貪粒糖 輸間廠 為蛇齋餅糉 老人家可能每月攞少1110元生果金

LUCLK

回復 寶臨 #44 的帖子

咁你 唔咁做 唔代表你係岩
好似有人有幾十萬係手 但日日都話自己窮咁
唔通你又比錢佢....因為佢話隨時可能有急用?

既然你手中有錢 選擇唔用既
但卻要另外一個人比錢你用 我想道理不是這樣吧~

咁真係有錢既都可以申請公屋啦....
屌~我得幾十萬 比左首期 買左樓 萬一有日樓市趺到仆街 我咪負資產跳樓都唔掂?
政府唔係我唔用自己錢買樓丫 而係我有所慮~ 咁講又通唔通?

你44樓所講既case
我不是專業 不作出評論 我點評所講既係已證cancer

寶臨

LUCLK 發表於 2012-10-4 22:53
回復 寶臨 #44 的帖子

咁你 唔咁做 唔代表你係岩

生死之事點可以同急用相比？老人家入醫院ge機會的確大好多，你用「有人有幾十萬係手 但日日都話自己窮咁，唔通你又比錢佢....因為佢話隨時可能有急用?」唻比喻，係好涼薄，等你將來老咗，同一處境，你就知你係幾咁不近人情。
要證實係唔係cancer，喺公立醫院都要排一段時間。

Bippwin

寶臨 發表於 2012-10-4 18:55
駛唔駛咁講嘢呀？咒人冇後代，都好涼薄啫，你咪就係陳佐洱車毀人亡ge論調囉。 ...

駛唔駛郁啲就攪分化？
咁香港係有啲老人家係冇兒冇女，但有幾十萬傍身，攞唔到嗰２２００。
我好專重咁俾啲意見佢哋，叫佢哋考慮投票俾泛民。
我亦好專重咁俾啲意見其他人，叫佢哋唔好投票俾泛民。
至於佢哋聽唔聽我支笛，就唔到我話事。
有邊一句咒人冇後代。

泛民嗰班圾垃，成日掛住派錢爭選，都唔顧香港未來，搵鬼投佢哋票。
好心你就唔好學泛民班圾垃，係唔係都亂咁鬧。

LUCLK

回復 寶臨 #46 的帖子

老來無錢用 實拎生果金或綜援 放心
有錢用 必先用自己既錢- -

有幾十萬傍身 仲拎果2200既人 我無說話好講
你覺得應該 我覺得唔應該~

好多老人用寧 汁垃圾都唔拎綜援啦 生果金啦
我都好想知你所講既 手中超過18萬而又申請生果金既長者有多少

不近人情...你派錢 唔係派比窮既人 而係個個65以上都有呢d叫人情? 呢d叫有情有義
請明白成立生果金既用意... ... 其他既問題應該成立其他既津貼

人口老化問題 開始加劇 味去到即時好勁既地步
但你可想像出生率低 年齡增長 對社會既負擔 會開始增加
將資源交比有急遽需要既人 好過比果地仲有18萬既人

你可能話2200 影響有幾大?
你呢樣唔洗入息審查 你會唔會話埋 老人家綜援都唔應該要入息審查
學生津貼 係咪唔應該有入息審查

入息審查  到底係為左d咩?
比真正真係有需要既人享受到個計劃
你可以話入息審查上限應該要高d 但唔應該無lo
如果要高d 你話幾多先岩? 30w 50w 定100w?

補充內容 (2012-10-5 14:21):
與其比錢 果D 仲有錢既老人家
不如 比多D錢果D無錢既老人家好過啦

Bippwin

挑！成日掛住分錢。
不如動議分哂啲儲備去啦。
每人可以分幾萬銀。
之後大家去澳門搏一舖，發逹就返香港買豪宅。
搏唔到再返香港攞綜援住公屋。

Bippwin

明知政府醫療系統唔掂。
唔係諗計搞好佢，而係送啲錢俾老人家去睇私家醫生。
有錢都搞好個醫療系統先啦，到時唔止啲老人家得益，其他大人細路都得益。

好對唔住咁講，送啲錢俾老人家去私家醫院醫 cancer，不如留番啲錢嚟起多啲公屋仲實際。
好話唔好聽，就算我真係七老八十，我都唔會要啲仔女賣咗間屋嚟俾我醫 caner。

生果金？你搞清楚香港點解會有生果金呢樣嘢，點解１１００元生果金都唔夠用先再講啦。
成三十幾蚊日，我一家幾口，一日都食唔到三十幾蚊生果，搞清楚點解仲要加至嚟嘈啦。

寶臨

Bippwin 發表於 2012-10-4 23:53
駛唔駛郁啲就攪分化？
咁香港係有啲老人家係冇兒冇女，但有幾十萬傍身，攞唔到嗰２２００。
我好專重咁俾 ...

