無。比。敵

hk8668 · 發表於 2012-9-7 02:20:52

抹香鯨（學名：Physeter macrocephalus）係世界上最大嘅齒鯨，亦係家下最大型掠食者之一。佢亦係所有鯨類中潛得最深、最耐嘅，可能只有喙鯨科嘅兩種：
Bottlenose Whale.jpg

瓶鼻鯨（Bottlenose Whale）先可以同佢比。抹香鯨40隻7英吋嘅尖牙可以使出1500磅嘅咬合力道，但抹香鯨好少咬合雙顎。

除咗以前被視為頭號目標嘅捕鯨時期以外，抹香鯨可能係大型鯨中數量最多嘅一種。

種名 macrocephalus 係嚟自希臘文，意思係「大頭」。抹香鯨另外重有一個名叫 catodon，同種異名嘅情況以前曾拗過好耐，目前似乎以 macrocephalus 為主流。

白鯨.jpg

赫曼梅爾維爾（Herman Malvill）嘅經典名著「無比敵」（Moby Dick），書裏面嗰條神勇嘅大白鯨「無比敵」就係一條抹香鯨。

基本資料
出世時身長、體重：4 米、1,000 公斤
最大身長體重紀錄：公 ─ 18.3 米、57,000 公斤；乸 ─ 11 米、24,000 公斤
壽命：至少 60 - 70 年
界 (Regnum):動物界 Animalia　　　　　門 (Phylum):脊索動物門 Chordata
綱 (Classis):哺乳綱 Mammalia　　　　　目 (ordo):鯨目 Cetacea
亞目 (Subordo):齒鯨亞目 Odontoceti　　科 (familia):抹香鯨科 Physeteridae
屬 (genus):抹香鯨屬 Physeter　　　　　種 (species):抹香

外型特徵
1-sperm-whale-physeter-macrocephalus-hiroya-minakuchi.jpg

1-sperm-whale-physeter-macrocephalus-hiroya-minakuchi.jpg

　　同身體比較起嚟，抹香鯨個頭顯得大到唔成比例，佢有動物界中最大嘅腦，但條尾又輕又細，個身成條大蝌蚪噉。成年雄鯨個頭尤其明顯，佔身體全長四至三分之一，外表大致呈方形。

　　下顎狹窄而似棒狀，長度比上頷短，由側面睇唔易察覺。身體中後段嘅皮膚表面通常有好多水平方向嘅摺皺，呢點同其他鯨類平滑緊實嘅皮膚唔同，肥胖個體嘅皮膚摺皺通常唔多明顯。

　　噴氣孔位於頭部前方偏左，因為抹香鯨嘅頭骨喺發育過程中會極嚴重向左邊歪斜。背脊相對於背鰭嘅位置有低矮嘅凸起，其後有一連串較小嘅突陵一路延伸至尾鰭，尾柄厚實。胸鰭短而寬闊，尖端渾圓，尾鰭呈三角形，邊緣筆直。抹香鯨嘅性別體型差異好大，成年雄鯨嘅身長通常比雌鯨長三分之一，體重可達雌鯨嘅兩倍。下顎有20至26對大而呈圓錐狀嘅牙齒，上顎嘅牙齒細而埋喺牙齦裏面，或者只有牙槽。
口.jpg

　　抹香鯨外表呈深灰色，但喺陽光之下可能呈現啡色。上脣同下顎近條脷個位係白色，喺肚同側腹處通常有不規則嘅白色區塊。

牠們的分佈

　　抹香鯨廣泛分佈於全世界唔結冰嘅海域，由赤道一直到兩極都可以搵到佢哋，其中喺又深又多海產嘅海域就最多，呢類抹香鯨成日出現嘅地地方，以前捕鯨者習慣叫嗰度做「基地」（Ground）。

