港甲消息

yamamoto

man36951 發表於 2013-6-2 00:08
回應 yamamoto #1748 的帖子

黃鎮宇幾多歲呢, 我印象一定過35了

佢的確唔細了有成35歲
但我覺得佢仲有能力踢港甲

yamamoto

man36951 發表於 2013-6-2 00:10
南華斟掂張春輝 放葉鴻輝圓中超夢

葉鴻輝轉投中超幾成定局。經過半季的拉鋸，南華在覓得替補後，終於接受 ...

之前張春輝話唔肯上山
依家佢肯上山
總算可以比英雄輝上中超踢
神貓今季現好好
冇佢晨曦應該提早降左班了
南華選擇好正確

thor_hfu

回應 yamamoto #1746 的帖子

晨曦下季亞協都唔洗踢
都應該係用業餘心態去踢
平時同明星足球隊踢下衛生波
tvb 有波播時就拉大隊上去做下嘉賓撐場，兼免費睇波

其實睇見羅傑承又話如果無冠軍就唔搞，都好擔心
無咗佢，南華仲搵唔搵到咁多大公司贊助？班球員仲有Armani 西裝著？
南華會可能又變返降班當年咁，搞乜嘢青春班
港職仲能唔能夠如期上馬？

唉，點解香港d 富豪對足球咁唔關心？
一年二千萬都已經係巨型班
興趣呢d 嘢唔一定要賺錢
玩跑車、玩女人、買下遊艇咁都一樣無錢賺，分分鐘用錢仲多過搞波
就係偏偏無富豪有興趣玩足球

yamamoto

man36951 發表於 2013-6-2 00:19
回應 yamamoto #1750 的帖子

FC橫濱好期望佢的日暖是甚麼料子.

如果搵到高原直泰黎港甲就好了

thor_hfu

回應 yamamoto #1766 的帖子

其實香港都有唔少好龍門
英雄輝之外，神貓都係身手敏捷，表現穩定，偶然仲會有超水準表現，加上又效力過南華，適應唔係問題
謝德謙、郭劍橋都打得唔錯，如果再後生喲嘅我就睇好曾文輝、邱于銘

yamamoto

thor_hfu 發表於 2013-6-2 01:47
回應 yamamoto #1746 的帖子

晨曦下季亞協都唔洗踢

香港真係太少羅傑承了
如果呢幾年冇佢係度
唔好話南華應該話整個港甲
肯定又會係好似之前咁死氣沉沉
我成日都同身邊唯一睇本地波既朋友講
點解香港咁多有錢佬得咁少人肯出黎搞波
但有時諗真下又唔搞得晒班有錢佬
根本香港人就睇唔起本地波
好似我身邊既同事同朋友
只有一個朋友肯陪我去睇香港波
所以都好難怪冇有錢人肯搞本地波

yamamoto

thor_hfu 發表於 2013-6-2 02:05
回應 yamamoto #1766 的帖子

其實香港都有唔少好龍門

我都唔明郭劍橋點解會冇正選
反而王振鵬成日牛油手都仲有正選
佢除左身材高大外其他都好一般

thor_hfu

回應 yamamoto #1770 的帖子

羅傑承、伍健係香港球壇嘅救星
佢哋真係有錢出錢、有力出力
無佢哋，今日港甲可能仲係60 蚊雙料娛樂，7-80人入場
連新聞都只係報賽果無片睇
09 年之前都無人陪我入場睇本地波，都係因為當年我由亞協分組賽開始就叫d 同事去捧南華場，佢哋同我由幾百人旺角場分組賽，睇到四千人大球場十六強，之後過萬人見證卡里祖入波贏八強，到三萬七人睇四強，經歷過呢段咁熱血嘅亞協之路，佢哋之後先由只睇英超，到開始留意本地波，一季都仲會入場睇三至四場波

希望傑志嚟緊亞協八強順順利利，打出好成績，再坐爆大球場
仲有下屆有南華、傑志代表香港打亞協，都應該會加強實力，本地波水準有望提高

thor_hfu

yamamoto 發表於 2013-6-2 02:27
我都唔明郭劍橋點解會冇正選
反而王振鵬成日牛油手都仲有正選
佢除左身材高大外其他都好一般 ...