係你咒人如果有幾十萬都要攞長者生活津貼，就係毀咗香港ge未來，香港ge下一代就完蛋，駛唔駛講到咁誇張、嚴重，如果政府認為唔夠錢幫咁多個老人家，只能幫最有需要ge，政府咪堅定立場囉，有關錢ge議案，議員係冇權修改ge，需唔需要講到嗰d老人家係香港ge罪人咁，條命要緊，留錢醫病有錯咩？邊個敢保證公立醫院一定會即時醫你，我亦有家人因為要盡快知道腫瘤係唔係cancer，要去私家醫院做檢查，醫病ge嘢刻不容緩，到你老咗ge時候，同一處境，就會知你今日所講嘢ge幾咁涼薄。
老人家投票畀邊個，係佢哋ge事，你駛唔駛咁肉緊？

寶臨

LUCLK 發表於 2012-10-5 00:32
回復 寶臨 #46 的帖子

老來無錢用 實拎生果金或綜援 放心

政府唔夠錢幫咁多個老人家，只能幫最有需要ge，所以要用資產審查唻甄選，冇問題，但係你需唔需要講到嗰d留錢醫病ge老人家，攞長者生活津貼係罪惡，條命要緊，留錢醫病有錯咩？邊個敢保證公立醫院一定會即時醫你，醫病ge嘢刻不容緩。
由頭到尾我都只係講以上ge情況，你就將其他明明有錢ge人，都要攞政府錢，撈埋唻講。
而家將資產限額定為186000元，肯定好多老人家唔會去攞嗰2200元，做咗幾十年嘢，點會有186000元咁少積蓄。

寶臨

Bippwin 發表於 2012-10-5 01:47
挑！成日掛住分錢。
不如動議分哂啲儲備去啦。
每人可以分幾萬銀。

呢d係你以小人之心，度君子之腹，你認為如果公投，香港人會贊成分晒政府d儲備咩？

寶臨

Bippwin 發表於 2012-10-5 02:03
明知政府醫療系統唔掂。
唔係諗計搞好佢，而係送啲錢俾老人家去睇私家醫生。
有錢都搞好個醫療系統先啦，到 ...

等政府搞好個醫療系統，d老人家都過咗身la，你信唔信梁振英所講，公屋三年上到樓吖？政府d大計有幾多會兌現，多數都係得個講字。
我係講緊老人家要留錢救命，唔係睇私家醫生，老人家係唔捨得睇私家醫生ge。

Bippwin

寶臨 發表於 2012-10-5 22:42
呢d係你以小人之心，度君子之腹，你認為如果公投，香港人會贊成分晒政府d儲備咩？ ...

你唔係話你。不過。。。
你唔好話俾我聽，泛民班友係君子。

Bippwin

寶臨 發表於 2012-10-5 22:37
政府唔夠錢幫咁多個老人家，只能幫最有需要ge，所以要用資產審查唻甄選，冇問題，但係你需唔需要講到嗰d ...

我冇講過留錢醫病係罪惡。係你自己諗多咗。
我認為有錢攞唔去攞至係罪惡。仲有。。。
建議將公家嘅錢亂咁派嘅人係罪大惡極。
至於資產限額，我都同意１８萬太少，就算係一二百萬我都冇意見。但係。。。
唔好攪到幾億身家都有資格攞至得架。

寶臨

Bippwin 發表於 2012-10-5 23:19
你唔係話你。不過。。。
你唔好話俾我聽，泛民班友係君子。

你係話大部分香港人想分錢呀，泛民只佔少數席位，邊有本事通過分錢建議，所以只有公投先有可能分到錢。

Bippwin

寶臨 發表於 2012-10-5 22:10
係你咒人如果有幾十萬都要攞長者生活津貼，就係毀咗香港ge未來，香港ge下一代就完蛋，駛唔駛講到咁誇張、 ...

