倪匡 - 如何防止香港大陸化

warrenlee888

【倪匡　訪談】 《蘋果》記者：張嘉雯

問倪匡如何防止香港大陸化，他反問記者：「你有冇返大陸玩呀？（有呀。）咪係囉，邊個香港人未去過大陸吖，咁你咁鍾意返大陸做乜啫？唓！你根本當冇件事，當毛澤東統治冇件事，係呀風光好呀、食得好呀、住得好呀，咁鍾意去大陸玩，中國嚟統治你驚乜啫。」

香港人對國家感情複雜，國旗飄揚時打呵欠，看到六四燭光卻想到自己是中國人，聽到國民教育動肝火，北京奧運傳聖火又趕去夾道歡迎，倪匡罵香港人精神分裂不爭氣。

倪老大1957年偷渡來港後，就再也沒有踏足過大陸，當然也沒有申請回鄉證，最有資格對受過共產黨壓迫、今日卻擁抱中國的香港人罵得狠：「你麻木吖嘛根本係，對於獨裁同強權統治麻木呀，對政治一無所知嘅，中國人嘅民族性係咁㗎嘛，如果我講犀利啲嘅話，直情係冇血性、冇公義感，講起大陸個個講到眉飛色舞，係我呢啲人先咁頑固嘅啫。」

他說共產黨了解香港人最透徹，但香港人吃喝玩樂大過一切，莫名其妙。看到新界東北疑似被割讓，香港人無不感震驚，但倪匡一笑置之：「哈哈哈哈，你覺得中港兩地仲未融合嘅咩？我覺得已經融合咗㗎喇，而且香港人好鍾意㖭，幾多人去深圳按摩、去中山叫雞呀，融合得都唔知幾妥當㖭，仲使你驚嘅，你話係咪？香港同廣州有乜分別啫，鶽家好多人去廣州生活囉、好多人去深圳生活囉、好多人去上海囉，你有乜唔同啫。仲要唔單只係啲好無知嘅基層巿民，啲高層中層有邊個唔去大陸啫？」

倪匡看穿香港人不敢也不會起革命：「幾百萬人全部上街反對共產黨，都得嘅，但係香港人唔會同你咁儍㗎嘛，香港人個個返大陸嘆世界都嚟唔切，香港人唔知幾鍾意共產黨！」

他的哈哈哈哈如寒風，哈到電話筒都結霜：「你一方面非常討厭共產黨，一方面又擁護共產黨，矛盾到離譜，你唔鍾意共產黨，唔會有呢啲行動（返大陸）㗎嘛，好似我咁，我喺外國長久居住，不過為咗私人原因返嚟香港，都唔知幾慚愧，幾乎冇面目見人，嗰啲人返大陸返到好似返自己屋企咁開心，你仲講乜反共啫？」

肥叔叔

蘋果訪問錯左人  

新.東方

幾多人去深圳按摩、去中山叫雞呀~

4台之友~~

谷村富郎

看完了整段的樓主之貼文,深感大陸解放之初政治動亂對當時人民禍害之深,以至損害了大量類似倪先生這種知識分子的感情,相信在這裡吹水之兄弟自己包括其家人都有同感。
亦同時對倪生這個我少年時着迷的衛斯理之晚年感嘆不已。
一個幾十年從未再返回過內地的人,只是單純地用自己的悠悠仇恨感情去談論中國大陸,完全沒有聯想到或連系到整個中國幾十年之间的國防,民生,經濟之需要,無疑有點夏蟲語冰,真的,假如他不是大名鼎鼎的倪生,我還以為他只是一個文革受過苦的普通老頭子,唉！算了吧,說不定我日後老了比他更糟糕。

逗利是佛

谷村富郎 發表於 2012-9-3 17:43
看完了整段的樓主之貼文,深感大陸解放之初政治動亂對當時人民禍害之深,以至損害了大量類似倪先生這種知識分 ...

佢同共產黨仇深似海，所以老死不相往還是可以明白的。但係佢對其他做唔到好似佢咁的人就單單打打就有點......

雖知道幾多人生活都要睇餸食飯，邊個唔想得閒就去吓法國買件衫，返香港之前經過新加坡食埋飯先返。去吓大陸生活消費都要人孭咁多政治包袱？！佢唔覺自己都有問題果度好野囉

新.東方

逗利是佛 發表於 2012-9-3 21:09
佢同共產黨仇深似海，所以老死不相往還是可以明白的。但係佢對其他做唔到好似佢咁的人就單單打打就有點.. ...

咁佢呢D風流才子, 睇野既角度係唔同D既...

逗利是佛

tung1871 發表於 2012-9-3 22:55
咁佢呢D風流才子, 睇野既角度係唔同D既...

