邊啲客好服待, 邊啲客難服待..

lionhk2006

做咗咁耐酒店炒散.
對我哩講,
我覺得最好服待嘅客係男人..(我係男架/ _ \)
原因係男人多數係出面做嘢係受氣個一班,
當佢坐落個一刻,
只要你對佢有禮貌,
佢就會好唔習慣, 同時對你嘅印象亦會好好..
之後係佢食嘢期間, 佢都唔會有太多要求, 只會靜靜地食嘢..
後生嘅更加唔洗講,
只要同佢有講有笑,
佢哋就一定唔會難為你,
成晚只要開開心心做嘢, 咁就OK..
最難服待嘅客係莫過於女人同細路仔..
你對佢有禮貌,佢又會越哩越多要求.
冇禮貌又話要投訴..
試過啲客問我有冇熱檸水..
我笑笑口話:"對唔住啊, 小姐, 今晚宴會主人家冇特別分附提供架"
咁就比人X:"咁都冇? 你點做待應架?"
其實哩句係咪有少少問題?主人家冇包到,關我做待應嘅咩事呢
去飲, 多數都係啤酒、汽水、橙汁、紅白酒, 有錢啲嘅有埋XO..
點會包檸水、檸茶、咖啡、奶茶、華田哩啲
再者,就係小朋友,
乖嘅就冇咩嘢,但唔乖個啲就...
係咁跑,
我哋拎住手盤嘅, 個手盤係完完全全會遮住自己下身嘅視線
試個有位師兄拎住手盤, 上面有四杯紅酒, 二杯白酒,
去過飲或者拎過上手嘅都知.
高身酒杯嘅重心有幾咁"穏陣",
是旦郁下都會搖哩搖去..
幾個細路係跑, 撞一撞個師兄, 咁就跌到成地都係,
之後佢哋嘅家長就係咁罵..
罵罵下仲講到好似企咗係隔哩, 睇住個師兄撞佢哋咁..
又係紅酒整到件衫仔哩樣個樣...
但問題係, 個師兄只係企係度, 做招待, 問人要唔要嘢飲, 郁都冇郁過...
問細路就淨係識得喊..
好啦, 搞大件事啦, 睇下閉路電視哩睇下洗唔洗賠錢,
結果自己衰咗又係度嘈,
話小朋友梗係活潑啲架啦..
話咗個師兄咁耐, 一句對唔住都冇..
如果哩啲家長真係咁關心自己小朋友嘅,
點解又唔好好睇實,
到咗出事先哩怪其他人,
好似自己一啲責任都冇?

onninenine

超讚

lionhk2006

煩惱 發表於 2012-8-28 18:53
回復 lionhk2006 #1 的帖子

Sorry .... 用手機加分... 毛啦啦彈咗去＂不贊＂....  ...

哈哈, 由佢啦, 同大家分享姐=]

waiking

無理取閙係香港好多C9 嘅強項嚟架啦

肥叔叔

我就覺得而家好多人心理有問題, 所以丁屎咁多野都投訴,
借機搵人發洩

lawson.

lionhk2006 發表於 2012-8-28 17:40
做咗咁耐酒店炒散.
對我哩講,
我覺得最好服待嘅客係男人..(我係男架/ _ \)

ed咪正牌無家教囉

lawson.

肥叔叔 發表於 2012-8-28 19:06
我就覺得而家好多人心理有問題, 所以丁屎咁多野都投訴,
借機搵人發洩

你唔知宜家咩都要投訴架咩
無錢就要投訴
無野做又要投訴
做野辛苦又要投訴
不如你講下
有咩唔駛投訴好過啦

肥叔叔

lawson. 發表於 2012-8-28 19:13
你唔知宜家咩都要投訴架咩
無錢就要投訴
無野做又要投訴

唸到, 我地無得投訴政棍亂O翁老點市民

lawson.

肥叔叔 發表於 2012-8-28 19:16
唸到, 我地無得投訴政棍亂O翁老點市民

可以架, 去城巿論壇啦

HKOXSEX

打工行行都辛難得師兄睇得開,
家教真係好重要,
其實都有少數後生仔勤力又有禮,
企地上位得好快快
諗落要做多D運動,
5 係老左要靠 D 衰仔後生就 5 好

lionhk2006

煩惱 發表於 2012-8-28 19:01
熱檸水同怪獸 76 家長果 d .... 真係睇就好笑... 但亦最毛耐... 服務業係咁架喇... 香港地好多自以為受過高 ...