咪係囉，王振鵬牛油手之外，落地都比較慢
不過我最唔鐘意佢都係佢成日嘆慢板，同埋十次落地有七次都唔知點解會受傷要治理
贏緊拖慢少少都正常....佢未贏都係咁真係睇到好燥
港甲節奏已經唔似英超咁快，佢仲慢慢嚟，好趕客

btw, 師兄通常睇邊幾隊？唔介意嘅可以一齊入場睇波

man36951

南區是最快接近完成組軍的甲組球會，對於球隊是非常有利的，尤其是以一支區隊來說，可以接近保留所有球員，是非常不容易的，除了「錢」外，當然還有「熱情」。南區亦很快找到替代中堅科夫的西班牙中堅域陀(Hector)，並在前線簽入雅高增強實力。正所謂，成功的格言：「未雨綢繆，總好過臨渴先至掘井。」　

然而；南區負責人陳文俊表示：「個別位置需要調整，再多2-3名新兵，便可大功告成。但由於資源所限，能組成現有班底，實在絕不容易。個別位置需要調整，再多2-3名新兵，便可大功告成。但由於資源所限，能組成現有班底，實在絕不容易。」

man36951

有番升降制，被踢落乙組嘅大埔突然充滿希望，外號「富善邨施丹」嘅呂志興同一班大埔兄弟就決定同球隊共同進退，一齊落乙組，興仔話雖然有甲組會搵佢，但佢以大埔優先，而且佢以前做兼職嘅舊老闆都話會請番佢，大埔下季一個星期操三課，勤操有戰意，重返甲組指日可待。

man36951

金判坤還說挑選黃威、杜瀚滔進決選名單，是因為兩人與外流印尼ISL佩斯查的林學曦，俱為港足未來希望

man36951

李健和指出：「現時少年球員已進入半職業的訓練要求，對香港足球未來是好事，但晉身預備組或是甲組後備，如不悉心訓練他們，這些青少年最終沒有出頭天。足總的政策需要有遠見和長久，如果政策朝令夕改，搞波方針和訓練計劃都會無所適從。」

man36951

東方還斟介大埔的基頓、李瀚灝

man36951

晨曦梁子駿及白榮澤加盟東方沙龍，另外李恒滙、巴利和張志勇等亦會離隊，統帥之一的周文舜表示新季繼續獲傑志借兵，並計劃羅致多兩名外援，位置為中堅和前鋒。會長周文亮則說：「由於足總升降班制度朝令夕改，很影響我們組軍，希望一切能早些有定奪。」

man36951

轉會消息：劉念溢重返東方
上月底獲流浪足球隊放行的前港足中場劉念溢，新球季將回歸東方。據悉，該隊除了羅致巴西外援基奧雲尼之外，還跟去季效力屯門表現獲好評的比圖、迪高談妥加盟條件，與劉念溢同期在華家堡出道的白榮澤也有望重投舊主，而東方還斟介去季效力大埔的基頓、李瀚灝。

man36951

港隊集宿喇！

香港足球代表隊今晨操練後，隨即拉隊到酒店集宿，為周二晚友賽菲律賓展開最後備戰，而主教練金判坤下午讓球員休息，黃昏時間在酒店泳池進行放鬆運動，晚飯後開會及觀看菲律賓近期賽事。

金判坤表示，兩名外流球員梁振邦及陳肇麒有很大機會正選上陣，但不會踢足全場。」港隊明日在旺角大球場進行操練，為賽事作最後備戰。菲律賓已於今晨到港。

man36951

17歲加盟南華，現年23歲。到過熱刺跟操，班主羅傑承當時更有「預感」和夢想到他到荷蘭踢波。他以隊長身份領導U23港隊贏得東亞運足球冠軍，也曾想過放棄足球。如今，他將離開效力6年的南華....


他就是有「神之子」之稱的歐陽耀冲。「歐冲」未來加油，努力達成夢想啦！

man36951

野人續約公民一年

公民老將中鋒迪天奴今午證實，已與公民續約1年，下季繼續協助球隊爭取成績。新季便40歲的迪天奴去季已淪為球隊大後備，但落場總有表現，故獲球會給予一紙合約。此外，標準流浪守衛陳韶遠新季將轉會公民。

man36951

回應 thor_hfu #1772 的帖子

傑志及部份球會係青訓方面在早幾年開始加重力度,
雖然未來的青年球員會更有水準及容易適應港甲的步驟.
另一賣點係, 本地球員開始一路向北.
也大大增加本地球員出路.