有錢攞唔攞至係罪惡，去攞錢班老人家完全無問題。有問題嘅係。。。
嗰班動議將啲錢亂咁派嘅泛民議員。
老人家投票俾邊個，唔關我事亦唔關你事，你咁肉緊做乜？
我提議吓啫，你駛唔駛咁大反應？
呢個帖頂樓就講投票，話老人家投錯票，我咪建議吓老人家點投票至乎合自己同下一代嘅利益囉。
咁回帖好正常啫，有乜問題？
你咁大反應，唔通你係。。。？

補充內容 (2012-10-5 23:46):
頂。原來係樓主你自己係一樓話啲老人家投錯票。
你俾意見就得，我俾意見就唔得？
學你話齋？人哋有冇投錯票，關你丫事咩，開乜鬼帖？

寶臨

Bippwin 發表於 2012-10-5 23:24
你冇講過留錢醫病係罪惡。係你自己諗多咗。
我認為有錢攞唔去攞至係罪惡。仲有。。。
建議將公家嘅錢亂咁 ...

你唔係講過「送啲錢俾老人家去私家醫院醫 cancer，」咩？即係話老人家留錢醫病而去攞2200元係唔啱la。

Bippwin

寶臨 發表於 2012-10-5 23:27
你係話大部分香港人想分錢呀，泛民只佔少數席位，邊有本事通過分錢建議，所以只有公投先有可能分到錢。 ...

你識唔識中文架？
我有邊句講過大部份香港市民掛住分錢？
我淨係罵掛住分錢嗰班政棍，係你自己對號入座。
我主要係罵泛民班政棍，係佢哋亂咁用對政府決策嘅影響力。
好在佢哋依家唔係佔多數，係嘅話香港就齊齊仆街。
好在大多數香港人都係明智嘅，唔選泛民班政棍。
希望泛民攞到嘅議席越嚟越少，最後從香港消失，香港唔需要啲咁嘅圾垃政棍。

LUCLK

回復 寶臨 #53 的帖子

咁你識講  所以要用資產審查唻甄選，冇問題
SO 你又唔支持審查？ 拎住二十W ＋ 都係無錢或窮人？
咁要幾多？ 幾多先足夠？
有人拎住20幾萬 每個月可以拎多 2200 津貼
而有D老人家 得幾千資產 都係拎2200
你問下佢地公唔公平

攞長者生活津貼係罪惡， ＜﹣﹣﹣有咁講？
邊個敢保證公立醫院一定會即時醫你，醫病ge嘢刻不容緩。 ＜﹣﹣﹣ 你要額外 保障就要自己額外付出
無乃由 要其他人幫你買單～
邊個敢保證公立醫院一定會即時醫你，醫病ge嘢刻不容緩。＜﹣﹣﹣你有錢 但黎預留 所以先拎政府錢黎用
唔係你所講既CASE？
而家將資產限額定為186000元，肯定好多老人家唔會去攞嗰2200元＜﹣﹣﹣你查過？ 係唔會去拎定無資格？
無資格既 用剩18W 就有嫁啦
點會有186000元咁少積蓄。＜﹣﹣﹣你想講點會無？  既然有何苦拎 寧願加津貼 好過個個都發

18W不足夠做手術 30W不足夠大手術 60W 不夠醫慢性疾病
個個都好似你講既咁 留錢黎睇私家 而等政府津貼
唔通呢個就係道理？

港府消息指現時建議的有審查特惠生果金，首年經常性開支已高達六十二億元，十年後估計會增至九十六億元。若撤銷資產審查，首年開支將倍增至一百三十六億元，平均每名納稅人須分擔約九千元，十年後更估計會增至約二百億元，對港府構成沉重的財政負擔，不符合幫助最有需要人士的原則。張建宗昨接受傳媒查詢時指，現方案經深思熟慮，已無優化空間。

既然有人係 已經無咩錢用 不如加倍津貼佢地 好過津貼手頭上仲有錢既人

happychrischan

保皇朋友真的十分無恥!

Bippwin

寶臨 發表於 2012-10-5 23:34
你唔係講過「送啲錢俾老人家去私家醫院醫 cancer，」咩？即係話老人家留錢醫病而去攞2200元係唔啱la。 ...

唉，又要教中文。你係咪之前俾人封咗戶口嘅分身嚟架？
＞＞有人送錢俾老人家去私家醫院醫 cancer。
呢句說話冇人唔啱。就算有人唔啱，都唔係嗰啲老人家。
有人送錢俾你駛都唔駛，先至係唔啱。
如果，送錢嗰個人係送自己啲錢，咁我都想分埋一份，又點會話佢唔啱啫！
不過，如果送錢嗰個人唔係送自己啲錢，而係慷他人之慨，送我地大家嘅錢，
我就會罵丫佢。