西貢天文公園近20倍賞月光

Rogar

西貢天文公園近20倍賞月光
過兩日就到農曆八月十五中秋節，年年都係玩燈籠、食月餅冇咩新意。如果今年想搞搞新意思，但仲未諗到去邊度賞月，不如一家大細到西貢創興水上活動中心旁邊的天文公園，入面有齊觀星賞月用嘅望遠鏡，仲有地方畀各位攤喺度曬月光，寓教育於娛樂。最重要係公園遠離市區光污染，月光自然又大又明亮。
斜背觀星椅 躺下曬月光
天文公園於2010年開幕，入面有乜嘢玩？今次一於請可觀自然教育中心暨天文館（HKNEAC）的天文統籌Kenneith，講解公園內的必玩設施。他表示：「天文公園主要分為3區，分別係肉眼觀測區、望遠鏡觀測區，同埋天文研習區。前者備有3排斜背觀星椅，每排椅都極為寬敞，可讓一家大細齊齊躺下，好Relax咁賞月傾偈。但由於農曆八月十五的月亮會好光，所以未必如平日睇到咁多星星。」觀星椅有兩種設計，一種係類似羅馬鬥獸場的環形設計，較為好氣氛；而另一種則向外彎曲，可以坐得舒適啲。

20×80雙筒望遠鏡能夠放到20倍咁大，睇月光一流。
雙筒望遠鏡 放大月球表面
難得月亮又大又圓，當然想睇得仔細一點，Kenneith話有計：「天文公園的望遠鏡觀測區，擺了4支雙筒望遠鏡，佢哋有20倍放大同80mm口徑，所以俗稱20×80雙筒望遠鏡；遊人毋須帶任何裝備，都可清楚睇到個月亮，去到入面必試！如果自備了望遠鏡或者相機，入面都有10支望遠鏡柱墩及2支追星儀，大可充當腳架使用。」值得留意，為免遊人利用雙筒望遠鏡觀看太陽而弄傷眼睛，雙筒望遠鏡只會於晚上7時30分至翌晨5時30分運作，其他時間無法使用。


觀星專用座椅空間寬敞，一家大細齊齊賞月都唔覺逼。

望遠鏡觀測區豎立了4支雙筒望遠鏡、10支望遠鏡柱墩及2支追星儀。

天文研習區設有一個小型天象廳及多種明代測量天象工具的複製品。

小型天象廳 賞月兼觀星
至於天文研習區的設施，並唔係觀測工具，內裏擺放明代天文儀器的複製品，以及現代化的小型天象廳。Kenneith笑言：「頭先提過，農曆八月十五的月亮由於光線太強，觀星會有難度。而小型天象廳內便有星空投影，讓各位睇到月光之餘，同時睇埋星星。如果各位專程想睇星的話，應該揀新月（農曆初一）或殘月（農曆廿五前後）的日子。」他補充：「雖然每件天文儀器都有說明用途和使用方法，但普通人單睇文字好難知道點樣用，有些工具如渾儀就最好有導賞員講解，很多人都唔知四條龍圍繞中間的是六合儀呢！」

如日間去到天文公園的話，只要雙腳站在「人體日晷」月份，利用太陽照射影子，便可知道當時大概幾點鐘。

小型天象廳內有投影機，按下中間的開關，即可投射星空影像到天幕。

渾儀的外形別樹一格，由四條龍圍繞中間的六合儀，唔少人會拍攝留念。

每項明代天文儀器的複製品會有指示牌，內裏圖文並茂提供說明。

交通小貼士
由於北潭涌管制站限制車輛行駛，入閘需要得到漁護署簽發的許可證才能進入，而申請單位須為學校或非牟利團體，所以不建議各位自行駕車前往。想去天文公園的話，最直接的方法是由西貢市中心乘坐新界的士到達，車費大概$90左右。另外，公園24小時開放，免費入場。
Google Moon 瞬間看月球
以為用望遠鏡賞月就睇得清楚？咁就大錯特錯，最近Google推出Google Moon服務，讓各位可探索月球表面。用家只要於網上下載《Google地球》，即可透過Google Moon展開賞月之旅，內裏更會標記所有在月球上發生過的人類活動。
網址：http://www.google.com/intl/zh-TW/earth/download/ge/
其他賞月熱點：水口少光污染
大嶼山南部的水口，由於那裏光污染較少，所以係唔錯的賞月地點。不過水口的位置偏遠，由東涌乘坐新大嶼山巴士11或23號於水口村下車，下車後仍需要步行一段路程。
赤柱海邊漫步
如果鍾意熱鬧的話，赤柱可說是賞月勝地，地方空曠之餘交通亦較便利。面向港島東的赤柱正灘較為接近市區，亦可沿海邊步行至美利樓，在特色建築旁賞月，別具風味。

祖C

又是一個好地方呢

fb3cb2

同條女去賞月

ivanho1999

nice place to go with your gal friend

BOR

靚妹仔順便放太來看 !

Liukl

回復 Rogar #1 的帖子

so good place for see moon thanks

小飛俠~23

Rogar 發表於 2012-9-28 17:27
西貢天文公園近20倍賞月光
過兩日就到農曆八月十五中秋節，年年都係玩燈籠、食月餅冇咩新意。如果今年想搞 ...

一定好多人去睇！！

車呀文

大時大節肯定咩地方都迫餐死

tomchan.usa

赏靚女好Ｄ

henry1328

Astro Park  西貢天文公園

以上影片乃youtube提供,與本站無關; 若無法觀看,可查看原網址。

星軌

以上影片乃youtube提供,與本站無關; 若無法觀看,可查看原網址。

The Astropark is a theme park with stargazing facilities located within Chong Hing Water Sports Centre, West Sea Cofferdam, High Island Reservoir with an area of about 1,200 square metres. Equipped with typical Chinese and western astronomical instruments from the ancient times to the modern period, the Astropark provides a convenient stargazing park with recreational, educational and astronomical facilities for the benefit, use and enjoyment of the public and amateur star lovers. The Astropark was opened on 30 January 2010.
天 文 公 園 位 於 西 貢 萬 宜 水 庫 西 霸 創 興 水 上 活 動 中 心 ， 面 積 約 為 1,200 平 方 米 ， 是 一 個 具 備 觀 星 設 施 的 主 題 公 園 ， 集 古 今 中 外 具 代 表 性 的 天 文 儀 器 及 設 備 ， 供 大 眾 市 民 以 至 業 餘 天 文 愛 好 者 享 受 觀 星 之 樂 。 天 文 公 園 於 2010 年 1 月 30 日 開 幕 。

Joney

賞月兼看美女 讚啊

ln06

同這個靚女去賞月，真是人月兩團圓!

dingdum

Rogar 發表於 2012-9-28 17:27
西貢天文公園近20倍賞月光
過兩日就到農曆八月十五中秋節，年年都係玩燈籠、食月餅冇咩新意。如果今年想搞 ...

嘻嘻, 好地方喎, 既可賞月, 又可在四野無人的情況下卿卿我我.  夠寫意.

rooneyhk123

多謝提供賞月好地方。

天機

不錯...值得去

tboy2046

Rogar 發表於 2012-9-28 17:27
西貢天文公園近20倍賞月光
過兩日就到農曆八月十五中秋節，年年都係玩燈籠、食月餅冇咩新意。如果今年想搞 ...

咁好地方,賞模特的靚月好D

chhoalex

好地方喎, 可賞月, 唔知可唔可以燒烤!

倫有

她的腳趾很漂亮

shotgun

電視都介绍過揾日去下先

schodico

great learning experience