　　成年雄鯨同雌鯨嘅分佈明顯好唔同，雌鯨通常棲息喺水深 1,000 公尺以上、緯度 40 度以內嘅海域，但係喺北太平洋困度可達北緯50度左右；雄鯨細個跟住阿媽喺熱帶海域生活，長大後至會離群逐漸游去較高緯度，越係大隻、年齡越老嘅雄鯨，分佈範圍就越偏高緯度，甚至會游到兩極浮冰地帶。雌鯨同未成年抹香鯨群通常會停留喺 1,000 公里寬嘅區域內至少10年，而成年雄鯨移動情形就寬敞好多。

牠們的習性

海面行為

　　因為抹香鯨嘅潛水時間好長，喺海面上睇到機會唔高，但係咁特別嘅外形同噴水方式就一定唔會俾人搞錯。

　　兩次下潛之間抹香鯨通常會喺海面漂浮或者慢慢咁游，嗰陣時個樣好似一嚿大浮木咁；噴水係呈45度向左直噴，形狀好似棵樹咁。時時都會躍身擊浪或鯨尾擊浪。

潛水

　　當抹香鯨向下潛，最明顯嘅徵兆係條尾揈起（Fluking），佢哋會將尾鰭舉到高一高，然後垂直下潛。

　　已知抹香鯨最深可潛到水底下 3,195 公尺，閉氣時間去到 138 分鐘，但平常嘅潛水遠唔會有咁多，一般會潛到 400 公尺深，時間大概35 分鐘，體型越大嘅雄鯨就潛得越深、越耐。

牠們的社會結構

　　長期穩定嘅雌鯨群構成抹香鯨社會嘅核心單位，呢類小群可達12條成年雌鯨，並伴隨啲雌性同埋年輕雄性後代。雄鯨大概4至6歲大、最遲喺21歲過後會脫離出生家族獨自行動，年輕雄鯨會組成所謂嘅「單身漢族群」（Bachelor　schools），參與者嘅體型同埋年齡多半相近，但個體間嘅聯繫唔似得啲雌鯨群咁緊密，而且會隨住年齡增長而更加鬆散。身長達12至17公尺嘅年老雄鯨多半獨自喺大洋中悠游，極少發現持續達1日以上嘅交流情形。成群嘅抹香鯨有時會喺沙灘上擱淺。

牠們的社交行為
2-sperm-whale-physeter-macrocephalus-hiroya-minakuchi.jpg

2-sperm-whale-physeter-macrocephalus-hiroya-minakuchi.jpg

　　由於成年雄鯨個頭不時會有嚴重嘅傷痕分佈，有時會見到斷折嘅牙甚至係下顎，科學家認為個體間可能有激烈嘅爭鬥行為。唔同嘅雌鯨群相遇嗰時，似乎有藉住聲音來溝通連絡嘅情形。

逃避與還擊

　　小說或電影裏面成日將抹香鯨講到好鬼惡、會撞船的怪獸，但事實上抹香鯨一遇到危險，多數會選擇逃避。當抹香鯨意識到危機，個頭會先探出水面浮窺，並慢慢咁轉個身去睇清楚上面的環境，一旦知道有危險（例如殺人鯨接近），牠們會加速游走或下潛到高深度，鯨群中只要有一條逃避其牠的都會跟隨。

　　抹香鯨的泳速平均大概2至3節（1節相當於時速1.852公里），逃避時速度可能達7節，捕鯨時期就曾經有抹香鯨被追殺，而以12節嘅泳速狂奔記錄。

　　有時候抹香鯨會選擇還擊，文獻上有講捕鯨船被抹香鯨撞甚至撞毀的記錄。
尾.jpg

　　抹香鯨咁大個鐵頭同咁有力的尾巴有很強勁的破壞力，被攻擊過的船多數船壁被撞毀或被鯨尾掀翻的情況，以前亦試過有捕鯨艇被發怒的抹香鯨咬斷。

牠們的生殖

　　由於抹香鯨嘅生長速度好慢，以及對後代長期咁照顧，因此佢哋喺被大量捕殺之後要極耐時間先有可能恢復原有嘅族群數量。雌鯨大概9歲先性成熟，每4至6年先生一胎，較老嘅雌鯨生殖可能隔好耐。懷孕期至少喺1年以上，可能長達18個月。雌鯨哺乳期至少2年，有時更長；曾經喺一條13歲大嘅雄鯨同7歲雌鯨嘅胃中發現鯨乳。

