港甲消息

man36951

由奧巴馬的演說論到港足

恭喜奧巴馬連任美國總統，他的勝利演說充滿感染力，竟然連我這個番邦人也聽得有點感動。這種魅力爆燈的政治領袖，當真可遇不可求，看看我們的立法會便明白了……

演說中有一句令我印象深刻，大意為：「美國擁有比任何國家多的財富，卻不是我們富有的原因；美國擁有人類史上最犀利的武器，卻不是我們強大的原因；真正令美國與別不同，是我們縱是世上人種最多元化的國家，各人卻可放下成見，包容團結……」
⋯⋯
說來矛盾，這句話，放在基本上只有一個民族的香港，竟發人深省。無論我們的社會以至球圈，既沒別人的萬億財富；也沒別人的大殺傷力武器，若果連包容團結也做不到，我們還剩下甚麼？

香港代表隊在最新一輪集訓中，各會的球員都齊人報到了，慶幸連早前退出了代表隊的李志豪也改變主意，回歸球隊。看來在金判坤重掌教鞭下，港隊團結感覺回來了。除了下周作客馬來西亞的友賽，下月香港主辦的東亞足球錦標賽外圍賽，當然是全年重點。

這次大賽還有澳洲及北韓兩支勁旅參加，球迷除希望這兩仗可踢得「好好睇睇」，當然希望另外兩場對中華台北及關島，唔止好睇，還可旗開得勝。到時除了球場上的球員，最要體現團結精神的，就是一班香港球迷，12月1日對關島，一於逼爆旺角場！

ng9gee

回復 man36951 #264 的帖子

kim sir好有信心咁啵

man36951

回復 ng9gee #266 的帖子

人腳好過上場, 經過三日嚴格訓練, 有得砌的

man36951

浪費公帑梗要問責

足總推行「鳳凰計劃」之初，好強調要改善香港隊嘅世界排名，計劃出籠之前，港隊嘅排名係徘徊喺歷史新低嘅165至168之間，但最近Click入國際足協個網頁一睇，當堂嘩咗一聲，港隊最新嘅排名（11月）竟然跌到超歷史新低嘅172，同上個月比較更喪跌12位，喂，咁樣嘥我哋納稅人啲錢，唔出嚟鞠躬都要交代吓吖！

香港172睇見眼冤
⋯⋯「鳳凰計劃」嘅首部曲，係「全球招聘」CEO同港隊教練，但個前CEO麥國楝上任半年就走投，個港隊教練摩力克就叻啲，教咗十個月至執包袱，不過送走呢兩個「大爺」，足總已經唔見三百幾萬！乜唔關我哋事呀？「鳳凰計劃」筆錢係政府資助o架，係公帑嚟o架，咁嘥法係咪要問吓責呀？

呢幾百萬喺公帑嚟講，梗係濕濕碎啦，但真係使得冤枉吖嘛，麥國楝嗰半年都唔知做過啲乜嘢，摩力克就仲衰，教到港隊嘅世界排名竟然跌到創新低嘅172，最慘係足總搵過新嘅CEO同新港隊主帥又要使多一大筆喎。

喂，你哋入便有乜唔妥、鬼打鬼鬥成點，我哋可以唔理，亦理唔到吖，但浪費公帑嘅話就唔同咯，隨時有人向申訴專員公署投訴，或者組織乜乜關注大聯盟，嗌政俯閂水喉，搞到隻「鳳」飛唔成，棧大家都冇癮咋！

man36951

李海強不回頭

【明報專訊】離開南華後，李海強再成球迷焦點，原因是屯門財困而險被裁員。

「黃金左腳」當年的輝煌一幕幕，旋即湧上心頭：射破利物浦大門被冠以「港版朗拿甸奴」雅號、戴上隊長臂章率南華殺入亞協盃4強、還有一個接一個的獎盃……刻下的「強哥」洗淨鉛華，明天再遇南華，他不想當年，只向前看，迎來一個「新界南華」的夢。
⋯⋯
屯門今季大事擴軍，一下子從護級球隊變成三甲之師，當球迷開始期許這支黑馬之際，卻出現連串班主涉賄選、球隊陷財困的新聞，球隊為求續命不惜大幅裁員，李海強貴為隊長也險些「冇得留低」；危急存亡，強哥建議會方留住主將，爭取佳績吸引新贊助，最終七折支薪共度時艱。

望屯門成「新界南華」
大抵老將見慣風浪，強哥深信球隊打不死，只會更團結，「我的責任是為球隊爭取成績，有成績及宣傳才引起球迷關注」。那麼明天再遇他的成名搖籃南華，昔日的恩怨情仇如何了？強哥強調只會平常心，不會將恩怨和球迷「歡迎」放在心，反而認為新東家應以南華為目標：「大部分本土球員來自新界，所以如果球隊有5至10年長遠計劃，在宣傳、推廣、管理等方面向南華學習，屯門便可成為新界球員的首選，就如香港大部分球員的目標是效力南華一樣。」喜歡向前看的人，不留戀當年。