企吾洗睇餸食飯丫麻

谷村富郎

tung1871 發表於 2012-9-3 22:55
咁佢呢D風流才子, 睇野既角度係唔同D既...

風流才子,他小說裡幻化的衛斯理角色和白素感情之動人描寫仍在我腦海中...

新.東方

逗利是佛 發表於 2012-9-3 23:10
企吾洗睇餸食飯丫麻

如果我係超上流...
我都應該唔理政治搞緊D咩...
因為係佢地個世界, 無論邊個掌權都好,
對佢地都無影響~
佢地個風花雪月世界, 由佢地自己話事

逗利是佛

tung1871 發表於 2012-9-3 23:13
如果我係超上流...
我都應該唔理政治搞緊D咩...
因為係佢地個世界, 無論邊個掌權都好,

乃咁講可能會惹毛''香港本地土生土長關注風涼話大聯盟''架~~

barying

我又覺得倪匡呢次講得好很啱喎。

問下呢度反共既師兄，有邊個無返過大陸玩，

有邊個既衣、食、住、行同大陸無直接或間接關係、

有邊個既工作同大陸無直接或間接關係、

如有師兄符合以上條件，我好贊同佢地反共。

否則有如倪匡所講："精神分裂不爭氣，仲講乜反共啫？"

學佢老人家咁，搬去外國住啦又。

不過，去到外國，咪又迫住要用大陸生產既國貨！吹咩。

新.東方

barying 發表於 2012-9-4 04:36
我又覺得倪匡呢次講得好很啱喎。

問下呢度反共既師兄，有邊個無返過大陸玩，

著數好野要拎盡...
但共產黨又要反到底...
算唔算輸打嬴要呢...

bbarying

回復 tung1871 #12 的帖子

呢D叫：

"精神分裂不爭氣"

選擇性失明時間又到啦~~

逗利是佛

tung1871 發表於 2012-9-4 07:18
著數好野要拎盡...
但共產黨又要反到底...
算唔算輸打嬴要呢...

掟煲唔掟蓋

只要佢地"定義"做呢尐係"應份"既,咁很多問題咪可以迎刃而解囉

太空翔

barying 發表於 2012-9-4 04:36
我又覺得倪匡呢次講得好很啱喎。

問下呢度反共既師兄，有邊個無返過大陸玩，

曾返大陸,
就不能反共?

中國幾千年?
中共又幾年?

香港,
食,衣,住,行,
當然與大陸有關,
向來付錢,
為何是中共恩賜?

請問,
楊利偉,
是中國第一個太空人?
還是,
中共第一個太空人?

barying

太空翔 發表於 2012-9-5 05:50
曾返大陸,
就不能反共?

1.那倒要看看你返大陸是幹什麼事的？游山玩水？

2.中共，成立於1921年7月；
那，中國幾多千年?

3.錢是萬能的嗎？

4.楊利偉，
是中國人？
還是地球人？

kingkong_hk

回復 warrenlee888 #1 的帖子

典解唔係大6如何妨止香港化

通天神州

說到港人精神分裂, 一定要提及沙利文這位代表人物啦!
沙利文主職是研究精神分裂左的工作, 並出了本叫"現代精神病學的概念"
沙在一生研究人類行為的思想方式, 並受到神經病學家懷特影響下投入研究
在生時間致力於人際關係下分析人心理發展變化和變態人格.
18至19世紀頭這段時間當年流行變態心理, 不是我們現代人直呼他變態這形容!
對於倪匡而言, 這句"香港人精神分裂"只屬說話性的語言解釋,
並非真正深入研究港人的心理狀況!

所以答案: 香港人是否精神分裂, 系沒有科學根據及醫學証明的
原因是直指香港全部人

又一名不了解大陸國情又沒有實地探討就狠批之作家, 外地打電話比個仔就當回來啦!

太空翔

barying 發表於 2012-9-5 19:55
1.那倒要看看你返大陸是幹什麼事的？游山玩水？

2.中共，成立於1921年7月；

1.閣下有此問,
   莫非去大陸皆是游山玩水?
2.閣下若不懂,
  中國幾多千年?
  實不知何為謂"反中亂港"?
  閣下是否可教兄弟?
3.錢是不是萬能.
  閣下先自問,
  有很多錢嗎?
4.中國人?不懂.
  地球人?閣下懂?

barying

太空翔 發表於 2012-9-10 05:44
1.閣下有此問,
   莫非去大陸皆是游山玩水?
2.閣下若不懂,

呵呵，

1.返大陸反共又如何、

2.反中華人民共和國亂香港、

3.我就是冇多錢，所以知道冇錢是萬萬不能、

4.我咪就係地球人囉。

承讓了