　　繁殖地一般喺南、北緯40度之間嘅熱帶同亞熱帶海域，雖然有部分交配行為喺冬季至夏季發生，但大多數響春季：喺北半球，交配期可能由1月一直到7月，而以3月同5月為最高峰；南半球嘅抹香鯨交配期8月同12月之間，主要集中喺10月。

護衛與抗敵

　　抹香鯨同部分鬚鯨一樣會有所謂護衛行為，喺一條雌鯨小群附近幾公里處有時會發現有1至2條成年雄鯨跟隨，可能喺前方、側面或者後方（但情況好少）。原因可能同爭取交配機會有關，但係當雌鯨群遭遇危險嗰時的確有提供保護嘅作用。
　　當雌鯨群面對殺人鯨威脅時，可能會擺出所謂嘅「車輪」圓陣，亦即成鯨圍成一個大圓，幼鯨被集中喺圓心處保護，整體看來形似馬車車轆咁樣。除咗一般人容易想像嗰種以頭向外敵嘅情況外，尾向外嘅陣型亦都有記錄。

牠們的食物

以上影片乃youtube提供,與本站無關; 若無法觀看,可查看原網址。

　　一般認為抹香鯨主要響海底或者附近區域搵食，食唔同品種嘅：

槍烏賊（Squid）。雌鯨主要捕食重量喺 0.1 至 10 公斤左右嘅槍烏賊，但亦包括一啲更大隻嘅獵物，例如好出名嘅：
Giant squid.jpg

大王烏賊（Giant squid，或者叫巨槍鰂）等；雄鯨亦會食槍烏賊，不過都係鍾意食更大隻嗰啲，例如大王烏賊咁。

以上影片乃youtube提供,與本站無關; 若無法觀看,可查看原網址。

　　曾經喺一條抹香鯨嘅胃度搵到一條幾完整，長12公尺、重達 200 公斤嘅大王烏賊。喺抹香鯨嘅嘴邊同身上有時會見到類似被抓傷嘅刮痕同圓形嘅吸盤印痕，可能就係同呢類大型獵物打交嗰時，由槍烏賊觸鬚所造成嘅傷痕，曾經有發現直徑達十厘米嘅吸盤印痕嘅記錄。

以上影片乃youtube提供,與本站無關; 若無法觀看,可查看原網址。

　　另外抹香鯨亦都食八爪魚、烏賊、魔鬼魚、鯊魚，同埋其他硬骨魚，但所佔比例唔高。食嘢時佢哋會吞埋石頭、海綿、海鞘等呢啲非食物物體。有好清晰覓食時期，同其他鯨魚唔同。抹香鯨成年都會搵食，估計每日要消耗相當於體重3%至3.5%重量嘅食物。

聽覺與發聲

　　抹香鯨嘅聽覺相當靈敏，聽講捕鯨時期捕鯨者必須盡可能咁保持安靜，先至可以接近喺海面上休息嘅抹香鯨，即使係船槳敲擊小船所造成嘅音量都可能會嚇親佢哋。抹香鯨成日叫嘅聲音係一連串滴答聲（Click），喺唔同狀況下記錄到嘅頻率都會唔同。科學家認為咁可能同回音定位（Echolocation）同其他個體嘅溝通有關。除咗以回音定位來搵獵物外，會有人認為佢哋會用聚焦嘅超音波來震暈獵物，唔過依點暫時重未有證據。

抹香鯨與人類

　　響捕鯨時期，抹香鯨係非常重要嘅獵物，一方面係因為佢哋有品質好好嘅鯨油同鯨腦油，另一方面因為當時嘅船主要係帆船，追唔到大條嘅鬚鯨，所以游速較慢而死後會浮響水面嘅抹香鯨同露脊鯨就成為捕鯨者嘅頭號獵物。