曾入選中國集訓隊的強哥，2006年南下加盟「少林寺」，一晃眼走過6年多，年屆35歲仍馳騁綠茵場，可謂鳳毛麟角。退役，確在腦海閃過，但最終自覺體力許可，強哥還是繼續穿上球靴，享受默默耕耘的滿足感；只是掛靴之日，便是強哥離開球壇之時，對於教練和管理層工作，他「耍手擰頭」：「我怕誤人子弟，亦不能承受家長向我說『李海強你點教波﹖』馬拉當拿球技超卓但非教練料子，摩連奴不懂踢球卻成頂級教頭，我暫時仍然沒信心。管理層更不適合我，這職位需要懂得處理人際關係，這方面我仍然努力學習。」

怕誤人子弟無意當教練
2007年英超挑戰盃以逾40碼罰球射破利物浦，被外國媒體稱為「港版朗拿甸奴」、助南華連奪4屆港甲冠軍、09年躋身亞協盃4強、兩屆香港足球先生……今季捱過裁員一關，球迷應慶幸明天還看到強哥身影。「今季南華已不需要我，留隊只會阻礙他們年輕化。我不是『十八廿二』，但鬥心依然，不想坐冷板度過球員生涯最後數年。人要向前望，『想當年』沒有意思，喜歡『想當年』的人應去茶樓『吹水』。」黃金左腳為香港球壇畫過一道道的美麗弧線，無疑，已是球迷吹水懷緬的經典。

自嘲悶人
愛留宿舍茗茶
李海強轉投屯門後，住所亦從銅鑼灣搬到屯門的村屋宿舍。他坦言雖已居住逾3個月，因深居簡出對該區認識不深，訓練後多留在家獨自茗茶。

李海強的妻兒常居深圳，他只在比賽後的休假日才北上團聚。「強哥」自嘲是悶人，所以寧願獨自在家茗茶：「我喜歡在家安靜的享受茶香，有時喝不自覺已是夜深。我只在有需要時才到港島或屯門市中心購物，或與隊友郭詠燊到他父親的海鮮店吃海鮮。」

訪問期間，有一對父子球迷見到李海強，即上前要求合照及簽名，可見強哥在區內受歡迎的程度。他卻謂這只是特例，並盛讚香港球迷尊重球員的私人空間，縱認得他亦只會微笑點頭不會騷擾。

大溪地妹妹

man36951 發表於 2012-11-10 09:36
李海強不回頭

【明報專訊】離開南華後，李海強再成球迷焦點，原因是屯門財困而險被裁員。

有大將之風, 共渡難關, 眼光放遠D

man36951

man36951

下月初，大戰在即，各位預定時間睇好波未呀！！

1/12 (六) 14:30 旺角大球場 香港 vs 關島
3/12 (日) 20:30 旺角大球場 香港 vs 澳洲
7/12 (五) 20:30 香港大球場 香港 vs 中華台北
9/12 (日) 14:20 香港大球場 香港 vs 北韓

希望大家能踴躍入場支持港隊創造奇蹟！

man36951

man36951

香港代表隊作客馬來西亞前瞻

十一月十四號(星期三)香港足球代表隊將作客馬來西亞進行友誼賽，兩隊剛於上月在香港交手，結果馬來西亞以三球淨勝，世界排名亦攀上163位。

man36951

港隊經過3個半鐘的機程，1個多鐘的車程，到了酒店快吃簡單晚餐後，再次馬不停蹄進行第一課適應性訓練。現場不停落雨，約30度，有點焗促，希望港隊能盡快適應！

大溪地妹妹

本波早晨星期三, 今晚大家GOOD LUCKY

man36951

回復 大溪地妹妹 #276 的帖子

早早晨        

man36951

換帥第一擊！世界排名跌至172位歷來新低的香港足球隊，今晚8時45分將在馬來西亞的莎亞南國家運動場，改由東亞運足球金牌教練金判坤領軍，作客再鬥世界排名163位的大馬，目標就是全力出擊，務求止血兼止跌。

原先由兩屆澳職最佳教練摩力克領軍的港隊，上月中主場友賽慘敗於馬來西亞腳下，錄得國際賽3連敗劣績後，賽後不久便憤然辭職，港隊輸波後世界排名再跌12位，至歷來最低的172位（見附表）。足總隨即委任前南華教練、現足總青訓總教練金判坤為署理教練，主要目標是為下月初在香港舉行的東錦賽第二圈外圍賽，而今晚對大馬為港隊的最後熱身賽。

陳偉豪復出穩定防守
金判坤重掌港隊兵符後，隨即重召李威廉、郭建邦及鄭少偉等舊將歸隊，另外亦有麥基、陸志豪及趙俊傑等新丁入選最後20名球員大軍；配合林嘉緯、黃洋及盧均宜等骨幹球員，加上隊長陳偉豪及李志豪等常規主力回歸，人腳比上場友賽大馬時完整。

