浙江湖州的特色菜及小吃

mastertim · 發表於 2012-8-31 16:35:03

本帖最後由 mastertim 於 2012-9-1 00:52 編輯

今日好黑仔,哂咗近1個鐘整理的湖州菜相片，在接近完工時，突然四台自動關閉本版面，我無論點整都無法揾返之前嘅帖相同說明，失望之餘，只好以簡易版向大家介紹，四台唔想我以精品示眾，徒復奈何

八月嘅某一天上午十點，由宜興賓館揸車二個鐘沿住太湖邊高速行駛就到咗湖州市，好肚餓，都係揾嘢食先，嚮地頭蟲嘅帶領下，揾到一家地道湖州菜館，外表雖平凡，但菜式真好味，癈話少講，上菜啦：

大家估唔估到呢味係麽嘢菜:開估啦:係芋頭，湖州特產，好似一粒較大嘅雀仔蛋咁上下size，入口好綿，口感唔錯，與當地較濃郁的味道相得益彰．

大家都知道太湖銀魚，但太湖特產的淡水魚郤少人提起，其肉質出奇的細膩，真是江南魚米之鄉的出品，與廣東水庫鯇魚相比，真是不可同日而語．

本人一向對猪大腸無麽好感，但在地頭蟲的極力推薦下，勉為其難地試咗一件，但今次真係有意外收獲，我唔知點形容，只係覺得同廣州，潮汕，香港所食到嘅唔同口感，而且咬得爛，好好味．

太過留戀條淡水魚，叫多條清蒸，並要求師傳用廣府蒸魚嘅方式，雖然時間火侯差ｄ，但都相當好味，南方人食魚係要蒸先過癮

主角出場了，清炖土雞，據講當地嘅雞係由出世就通山走，食蟲大嘅，唔怪得ｄ雞湯令我揾返久違的雞嘅味道，呢種味道，如果你係90後，而又未返過鄉下嘅，我好肯定話你知：你根本不知真正嘅雞味係點樣嘅．我唯一可以做嘅係同自己嘅胃講聲對唔住，請飲多碗啦．

肚雖然好飽，但當地嘅特色小食，粉絲湯與生煎芝麻小籠包點都要試吓，可惜我己無麽感覺了．

希望九月底十月份有機會再去試吓正宗野生大閘蟹，係無食激素嗰隻

MRYEE 註言 (2012-8-31 17:02):
宜興去湖州要兩個鐘？Tim 你地個司機手車都揸得好穩陣。

補充內容 (2012-9-1 00:54):
YeeSir,我知你手車勁，但個司機都應該唔差，可惜上海仔，唔識路，嚮宜興市區都行咗15分鐘先揾啱路，無計，正常應該個半鐘就到了．