

最無恥都係班政棍利用小孩子打頭陣

車呀文

凡事過了頭就可能變成災禍....此謂物極必反
當初睇班學生係出於熱誠, 不過攪攪吓變咗逢梁必反, 走火入魔了

Topvision..

經常沉默, 只係唔想被5毛利用.... 問心, 香港真係好多傻佬......  示威咪示威囉, 又出大聲公嘈到其他人, 又叫曬口號.....  示威, 都可以好文明嫁....

至於依位咩屈穎妍....  我都想問, 咁多位大哥有無睇開佢大作先 ????  被打壓 ???  我就唔知佢邊位啦....  都唔知有咩好打壓佢.... 靚唔靚女先.....

Westin

Topvision.. 發表於 2012-10-4 12:08
經常沉默, 只係唔想被5毛利用.... 問心, 香港真係好多傻佬......  示威咪示威囉, 又出大聲公嘈到其他人, 又 ...

你唔係毒果fans﹖佢喺毒果報有寫野喎!!

林超榮老婆，人妻一名，靚唔靚就各花入各眼。

hihihiaa

Westin 發表於 2012-10-4 11:28
最無恥都係班政棍利用小孩子打頭陣

改變策略，用完阿婆(最早係牙簽婆婆)，又用過賓賓，今次用學生.............
下次用乜？......小朋友 / 意外苦主 / 非主流性傾向人仕 / 宗教教徒 / 個別職業人仕 / 顧員(打工仔)  / 家庭主婦........？

Westin

hihihiaa 發表於 2012-10-4 12:22
改變策略，用完阿婆(最早係牙簽婆婆)，又用過賓賓，今次用學生.............
下次用乜？......小朋友 /  ...

可能到火星人，為火星人爭取居港權。

Westin

141小記 發表於 2012-10-4 12:37
熱烈推介大家看一看
http://vip.141hongkong.com/thread-1034694-1-1.html醜陋的中國人

睇咗部份，講得幾好，食完飯睇埋餘下。

Narhhy

1000% agree!

gogogogo

回復 Westin #1 的帖子

剛才就文章寫左意見, 宜家諗諗下我想問, 點解樓主起題為"自己人都批鬥"?  因為文章內裡提到"曾經共事同一機構"而視佢地為永遠的自己人? 這點我覺得有商榷的地方, 有點扣帽子.

沙三少

我经常都系沉默ga喇，咪又系比大肥鼠欺负~

Westin

gogogogo 發表於 2012-10-4 14:12
回復 Westin #1 的帖子

剛才就文章寫左意見, 宜家諗諗下我想問, 點解樓主起題為"自己人都批鬥"?  因為文章 ...

講得有道理，改返個標題先。