鯨腦油

　　鯨腦油（Spermaceti）又叫做鯨臘，係一種白色嘅臘狀物質，個名嚟自拉丁文sperma同埋ceti，意思分別係「精子、精液」同「鯨」，當初發現時被人誤以為係抹香鯨嘅精液。鯨腦油主要成分係十六酸鯨臘醇酯（分子式 C15H31COOC16H33），熔點攝氏 42 至 50 度，不過鯨腦油嘅實際熔點接近或略高過抹香鯨嘅體溫。

　　鯨腦油儲存喺抹香鯨頭部稱為「抹香鯨腦油器」（Spermaceti organ）嘅腔室中，一條抹香鯨頭部可能含有 1,000 公升以上嘅鯨腦油。呢個器官同鯨腦油嘅功能目前都無確實嘅答案，一般認為抹香鯨會藉住增加局部血流量或者吸入冰冷海水嘅方式，畀鯨腦油溶解或凝固而改變比重，作為深潛同上浮時嘅浮力調節器。另外有種講法係腦油器官可能有類似透鏡聚焦嘅功能，同抹香鯨發射超音波有關。

自人類開始捕捉抹香鯨以來，鯨腦油就被視為重要商品，最初用嚟做蠟燭，後來主要用嚟製造潤滑油。

虛幻物：龍涎香

　　龍涎香（Ambergris）係一種偶然會響抹香鯨腸道裏面形成嘅臘狀物質，主要用於香水固定劑。個名源自古法語Ambre gris，意思係「灰色琥珀」，同佢相對嘅係Ambre jaune（黃琥珀），亦即係真正嘅琥珀（Amber）。

　　大多數龍涎香都係喺抹香鯨嘅大腸中發現，但亦曾經喺小腸中揾到小碎塊，推測佢最初應該係喺小腸中形成。體內有龍涎香嘅抹香鯨比例只佔1%至1.5%，一般認為佢係槍烏賊嘴喙喺腸道消化後剩餘嘅殘渣，但確實嘅形成原因目前重未清楚。

　　龍涎香嘅外觀呈暗褐色，內部就係淺黃至灰色，重量由0.1至10公斤不等，已知最大嘅龍涎香係喺1953年12月21號，由一條喺南半球捕殺嘅14.9公尺長嘅雄抹香鯨體內取得，重達420公斤。龍涎香嘅比重大概0.73至0.95，因此被抹香鯨排出體外後會浮喺海面，偶然情況下會好似傳聞噉俾海浪沖上沙灘，但係目前有記錄嘅龍涎香絕大多數都係商業捕鯨時代由抹香鯨體內取得嘅。
　　分析一下龍涎香嘅化學成份。其中大概25%至45%係一種稱為龍涎香醇（Ambrein，分子式C30H52O）嘅物質，佢造就咗龍涎香嘅特殊性質。新鮮嘅龍涎香因為沾有抹香鯨嘅屎而有刺激性嘅臭味，但等佢成熟之後會產生類似麝香嘅香味。
　　龍涎香早喺9世紀時嘅伊斯蘭世界就成為貴重嘅商品，用嚟做香薰、催情劑、香料同特殊藥材等，當時龍涎香被視為一種神祕嘅物質。喺1574年，一位法蘭德斯嘅植物學者Carolus Clusius首度提出龍涎香係抺香鯨消化道殘餘物嘅理論，呢個學說要等到1712年美國開始大量捕捉抹香鯨之後先普遍被人接受。到咗20世紀，可取代龍涎香嘅化學合成物質先至面世。

牠們的保育現狀

易危 (VU)
　　比起瀕臨滅絕嘅大型鬚鯨，抹香鯨嘅處境似乎好咗好多，現今世上估計重有幾十萬條抹香鯨，食物來源並唔係人類漁業嘅主要目標，而佢哋位於較深海域嘅棲息地喺污染同埋人類破壞上亦比較輕微。然而，捕鯨嘅後遺症已開始浮現。過去捕鯨者會選擇性捕捉體型較大嘅成年雄性，雄鯨大量被捕殺嘅結果可能減少懷孕率並增加雌鯨、幼鯨群俾虎鯨攻擊嘅可能性；另外有研究發現抹香鯨族群之間嘅基因差異度極少，原因可能係同雄鯨大量被捕殺有關。今日對抹香鯨最主要嘅威脅係漁具纏繞同埋船隻嘅碰撞意外。

