多謝洋洋醫師

neednotreveal · 發表於 2012-9-13 19:25:08

事源小弟向來頸和背都有問題, 頸就點都唔舒服(枕頭床墊點換都唔掂), 背部(左、右肺葉後的肌肉) 就經常無源無故會痛(吸氣就扯住痛, 開車一側頭望鏡又痛, 叫人大力打幾下就好似好Ｄ)。每年我都有做全身體檢, 總話無事(A clean bill of health), 痛時睇醫生, 又話我無嘢, 可能喺肌肉疲勞、扭傷或拉傷(muscular fatigue, sprains or strains), 一支止痛針加包止痛藥就將我打發! 一直都唔覺喺咩大問題, 因為通常過幾日就無事。不過為咗幫助肌肉放鬆,我每星期都做兩、三次桑拿dup骨, 有無效都好, 就當喺placebo囉。點知上星期行行嚇街, 腰部肌肉(脊骨左右兩邊)特然好似有微量電流通過, 閃嚇閃嚇, 跟住就痛,痛到用唔到腰力從椅上企起身或起床, 連彎身刷牙同著褲都唔多掂! 心諗跌打,脊醫,physiotherapy都試過, 效果不彰,有人話推拿掂咪試嚇。

上星期約時間,好彩醫師下午有空。第一次上去她跟我講好多肌肉同穴位名稱, 一個都記唔到,印像最深喺佢話我任督二脉唔通。我心諗打通任督二脉做乜? 做武林高手去華山論劍, 定喺好似死鬼Pavarotti咁去唱鬼佬歌劇。跟住上骨床, 佢一落手開背我就叫痛( 我對痛的分級喺:1級--肌肉位被打,2級--軟肉位被打,3級--練唔到Ｄ位好似上五寸下五寸位,4級--內藏痛,5級--每個男人都知),2-3級, 穀實Ｄ肌肉喺忍得住。但做到膊頭同頸就真喺好痛,3-4級, 差Ｄ痛到失禁咁。當時真想走佬, 但醫師話我呢Ｄ位好實, 唔通會增加中風(stroke) 機會, 嚇我一驚! 好啦, 死頂頂到夠鐘, 當醫師話今日做到呢處, 我真喺好開心。當時我立即起身, 唔喺借力喺用腰力起身, 好似幾好, 隨即book今個星期二。番屋企途中唔知喺推拿Ｄ效果定喺同佢鬥力鬥到攰, 喺車上瞓著。跟住兩、三日Ｄ肉真喺好痛, 連去桑拿USB都無心機, 但條腰真喺鬆好多。

第二次經歷同第一次差唔多, 但無咁痛, 醫師話通咗Ｄ。但我就覺得好舒服。連續兩日晚上瞓得好好, 今日神清氣爽, 多年來成日好係瞓厲頸Ｄ感覺無咗, 腰痛又好咗, 醫師真喺好掂, 真喺有Ｄ期待下一次推拿。才疏文拙, 本來不應獻醜, 但希望同各位同我有差唔多毛病嘅ching分享吓,最主要喺多謝洋洋醫師。

謹祝洋洋醫師福壽康寧。