講埋成件事你知
我:"對唔住啊, 小姐, 今晚宴會主人家冇特別分附提供架"
女:"咁都冇? 你點做待應架?"
我:"係啊,因為主人家呢今晚冇講過話包其他飲品"
女:"你哋咁大間酒店都冇杯熱檸水嘅咩?"
我:"唔係冇..."
(我其實成句想講"唔係冇, 但如果客人要求主人家冇包嘅飲品, 要另外收費嘅")
女:"唔係咪得囉, 要一杯都咁難"
我:"唔好意思啊, 你誤會啦, 我意思係如果主人家冇特別吩咐過嘅其他嘢, 都要逐一收費架"
女:"哈, 宜家又用錢逹我啊?"
(其實每一間酒店都係咁計, 樣樣都計錢, 一杯仔熱擰水都要10幾蚊)
我:"我唔係咁嘅意思, 小姐, 因為酒店宴會係會每一樣都要收費架, 再唔係, 我幫你問一問經理啊"
(因為經理會四周巡,睇下啲人做嘢嘅情況,我見佢係我附近,我又唔想同個女人嘈, 所以搵個經理幫手)
之後個經理聽完之後, 都知咩事, 佢就將個波拋返比主人家,
"小姐, 其實啱先我哋員工都同你講得好清楚架啦, 主人家冇包嘅, 全部都要另外比錢,
或者咁啦, 小姐你可以去問一問主家, 睇下佢哋意思係點樣樣, 好冇?"
之後個女人先冇再要求啲咩

lionhk2006

waiking 發表於 2012-8-28 19:05
無理取閙係香港好多C9 嘅強項嚟架啦

的確如此,
我做過一次酒席, 係某●幫大老嫁女,
咁全埸咩人, 大家心照啦..
我哋炒散做一樣咁做,
我功夫、禮數做到足,
亦冇因為佢哋身份特別好或特別差,
佢哋見我幫佢哋又佈餐巾(要佈係大脾), 又係咁問佢哋有冇其他飲品想要,
個個咪又係唔該前唔該後,
係, 佢哋的確粗口滿天飛,
但最起碼係會同你講唔該....

waiking

lionhk2006 發表於 2012-8-28 21:22
的確如此,
我做過一次酒席, 係某●幫大老嫁女,
咁全埸咩人, 大家心照啦..

對男人有個好處就係比較講道理

lionhk2006

HKOXSEX 發表於 2012-8-28 19:43
打工行行都辛難得師兄睇得開,
家教真係好重要,
其實都有少數後生仔勤力又有禮,

哎, 我都係返個幾個鐘工姐,
佢哋嘈咪由佢哋囉,
佢哋哩係要比人情,
我哋哩係拎錢走,
同啲無理客人講哩都冇用,
佢哋只會覺得道理係佢個邊,
衰咗都係疾下你,諗住拎返尾采,
咁嘈哩冇意思,
我多數當佢係傻嘅,自己同自己講嘢.

lionhk2006

waiking 發表於 2012-8-28 21:29
對男人有個好處就係比較講道理

係架,
有時佢見係咁叫你,
佢會話:"唔好意思啊,煩到你, 你慢慢得架啦, 我哋唔急架"
佢講完, 你都難以想像啦,
大家都會開開心心,
有時啲男人見真係唔好意思,
就會封一兩封利是比你,
係唔多錢, 但可以想像到哩幾種人嘅分別囉

entry1

每個行業都各有難做既地方

lionhk2006

entry1 發表於 2012-8-28 23:50
每個行業都各有難做既地方

冇錯,
但只要將難處當成挑戰或者係趣事,
咁就會開心好多

呀吓

lionhk2006 發表於 2012-8-28 17:40
做咗咁耐酒店炒散.
對我哩講,
我覺得最好服待嘅客係男人..(我係男架/ _ \)

師兄分享十分精彩

在酒店工作還有沒有更多分享？大家都想聽一下呢！
例如後欄環境是否真的清潔？酒店自助餐那種食物最高危？

intime

lionhk2006 發表於 2012-8-28 17:40
做咗咁耐酒店炒散.
對我哩講,
我覺得最好服待嘅客係男人..(我係男架/ _ \)

呢d就係人的品德, 文化, 質數的問題, 不過唔好教Q精佢.   

呀吓

煩惱 發表於 2012-8-29 11:30
你對後欄果然興趣濃厚 ....

大家對凸你後欄有好大興趣