　　在香港，2003年7月21號，一條重在生嘅少年雄性抹香鯨被發現喺西貢西灣擱淺。遊人同研究員，漁護署人員同兩名獸醫花咗好多個鐘都救唔返佢，漁護署獸醫最後將佢人道毀滅。屍體後來被拖到萬宜水庫西壩一塊空地埋葬，等日後攞骨嚟做標本。

為大家帶來藍海中的一個傳奇～無。比。敵！

希望各位喜歡～

我又要去找新朋友啦~~下次再見～～！

謝謝觀賞～

henry1328 · 發表於 2012-9-7 03:20:00

History's first video of
a live giant squid captured

以上影片乃youtube提供,與本站無關; 若無法觀看,可查看原網址。

On December 22, 2006, Tsunemi Kubodera (National Science Museum of Japan) announced that he has succeeded in taking history's first video of a live giant squid.
大王烏賊Giant squid 中国大連貝殻博物館

以上影片乃youtube提供,與本站無關; 若無法觀看,可查看原網址。

巨型魷魚標本在大連貝殼博物館展出。這是一個真正巨大的魷魚。 2006年6月。
抹香鯨（Physeter macrocephalus）

以上影片乃youtube提供,與本站無關; 若無法觀看,可查看原網址。

Sperm whales resting, echolocating and communicating off the island of Dominica, January 2011
抹香鯨骨頭標本

以上影片乃youtube提供,與本站無關; 若無法觀看,可查看原網址。

台南市北門區-北門遊客中心
侏儒抹香鯨擱淺母鯨也不幸死亡

以上影片乃youtube提供,與本站無關; 若無法觀看,可查看原網址。

2012-05-13下午3點左右，在新北市石門區發現了一隻小侏儒抹香鯨擱淺，海巡人員趕緊到達現場救援，且將小抹香鯨妥善安置。沒想到不到3個小時，又發現另一隻母的抹香鯨擱淺死亡，疑似是找不到小抹香鯨而游到岸邊不幸擱淺死亡。
4頭抹香鯨在濱海擱淺死亡

以上影片乃youtube提供,與本站無關; 若無法觀看,可查看原網址。

2012-3月16日，4頭抹香鯨擱淺在江蘇省鹽城市新灘鹽場附近灘塗，體型最大的身長約20米、體重約30噸。獲知這一消息後，鹽城邊防支隊官兵立即趕往現場，輪班給鯨魚澆水保濕。但在3月17日，這4頭成年鯨魚被證實已全部死亡。

CHINOY · 發表於 2012-9-7 07:22:22

無。比。敵
以上影片乃youtube提供,與本站無關; 若無法觀看,可查看原網址。

Moby Dick is a 1956 film adaptation of Herman Melville's novel Moby-Dick. It was directed by John Huston with a screenplay by Ray Bradbury and the director. The film starred Gregory Peck, Richard Basehart, and Leo Genn.

Wanbaolung · 發表於 2012-9-7 09:53:25

大開眼界, 多謝師兄分享 !! 我最關心龍涎香 ~~

在漢代，漁民在海里撈到一些成品龍香，乾燥後能發出持久的香氣，點燃時更是香味四溢，於是被當著寶物貢獻給皇上，在宮庭里用作香料，或作為藥物，稱作「龍涎香」。後來歐洲人把龍涎香叫做「琥珀香」，羅馬人叫做「撒克」，法國人叫做「黃色的香料」，英國人乾脆就叫做「琥珀」。世界上最早發現龍延香的國家，是埃及。龍涎香是重要而極為珍貴的藥材，被認為具有壯陽催情作用。龍涎香起初從鯨的腸道中排出海中時為淺黑色，在海水的作用下，漸漸地變為灰色、淺灰色，最後成為白色。白色的龍涎香品質最好。