港隊上仗迎戰大馬，就算客軍有半數常規主力缺陣，但速度及節奏等佔優，令港隊組織攻勢也有困難，結果輕鬆技擊港隊，今晚客場要終止連敗走勢是有難度。港隊09至10年曾錄得6連敗兼零入球劣績。

金判坤出發前坦言，港隊備戰時間並不足夠，要爭取挽回球迷支持，球員必須更落力、團結，並以為香港出戰為榮的心態應戰：「港隊默契應沒太大問題，踢法及陣式亦不會有改動，隊長陳偉豪復出可穩定港隊中路防守。」金帥透露，麥基及趙俊傑等港隊新丁將有機會上陣。

港隊排名迭創新低
國際足協剛公佈10月世界排名，香港因主場大敗給馬來西亞，一如所料的下跌，還要跌至172位的歷史新低，連馬爾代夫、阿富汗及尼泊爾也不如；更值得關注是港隊自09年開始，年終排名是連續3年下跌，估計今年也不例外。

man36951

香港近年對馬來西亞戰績
15/10/12 主負 0:3
03/06/11 主和 1:1
09/02/11 客負 0:2
13/10/04 主勝 2:0
18/02/04 客勝 3:1
23/03/01 中勝 2:1

man36951

由「Kim sir」金判坤帶領嘅香港隊今晚將會作客馬來西亞，雖然冇電視直播睇，不過吾港波都會同各位球迷一齊留守電腦前面，遠距離為香港隊打氣，希望以一場勝仗掃走近期衰氣！睇番今次港隊入選名單，最受注目都算係首度正式代表香港出戰國際賽嘅「快馬」洋將麥基，不過論近期風頭躉，相信一班年輕力壯嘅港將都要向「佢」甘拜下風。吾港波講嘅之唔係三十有九嘅「野獸」迪天奴，喺禮拜日場聯賽唔單止協助公民以7：3大勝大埔，締造今季大手比數紀錄，個人仲大演帽子戲法同接連助攻，搞到連喺自己龍門執波頻頻嘅大埔門將李瀚灝，賽後喺Facebook都要向野獸寫個服字，話要學習呢位大隻佬嘅心態。

迪天奴嘅大隻佬身材，一直喺香港聯賽都係「屈晒機」，不過隨住年月漸長，更加令吾港波佩服嘅就係，好似野獸無時無刻充滿戰鬥力嘅態度，雖然佢已經唔再係必然正選，但每次上到球場都眼神冒火，今季除咗喺前線衝鋒陷陣，仲不時回防助守，你話吾港波又點可以唔Salute吖！

年紀大，未必一定機器壞。喺外國不時都有老來嬌踢到37、38歲都仲有貨交，香港聯賽一向出名賽期疏落兼節奏較慢，足夠一班上咗年紀嘅老將回氣有餘。之但係近幾年除咗「和哥」李健和踢到42歲先言退，綜觀今季10支甲組大軍，「70後」華將竟然數埋唔夠5個，其中一個就係幾乎因為屯門高層變動慘食無情雞嘅李海強。論能力，好似上季仲馳騁甲組嘅潘耀焯、黃鎮宇同陸冠邦等3字頭「老將」，吾港波認為佢地都仲應付有餘；之不過喺香港地踢波，同其他行業正好相反，年紀愈大經驗愈多，人工只會續年遞減，再唔係就「被勸喻」改做助教。為未來鋪好後路，本來都無可厚非，可惜就係一班球迷少咗機會欣賞呢班老將嘅風采，仲有就係年輕球員亦都少咗機會學習。

諗番起早幾年，吾港波聽過有球圈中人大彈迪天奴練波態度，話佢成日扮傷唔練習。其實喺外國，教練團都會同個別球員度身訂造訓練計劃，特別係一班老將，喺體能訓練量會較少，好等佢哋可以養精蓄銳。之但係香港波嘅教練團人手，跟本唔容許咁做，有啲外人唔係日日落場睇練波，唔知情嘅話又會以為球員偷懶，搞到球員啞子吃黃蓮。好彩嘅係迪天奴遇到伯樂，用行動證明唔係留喺香港呃飯食，出年嘅佢仲夠期領取「三粒星」身分證，成為香港永久居民，就算無意入選香港隊，吾港波都好希望野獸可以喺香港踢多幾年波，欣賞多幾年野獸式咆哮入球！

man36951

【港隊友賽戰報】
有李志豪「兩黃一紅」被逐的港隊，
作客馬來西亞憑林學曦88分鐘的入球，
以1：1逼和對手。
港隊打不死，好波！.

man36951

man36951

正選陣容：
(1) 葉鴻輝 [GK]、(12) 盧均宜、(15) 陳偉豪 [C]、(2) 李志豪、(21) 郭建邦、(3) 劉松偉、(6) 黃洋、(9) 李威廉、(10) 林嘉緯、(8) 李康廉、(25) 麥基
圖片來源: 香港足球總會

馬尾

man36951 發表於 2012-11-14 23:14
【港隊友賽戰報】
有李志豪「兩黃一紅」被逐的港隊，
作客馬來西亞憑林學曦88分鐘的入球，

好野